يـڪلهاا ..يـآ مّهـره ، يـآ نِـقطه ضـعف خـيالج
وي غيـرج أقـسى مـن الـرحى
وجـاهل أصيـر ڪبالج .،
#جَلمُود الجَبل
للكاتبة/𝒇𝒂𝒕𝒊𝒎𝒂 𝒍𝒃𝒓𝒂𝒉𝒊𝒎
.
.
.
"أماني"
احساس مختلف مااعرف شنو توتر على حماس مدري ليش!!
او خوف ماادري فعلاً جان احساس مختلف عن باقي اللحظات الي مريت بيها..
اتقرب بخطوات رزنة ويا كل اتجاه يتجهة لناحيتي عبالك يلفحني عطرة الي مالة وصف!!
بعد ما صار مقابيلي بلضبط حجة بصوت اشبه بلهمس:
_"مبروكك فراشتي"
من التوتر بسرعة جاوبتة:
_الله يبارك بيكك
_شلونج؟
_تمام
دااحس بغرابة عبالك اول مرة نحجي بهدوء غير على عادتنا كل مرة
كعد واشري اكعد يمة رحت كعدت باوعلي بنظرة مطولة
وبعدين ضحك على كيف ودار وجهة على الصفحة الثانية
شكيت اكو شي بوجهي اتلمست بشرتي خاف اكو شي!!
رجع باوعلي وحجة هوة مبتسم:
_ماكو شي بوية شبيج؟
_ليش تضحك لعد؟!
_اضحك علينة
_مفهمت؟
_هسة اصدك هاي انجمعنة وجاي نحجي بهدوء بدون مناكر عود!
_حتى اني؛ بس ترة انتة الي تخلي الواحد يحجي
_لان انتي فاهية
_هم كال فاهية
_ها جنها ام عباس طكتنة بعين
_منو هاي؟
_وحدة من الكرايب المهم عوفج صحتج حتى احجي وياج كم شغلة
_اي؟
_باعي يا بنت الناس اني مجنت حاط عيني عليج من البداية حتى لاتفكرين بغير شي
وثاني شي مثل متعرفين ورا هدوئي اكو غضب مو دائما أكدر اسيطر عليه فمثل مااني أكدر اتحملج لازم تتحمليني حتى لا يصير الموزين بعدين
هاي نحجي كلشي من البداية احسن مو هيج؟
_وهم اكو بعصبيتك ضرب لو عصبية عادية؟
_مو هالدرجة اني اختي مااضربها مو رجال الي يضرب مرة
ولسانج الطويل اذا يبقى هيج ينكص وحتى ياريت تصيرين حارة مو نايمة؛
_اكلك انتة جاي تزوج مكينة لو بنية؟
_لا معمل مو كتلج لسانج ومااحب تقاطعيني من احجي هم
YOU ARE READING
جَلمُود الجَبل
Romanceصوت الطلق بدة يقترب اكثر مكدرت ابقى واكفة ضليت اركض بدون مااعرف وين مثل المتاهى حسيت نفسي ضايعة شلون حخلص نفسي من هلكابوس؟!! اركض بدون حس لحد موصلت لجبل عالي وكفت واني اباوع علية واتذكرت الكوابيس الي اشوفها نفسة الي اشوفة بكوابيسي هم عالي هيج ويخ...
