جَلمُود الجَبل

part 24

شـنو وَالـماردته بيـه ومـآ تغيـرلك؟

سـلمتك سـلاحي وڪتلك احمـيني..
وصـل بيـك الـضلم بـسلاحي تـرميني.!!

ﻼ حسـبالك بـڪل ديـره الـك شـراي
تـره تـراب الـوطن بـس بـالوطن غالي..

خـاف انـي ؏َـايز منك ذنوب..
غنيتـلك .. وي َ وڪـت الـغروب.

#جَلمُود الجَبل
للكاتبة/𝒇𝒂𝒕𝒊𝒎𝒂 𝒍𝒃𝒓𝒂𝒉𝒊𝒎
.

.

.

"اماني"

من جَنت بعمر  الـ10 سنوات صار موقف ما كدرت انسى ابداً..

جانت شخصيتي ضعيفه ومااعرف ادافع عن نفسي ومستواية بالدراسة مو زين دائما؛ هواي جنت اتكاسل عن الدراسة..

جانوا الطلاب يأذون الطالب الضعيف لهذا يصيحولي الكسولة لان جنت بصف كلة شطار ومرة اجة طالب دفعني على الأرض حيل

وايدي بوكتها حيل اذتني وبقيت ابجي بمكاني واني اشوف الطلاب كلهم داير مدايري ويضحكون على شكلي لان اتوسخ وشعري اتعكش

بوقتها كلش اتأذيت لحد مااجتي جلمود شافتني كاعدة ابجي والطلاب حواليني يضحكون بوقتها شفت الغضب بعيونها وهية تشوفني بهل حالة!!

ساعدتني حتى اكوم وصاحت بصوت عالي:
_منووو الي وكعهاا...؟؟

على نبرت صوتها الغاضبة ونظرات عيونها الحادة كلها سكتت والخوف بين عليهم لحد ما وحدة من الطلاب كالت هذاك الطالب هوة الي وكعها

باوعت على ايدي شلون مجرحة من اثر الوكعة وراحت وكعتة نفس ما وكعني واقوة هم
بالرغم  من جانت ناعمة بس صلبة وقوية..

وبالحظتها دخلت المدرسه شافتها وهية توكعة وتضربة حتى بعد ميعيدها
اخذت جلمود وصاحت بيها على الي سوتة

لان جانت جلمود لسانها طويل ومتخاف ضربتها المدرسة كدام الطلاب ومن سألتها ليش هيج سوت وما كالتلها عن السبب حتى مكالت لابوها عن المدرسة الي ضربتها

ومن يومها صارت جلمود القوة الي مااملكها بدونها وصارت هية الي تساعدني حتى ادرس وياها وتحفزني على الدراسة علمود ميكولي الكسولة مرة ثانية..

ومو بس هيج حتى هية السبب الي خلتني مااسكت عن شي واشارك بكلشي يخص الدرس وكل ما اكبر اتعلم منها شي اقوة ويخليني احب نفسي اكثر بسببها..

كلتها من قبل وارجع اكولها اني وياها نفس العمر بس هية جانت معلمتي الأولى وصديقة روحي الأبدية.. واختي الي ما تركت ايدي بحاجتي الها..

يوم الي اشوفها مددة على الأرض ودمها تارس المكان وهية جانت تحميني من طلقة حيدر لا تصيبني سوت عندي انهيار عصبي بشارع