_اني جيت بطرگـ گلبي وأنتَ وعيُونك عليّه ؟
_نِسيت هواي مِني ومَانسِيت حچايه مِنك
#جَلمُود الجَبل
للكاتبة/𝒇𝒂𝒕𝒊𝒎𝒂 𝒍𝒃𝒓𝒂𝒉𝒊𝒎
.
.
.
نبضات كلبي ازادت وبسببها صار نفسي سريع مثل وجنات التعب الي تتطلع مني
قدم رجلي يريد يعلن انسحابه حتى يوكعني
اصابع ايدي الي اقرص بيها نفسي حتى مااتأثر وتنزل دمعاتي الي يشبهن الشلال بهطولهن ويصير ويا كل دمعة ادخل بعمق ذكرياتي السودة ويبقى هاذ الشلال يهطل اكثر
لحظة صمتي ووقوفي الي يدل على صلابتي ؛؛
اي صلابتي لان مااتوقع احد يتحمل الي تحملتة يمكن الي شاف اكثر مني ماضم بداخلة مثلي جان صيح وبجة بااعلى صوتة وخلة العالم يعرف صرخات عقلة وزهيق كلبه!!
اما بالنسبة الي فااني فوك مدااتحمل الي يصيرلي دااتحمل الي يصير بداخلي من ألألم وصرخات وعذاب وكوابيس وظلام وإرهاق
دااتحمل كل هاذ ومستمرة قدم رجلي صامته تريد تخذلني وتوكعني على الأرض حتى يبدي زخات الشلال الي مجمع بعيوني يبدي يهطل
وبعدها رح استمر على هاذ الوضع لحد ما ذاكرتي تتلاشى...!!
احنا بشرية معدومة غريبة لكل شخص الله خالقة عندة قدر مااتوقع يكون دائما قدرة حلو وماشي صح!!
لازم يكون اكو عثرات بطريقة حتى وصل الي هوة بي هسة ...
احنا بشرية نشبه عجينة السُكر بالضبط؛؛
نكبر حسب عجن الصانع النا ومن تكبر هية تصنع نفسها وهم حسب ما انصنعت
يعني الإنسان من يفتح عيونة على عالمه رح يبدي ينمو حسب العالم الي حولة
اذا كان عالم سيء جيد قاسي صعب ظالم ....
رح يكبر على هاذ الأساس وهوة بذات نفسة لو يكدر يغير من نفسة لو مراح يكدر ابد
لان صعب ترجع العجينة لشكلها الطبيعي!!!
اتقدمت خطواتي البطيئة نحوة وبدت نظراتي تتغير من نظرة العجب إلى الأسف
واصابع ايدي مستمرة بالقرص بدون مااحس بأي ألم يمكن لان الي جواتي اكثر من هاذ الي اشوفه مجرد قرص مابي ألم مثل البداخلي
كاعد وايدة مشبكة بالطاولة الي كبالة ونظر عيونة بااتجاهي او نكدر نكول تمثيل عيونة بااتجاهي..
قبل لا اوصل للطاولة اخذت نفس كُلش قوي حتى أكدر اقاوم اني اشوف الرجال الي جنت متوقعة رح يكون احسن رجال بهاذ المكان كبالي!!
جريت الكرسي وكعدت كبالة بالضبط بغرفة خالية مابيها احد غيرنا و الحاجز الي بينا بس الطاولة هاي
YOU ARE READING
جَلمُود الجَبل
Romanceصوت الطلق بدة يقترب اكثر مكدرت ابقى واكفة ضليت اركض بدون مااعرف وين مثل المتاهى حسيت نفسي ضايعة شلون حخلص نفسي من هلكابوس؟!! اركض بدون حس لحد موصلت لجبل عالي وكفت واني اباوع علية واتذكرت الكوابيس الي اشوفها نفسة الي اشوفة بكوابيسي هم عالي هيج ويخ...
