الموت على قيد الحياة

المشهد 💔

مشهد من المستقبل...

لزمت موبايلي لاخابر امي انطيهه خبر حتى ما يضل بالهه شفت هيئه رجال بس ما رفعت راسي لان مكسوره ضهري مالي خلك لاي شخص،،

كاروان: شلونج غصن،،

غصن: شلون تشوفني؟

كاروان: ليش تحجين وياي من وره خشمج؟

غصن: والله مالي خلك تدري بحالي يعني انت تحس وكفتي وياك حلو؟ شيكولون عليه ناس،،

بعدني احجي اجت هدوء تسحل بروحهه سحل بالكوه تمشي،، رحت ساندتهه لو بس اكلهه شبيج تبجي بس كاروان ما قصر خزرته بساع لان خلاهه تبجي من جديد

غصن: هسه شوفي اني ازيد منج شو ما ابجي كلساع لمي روحج لخاطرهه مو انتي تكولين جانت امي و اختي مو بس صديقتي،،

هدوء: لج مشتاكه الهه رااااح اموووت،، شسووي اني شسوووي،،

تحجي و تشهك صدرهه ترتفع و تنزل بكل كلمه بجيت وياهه حضنتهه كمنه نشهك ثنينه مر وقت يلا سكتنه بس مكسورات،، دورت على كاروان شفته واكف مسافه عنه و مرتجي لحايط و مدنك لكاع مقهور علينه،، شافنه تعدل وكفته كال،، نروح؟،،،

هزيت راسي ب اي اخدت ايد هدوء و طلعنه من مستشفى،، ركبنه لسياره كاروان لان هو ياخدنه،، بالطريق اشترينه ورود،، نص ساعه وصلنه نزلنه كاروان اشترى ماي ورد و دخلنه جنه لازمات ايد بعض و نمشي وصلنه،،

شفناه متمدد على قبرهه و يبجي بحركه الگلب

كاروان مد ايده على كتفه رفع راسه شافنه عيونه احمر دم كال بانكسار

__ احس بعدني طفل و تيتمت بموتهه...!!!!

فطومه 🙂🙂