وعد الآسر🦋 زهرة الفردوس

الفصل الثاني 🦋

قاطع كلامها عمران قائلا: يبنتي انا كل اللي قلته دا عشان بفكر في بنتك .. ابنتك محتاجه أب ليها تكبر وتتربي معاه بنتك لسه صغيرة متخليهاش تكبر لوحدها من غير سند ليها انتي تقدري توفري اللي هي تحتاجه وانا عارف بس مش هتقدري تكوني مكان ابوها .الاب ميتعوضش يبنتي

تحدث آسر بعد ان طال صمته : انا ليا حياتي برا يا حاجه انا مش عايز اتجوز ولا عايز افضل هنا انا موجود دلوقتي هنا عشان ظرف معين وهو وفاة فهد لكن انا مش هفضل هنا علطول انا هسافر ومش موافق علي الجوازة دي معلش اعذرني

قام من مكانه بسرعة وتحرك الي الخارج تحت انظار والده الحزينة لاجله وتلك الجالسه تنظر بشرود في أثره وامه التي تجلس وتبكي علي اولادها والذي حدث مره واحده لهم وقلب حياتهم

تنحنح عمران وتحدث قائلا : انا هديكي فرصة تفكري يا بنتي فكري في بنتك الصغيرة اللي علي دراعك دي وفكري في كلام الناس اللي هيتقال عليكي وفكري في ازاي بنتك هتكبريها من غير ما يكون لها اب

ثم خرج وتحرك الي مجلسه الخاص به بجوار المنزل فالناس يعتبرونه قاضي خاص بهم ومحل لمشاكلهم

فاقت من شرودها علي تلك الطبطبه التي كانت علي كتفها حينما
قالت نجاة: بنتك لسه صغيرة وانتي كمان صغيرة متخليش بنتك تكبر كده يبنتي فكري فيها قبل اي حاجه متنهيش حياتك بايدك عارفه ان اللي بقول صعب عليكي بس دا الصح انتي شايفه اهو واحد المفروض من اهلنا وجاي يتكلم عليكي وكمان يطلبك للجواز فكري يبنتي براحة ومحدش هيجبرك علي حاجه

هزت رأسها بإيمائه بسيطه وحملت ابنتها وتحركت الي الاعلي حيث غرفتها واغلقت علي نفسها الباب وجلست تبكي بمفردها

  ---------------------------------
في بيت عادل أصلان
تحرك هو ووالدته للداخل فبيتهم يقع بجوار بيت عمران اصلان دخل هو وامه والغضب سيد الموقف

تحدث بصوت عال الي امه : شفتي ازاي موافقوش اني اتجوزها دي حيالله ارمله يعني يبوسوا ايديهم وش وضهر ان لقوا حد زيي راضي بيها وبعدين انا مدخلش في دماغي ان اسر يتجوزها اصلا دا مش بيطيق يبص في وشها

منال بغضب عارم : انا كنت حاسه ان عمران هيبوظ كل اللي خططناله كنت عارفه انه مش هيسمح ان حد يتجوز مرات ابنه وخصوصا بعد ما هينقل ملكية كل الاملاك بتاع فهد ليها مهو برده مش هيخلي حد يكوش علي املاك ابنه وعرف يختار لما قال انه هيجوزها لاسر بس انا مش هسكت واكيد هيكون ليا رد فعل علي اللي عملوه وقالوه دا وانا هعرف اتصرف

ماهر : هتعملي ايه يعني هتروحي توقفي الجوازة دي ازاي ما خلاص قالك هيجوزهاله بعد الاربعين يعني قرر وخلاص

منال بخبث : قرر بس لسه منفذش وانا هعرف ابوظ الجوازة دي ازاي والا ميكونش اسمي منال .. وبعدين عمره ما هيقدر يجوزها له الا لما عدتها تخلص يعني لسه وقت نفكر فيه ونشوف هنعمل ايه...