#الموت_على_قيد_الحياة
للكاتبه:فاطمه علي
_________________________
غسق: شوف اني بعد ما افيدك ولا انت تفديني فالاحسن عوفني بحالي لا تركض وراي
رمح: ميهمني انتي تفيديني لو لا اني اريدج بحياتي شلون ما جنتي،، اما اني ما افيدج ليش؟ ليش يا غسق مو گلبي تعب بدونج
غسق: راح تتزوج عن قريب و يصير عندك جهال تنساني بعدين بنت عمك اقرب مني الك
رمح: ما اريدها والله،، غسق اريدج الج كافي اترجاج
غسق: اترخص راح اروح انام
رمح: ارجعيلي مثل القبل مو حب انما صداقه كافي تثكلين وجهج عليه
غسق: انشالله،، يلا باي
رمح: انتضرج بالمستشفى داومي
غسق: الله كريم
سديت منه ضميت موبايل بصدري سمعت صوت وراي انداريت ماكو احد بس شي اكيد احد كاعد و سمعني،، تمشيت بهدوء لاشوف منو بعدني ما واصله لباب صار صوت الركضه الدرج،، مشيت سريع ما لحكت اشووف منو،، تنهدت استغفرت ربي طلعت لغرفه شفت غصن حاضنه قمر و نايمه واني حضنت سما نمت،،،
_____________________
هدوء-
اشتاكيت لغسق الحنونه صايره ابد ما تشتاكلي و اشتاكيت لمحمد هم اخدت اجازه لارتاح بس ندمت لان بالمستشفى انساهم من اشتغل هنا ما عندي شي
طلعت لاحمي اكل امي تعبانه فد مره و ابوي بالشغل مكسور ضهره ما انو راتبي يكفي يوفي و باقي بالبيت ما مقصرين بحياتنه بس ابوي يكول رجال ما لازم يكعد بالبيت شكد ما جان عمره،،
ردت احمي اكل بس شفته قليل فكرت اسوي بشاميل اشتهيته
رحت لامي شفتها مخليه لقناة كربلاء و تجر حسره حضنتها بست راسها،،
هدوء: فد شهر اخد اجازه اسبوع و نروح لكربلاء بما انو صار طريق آمان شنو رايج
___صدك يمه؟،،الج أجر حبيبتي والله ميته شوك لازور
هدوء: عيوني الج يعمري انتي ليش اني شعندي غيرج و غير ابوي،، راح اسوي اكل علمه تكملين صلاتج،،،
___ هاي هيه يمه اخدي راحتج و جهزي حمام لابوي هسه يجي
بست راسها و كمت لغرفه اخدت ملابس ابوي و خاولي خليتهم بالحمام،، طلعت لمطبخ كملت العشا جان ناقصنه ببسي،، طلعت لباب شفت جهال يلعبون دزيت جاهل راح،، وكفت بالباب انتضره و صافنه بدنياي ما احس الا سياره وكفت يم بابنه،، نزل جامه مبتسم ابتسامته الساحره،،
هدوء: اعوذ بالله جني خومه جني،، شجابك
محمد: هيج ترحبين بضيوف
هدوء: انزل لاشوف،،
محمد: خاف تطرديني لان جاي بدون لا اكلج و بوقت مو مناسب،،
YOU ARE READING
الموت على قيد الحياة
Short Storyتاريخ النشر القصه ( الموت على قيد الحياة) 2022/9/3 ________________________________ __هل تسامحيني؟ ___كلا __لماذا ؟؟ ___لانك قتلتني وانا لست مذنبه __اعترف بغلطي و ندمي،، اعفي عني ___ماذا سافعل بندمك وانا لست على قيد الحياة ...
