ALTERNATE UNIVERSE ONE SHOTS

Stuck With You

"Hindi ka raw agad mababalikan, Ivy."

"Anong hindi?" Kaagad ko namang reklamo. "Tangina, mag isa lang ako rito."

"Bukas ka raw mababalikan." Imporma niya sa akin. "Masyado na kaming malayo at umuulan na."

"Hindi pa naman umuulan dito."

Pero saktong sakto nang pagkasabi ko nito ay biglang bumuhos ang malakas na ulan kaya naman napatakbo kaagad ako papasok ulit ng cabin kaya nawalan ako ng signal at naputol ang tawag ko kay Natalie.

"Kung swineswerte ka nga naman." Sarcastic kong bulong sa sarili ko habang pinupunasan ang sarili ko na medyo nabasa ng ulan.

Mabuti nalang at mukhang fully furnished itong cabin at mukhang kumpleto sa mga gamit. Ibinaba ko muna ang bag ko sa upuan sa sala bago naglakad patungo ng kusina para tignan kung may mga stock ng pagkain.

"I guess hindi na masama mag stay pa ng isang araw dito." Sambit ko nang makita na may mga stock pa naman ng pagkain na pwedeng lutuin dito sa cabin.

Ngayon ko lang din naisipan na libutin itong cabin tutal malaki naman ito. Sa pagkakatanda ko ay nasa twenty na students kaming nagstay dito at nineteen lang ang naka alis, thanks to Natalie.

Naakyat na ako sa second floor nang biglang namatay ang mga ilaw at may nabangga pa ako.

Wait, mag isa lang ako.

At imposible naman na poste iyon o pintuan dahil nasa gitna ako ng hallway.

Lastly, mukhang katawan yung nabangga ko.

Tangina!

May isa pang tao.

May kasama pala ako.

Napaatras naman ako dahil hindi ko alam kung makakapagkatiwalan ko yung nabangga ko at kung in the first place eh tao nga ba talaga yung nabangga ko. Kinuha ko ang phone ko mula sa bulsa at binuksan ang flashlight para makita ko kung sino o ano yung nabangga ko.

Wala pa naman akong balak mamatay ngayon.

Itinutok ko sa harapan ko ang flashlight at biglang bumalik ang mga ilaw.

"Nakakasilaw anuba." Reklamo nang nabangga ko.

Ang pamilyar ng boses niya sa akin, kaya naman kaagad kong binaba ang phone ko.

"Aguas!"

"Ardiente!"

Sabay pa naming sigaw sa isa't isa.

"Anong ginagawa mo rito?" Tanong niya sakin.

"Ikaw dapat ang tinatanong ko, bakit ka andito, Ardiente?" Balik tanong ko sa kanya.

Binabawi ko na yung sinasabi ko kanina, hindi ko na gugustuhin na magstay pa rito kung siya rin naman ang makakasama ko.

"Dahil sa retreat malamang." Sarcastic niyang sagot sa akin.

Inirapan ko lang siya at doon ko napansin na naka pantulog pa ito na suot at hindi pa naka ayos.

"Don't tell me kagigising mo lang, Ardiente." Gulat kong sambit sa kanya.

"And so? What's your problem with that?" Confused niyang tanong sa akin.

"Kanina pa naka alis yung bus na maghahatid sa mga students." Pag imporma ko sa kanya.

"What?! You're joking right?" Gulat niyang sagot sa akin.

"Mukha ba akong nakikipagbiruan sayo." Seryoso kong sagot sa kanya.

"What the fuck."

Bumaba nalang ulit ako papunta nang sala at sumunod naman siya sa akin. Mukhang nawala na ang antok sa sistema niya. Umupo lang ako sa couch at dahil matatagalan pa kami rito, nilabas ko nalang ulit ang phone ko at nagbasa ng mga nakasave ko na mga lessons.