كسر القوارير

الفصل الثاني عشر

الحياة لا تتوقف عند احد.... حتى لو ضننا انها انتهت💔💔💔
يسر
اصعب لحضات مرت عليه من دخلت للميتم لهذا اليوم هي لحضات توديعي لصديقاتي واخواتي و... لو كل كلمات الدنيا اكولهه مراح تعبر عن حبي الهن

بقينه بس اني ورقيه ورد بل غرفه

بهذا الوقت جنت اول متوسط

انقلت لمدرسه حكوميه بس للبنات شكلي بده يتغير ملامحي الانثويه بدت تبرزت

الفلوس الي بقه يدزهن بابا صالح رقيه اقترحت انو اسوي بيهن مشروع يفيدني من نطلع من الميتم

قررنه اني ورقيه بل وقت الحالي ناخذ منهن راس المال ونسوي حلويات وكيك كبب و... للمرضات والدكاتره الي ويه رفاه و للمدرسات الي بل مدرسه

طبعا الشي المتعرفونه غزل ورقيه طبخهن الا بشده هههه بالغت لا بس من صدك طبخهن طيب كلش

بلشنه بل مشروع ومثل كل البدايات صعبه ومحصلنه طلبيات هواي بس بعدين غزل ورفاه وفاطمه بدو ينشرون عله صفحات الفيس مالتهم

بعدهه كامت شويه تكثر

رقيه، ولج يسر بسبوع شغلج صار يجنن بعد شهر تكومين انتي تعلميني مو اني

يسر، لتبالغين دتخجلين

ورد، اوووي ام الدتخجليني... شو جيبي خل اضوك

يميييي ولج الله فد شي عاشت ايدج

يسر شكرا خجلتوني

بديت حياة جديده تماما يعني هل حيات بمدرسه جديد بنات جدد شغل كلشي انبنه من البدايه... بل ميتم ابقه بس اني ورقيه اغلب الوقت بين الطلبات والدراسه لان ورد سادس وملتهيه تدرس

حياتي بهل فتره كلما اتذكرهه اتحصر عليهه يمكن لان هاي اهدء سنه مرت بحياتي الاول متوسط لو الوقت بيدي اثبته عله هذه السنه

مشت الايام عادي وشغلنه الي يطلب مره يكووم ياخذ اكثر من مره

خلصت السنه حياتي جانت بل مدرسه كلش هادئه لان ما كونت صداقات ابد وما انطيت مجال لاي بنيه تكون صديقتي لاكثر من سبب اول شي ما عندي وقت لان رقيه ثالث و وزاري فبس بل بدايه نشتغل سوه بعدين بقيت وحدي اشتغل والسبب الثاني ما اريد اصادق لان ما اريد اتعلق باحد
ويروح...

ورد طلعت معدل وانقبلت قانون وراحت يم البنات وهن هم سوو مثل مشروع الطبخ مالتنه لان صارو هواي ويا دوب راتب رفاه يكفيهم

صرت ثاني متوسط

اكو مره من المرات جنت راجعه من المدرسه وجان اكو ولد دائما جنت اشوفه يمشي وراي

بوقتهه كلت لرقيه
رقيه، يسر انتي كلش حلوه واصلا جسمج مال وحده عمرهه ١٨سنه مو ١٣ بعد لتطلعين وحدج شوفي ازهار الويانه بنفس المدرسه سوه انتو اتفقي واطلعي وياهه تمام حبيبتي

يسر، راح احاجي ازهار واشوف

مرت الايام وكمت اطلع ويه أزهار بس بعده هذا الولد دائما اشوفه

فمره ازهار جانت ممداومه

مصطفى، بلاا زحمه اوكفي

يسر، عبرته ومشيت سريع ما احس غير انعتيت من ايدي

مصطفى، مو دا اكلج اوكفي

يسر، توخر لا الم العالم عليك

مصطفى بأبتسامه، وحده خجوله مثلج ما اتوقع اتسويهه

يسر، يسر صفت بوجهه عله كلامه
اشو هذه ضحك وبعده لازم ايدي وميرضه يتركهه

الحككككككككككككككولي يا عالمممممم

اباوعله بهت وترك ايدي وركض

رقيه، يسر ليش وجهج اصفر شبيج

يسر،...... سولفت كلشي

رقيه، والله يخوف وما اتوقع ايعديهه عله خير... بس ولج والله سباعيه عاشت ايدج طلعتي مو بريئه

يسر،ههههههه هو الي يعيش ويه ورد وخططهه الجهنميه تبقه عنده برائه برأيج

بس اني حاخذ سجينه او كتر وياي بل جنطه
اخاف كلشي ايصير

رقيه، هههههههه ولج اشو عشتي الدور

يسر، هههه لا والله بس احتياط

رقيه، يسر بس لصراحه اني عاذرته للولد اليشوف شكلج المفروض يخطفج مو يلزم ايدج

يسر، يعني شسوي البس بوشيه'نقاب' حته محد يشوفني

رقيه، صراحه خوش فكره، اذا احد حسيتي يراقبج كليلي اشتريلج بوشيه ولو افضل تلبسيهه من هسه وتغيرين طريق المدرسه

يسر، ما ادري افكر

بس الي صار هو
.
.
.
.
.
. وللحكايه بقيه