بَعد حّين وحّين..
حّين أخر لحّين
حّين لَم يكن بعدهُ حّين
حّين تَشبكت الأيدي للونين
وحّين أنحلت ألايدي لألاف السنين..
حّين أنقشعَت النَسمات سكون ألحّين
وبَعد حّين ضاجعت ألى ابعد حّين
تَركت ألاوطان الخَليعة ألى ابعد رَحيل
وَسكنت السكينة بَعد حّين
تَغربَت السَماء مرغماً على وَعدي
لــ أقلع عن كل حين بعد حين
#جَلمُود الجَبل
𝒇𝒂𝒕𝒊𝒎𝒂 𝒍𝒃𝒓𝒂𝒉𝒊𝒎/للكاتبة
.
.
"اماني"
شعور من تحس شي بداخلك ما مرتاح او مختنك لان تخاف تفقد شخص أصعب شعور ممكن تحس بي!
حاطة ايدي على كلبي واحس بي اضطراب او وجيج عالي من التوتر والخوف
ما تصورت بيوم هيج رح اتعلق بي واخاف عليه اكثر من نفسي واني اردد الآيات حتى الله يحفظة وميصيرلة شي
اول مكال حسن انو شهاب نهبوا بالطريق وكعت خالة ام علي اتخربطت وكعت من طولها والكل ركض عليها
واني بقيت حايرة شسوي شفكر حتى تفكيري وكف رحت اشوف خالة كوموها وضلوا يرشون على وجهة المي وملك تبجي على اخوها وامها المتخربطة
والحجية كاعدة يم ام شهاب تسبح وتدعي وجلمود تقيس بضغطها
طلع حسن يحجي بالتلفون بسرعة طلعت ورا للحديقة
انتظرتة يخلص مكالمتة خلص ودار وجهة عليه كتلة بدموع:
_حسن فدوة شهاب وين؟؟ شنو نهبوا!! شسولة لا تجب علينة
_بوية شبيج كولي يا الله انشالله مابي شي
_اذا ما بي شي وينة وينة هاا؟؟ كول ماات؟ كتلوا مو؟ احجي فدوة!!
تنهد وزفر الهوة حيل وهوة يستغفر باوعلي وحجة بنبرة اهدء:
_أخيتي اماني كلنة عليج خبلة بس مو طفلة هم تموتين الرجال شنو شهاب رجيج ويكتوا اشو يطبك عشر زلم سوة ويدوسهم برجلة همة كالوا انهب بس مندري صدك جذب
روحي طبي جوة شوفي عمتج شلون صارت والأخبار الزينة تجيج لاتخافين
مسحت دموعي وكتلة:
_بربك ابد لاتضم علية شي اول متعرف شي عنة كولي
هز راسة ودك جهازة مرة ثانية راح يجاوبة واني دخلت للمطبخ اغسل بوجهي وكلبي ما وكف بس يسولف
رجعلي نفس الخوف من رحمن انخطف والبيت جان مخبوص واني بقيت بوضع الصدمة وبس ابجي
بهيج مواقف مااعرف اتصرف او تجيني حالة صدمة مو مثل أي أحد من تصيرلهم حالة ذعر وصياح وبجي..
YOU ARE READING
جَلمُود الجَبل
Romanceصوت الطلق بدة يقترب اكثر مكدرت ابقى واكفة ضليت اركض بدون مااعرف وين مثل المتاهى حسيت نفسي ضايعة شلون حخلص نفسي من هلكابوس؟!! اركض بدون حس لحد موصلت لجبل عالي وكفت واني اباوع علية واتذكرت الكوابيس الي اشوفها نفسة الي اشوفة بكوابيسي هم عالي هيج ويخ...
