كسر القوارير

الجزء الخامس والعشرون

ان لصوت الطبل ضجيجا كبيرا مع انه فارغ

وإن لقلبي نبضات قويه مع انه صامت

           
                     💔🥺

                 

ـــــــــــــــــــــــــــــــــــــــــــــــــــــــــ

لتنسون التصويت لطفا ⭐🌺

سمعنه صوت صرخت جـــان
طفرنه اني وام علي
اتفاجأنه من لكيناهه بل كاع لا ايد ولا رجل  والبنات ملتمات عليههه حاولنه نصحيهه مصحت

ست رينا  اتصلت بل اسعاف ربع ساعه وصار الاسعاف يمنه
صعدوهه المسعفين ركضت سحلت حجابي والعباه وركضت وراهم
حتى منتبهت طالعه حافي بدون ولا شي برجلي

ركبنه اني وست رينا وياهم  رغم  رفضهم بصعود مرافقين 2لكن اصريت وتوجهنه للمستشفى وست رينا قنعتهم

دخلنه للمستشفى اتوجهو بيهه بسرعه للطوارئ
رغم العهد المخذته على نفسي
أن لا اتخذ صداقات  في حياتي لكن اليوم شعرت انني قد تجاوزت مرحله الصداقه مع جـــان ووصلت مرحله الاخوه الروحيه

اكتشفت بهذا الوقت ان الطبيعه البشريه تجبرنه عل حب والتعلق رغم رفظنه للفكره
بس حيكون الحب والتعلق بنسب متفاوته بين البشر

بعد انتظارنه الي دام 3ساعات صحت

والصدمنه من سألهه الدكتور شنو الي وصلج لهل درجه

والله من سمعت جوابهه مدري اضحك مدري ابجي بس الي متأكده منه البنيه مو صاحيه ابد

من كالتله

الدكتور ماتحمل يلزم نفسه وميضحك بحيث بل بدايه بس اكتافه تهتز وبعدين شهك بضحكته

وكع ابو بريص على كتفي

هذا كان جواب جـــان

سحب شهيق وزفير عالي وحاجاهه وكوه لازم نفسه ميضحك

ـ باباتي كان المفروض تتحكمين بنفسج او عل اقل تجاوزين خوفج لان ماكو اهم من الصحه

طلع وسمعته كال للمرضه يمكن من الموت متخافن بكد متخافن منه

هههههه والله الموقف مننحسد عليه
ضغطهه راد يصفر وطلعتنه بنص الليل  من وره ابو بريص

ـ لج جـــان على سوايتج هاي الا اخليج بحلك نور وجدان

ـ لا ست بشرفج حبابه الا هنه

ـ لج جـــان من وراج شيكعدنه باجر  عود اول يوم دوام ونشاط وكذا

ـ لا والله الا اتوبج وكعتي كلوبنه وردتي تموتين من وره ابو بريص

ـ ست عليج الله لو انتي شصار بيج
انتي تعتبرين هذا المخلوق كائن عادي هذا يخوف اكثر من الحيه والعقرب والتمساح والفاره والتنين والنسر
وكل شي يخوف هو يخوف اكثر منه