وبلهجة عراقية يكول:
المَايجيك بلهفة..ليش تتلهف عليه
شَبيِك تنطي الماي.. للشابع مَطر؟#جَلمُود الجَبل
للكاتبة/𝒇𝒂𝒕𝒊𝒎𝒂 𝒍𝒃𝒓𝒂𝒉𝒊𝒎
..
.
"أماني"
فزيت على صوت الجهاز وهوة يدك على المنبه بالساعة 8:10 الصبح
فتحت عيوني وألف سؤال براسي..
جهزت نفسي واتصلت بجلمود حتى اطلع الها علمود توصلني بطريقهاهستوني نزلت وصاحت ماما:
_تعالي همزين نزلتي حتة تتريكين قبل لا اطلعين_ما مشتهية
_وجهج أصفر كضيتيها مااريد وماامشتهية حتموتني
_ماما والله مااريد
التفتت على بابا وصاحت:
_احجيلك كلمة ويا بنتك بلا تضل هيج ورمت كلبي!باوع علية هزلها براسة وحجة:
_روحي بابا الله وياج وديري بالج على نفسج_ بابا من اخلص عود اتصل عليك
_صار
طلعت واني حاسة بيهم شكد شايلين همي وادري متمنين اطلع من هاي الحالة اليوم قبل باجر
خصوصا امي بكل ليلة تجي تشوفني قبل لا انام وعلامات القلق واضحة بعيونها
بابا هم دائما يجي يسولف وياي ويحاول يضحكني بس مجان خوفة يبين مثل امياتنهدت واني متمنية يتغير حالي والناس الي يحبوني ميتأذون بكدي
لان خوفهم يألمني اكثر والي بية مو شوية..!!احساس وكأن الدنيا متريدك ولا تريد تعيشك سعيد وكل لحظة تحس بيها مرتاح دفعك ثمنها لحظات طويلة مالها نهاية هلااحساس ابد مينطاق..!!
طلعت ولكيتها كبال الباب استقبلتني باابتسامة مشرقة الي اشبها بشروق الشمس بلضبط..؛
اخذتني على العيادة اول موصلنا وكفت السيارة وكالت:
_بعد كم جلسة ونخلص وترجع أماني صاحبة الامنيات الحلوة تبتهج النا مثل قبل واحسن هم..
_جلمود اني اسفة لان جاي اتعبكم وياي هالفترة مو بس اني النفسيتي ادمرت ابوية وامي جاي اشوف القلق والخوف بعيونهم علية وانتي هم
جاي احس كأني صرت حمل جبير عليكم واني اريد اعيش كل الي دااعيشة وحدي حتى لااذيكم هالكد!!
عدلت كعدتها وصارت مقابيلي بالضبط ابتسمت بخفة وجاوبت:
_يعني تريدين نشوفج تمرين بحالة اكتأب واحنا نهملج ومنهتم بيج بلا ليش؟
حتى منتأذة بسببج!! صدك تحجين؟
YOU ARE READING
جَلمُود الجَبل
Romantikصوت الطلق بدة يقترب اكثر مكدرت ابقى واكفة ضليت اركض بدون مااعرف وين مثل المتاهى حسيت نفسي ضايعة شلون حخلص نفسي من هلكابوس؟!! اركض بدون حس لحد موصلت لجبل عالي وكفت واني اباوع علية واتذكرت الكوابيس الي اشوفها نفسة الي اشوفة بكوابيسي هم عالي هيج ويخ...