كسر القوارير

الفصل الواحد والعشرون

💔💔

حسيت الدنيا صارت ضلمه لحضات وكدرت استعيد توازني بفضل رب العالمين
يمكن المحقف لان شافني من صدك مالي خلك للرد تركني بعد ما رمقني بنضرات شفقه هاي النضرات عل كد ما اكرهه علكد ما حبيتهه بهل لحضات لان ما كنت اتوقع حيتركني بهل سهوله
.............
ليث، هالك نمر شبيك صافن خلصت استراحتنه كلت بس ارجع للمركز الكاك انت و أدم تجلدون بل وادم بس اشو رحت لمكتب ادم شفته صافن وهسه انت ازيد شبيكم

_ انت متدري بل مدوخني اطلع وسد الباب وراك مالي خلك

ـ اي اي كمل الاغنيه يخوي مالي خلك حب وافترك كمل ولو صوتك يلعب الروح
بس شسوي من لاجاره

ـ مجابرك تسمع عوفني وروح.. وله اكلك كوم خل انروح لادم عندي كم شغله يمه

ـ خير ياطير اشوفك صافن وعايف الشغل والاوراق بشرفك ادم من عفتكم ونزلت انت ونمر هم نزلتو اكلتو لحم بفد مطعم

ـ ليث عوف الشقه التافه مالتك وانت ادم اريدك بشغل

قاطعنه صوت تلفون ليث عافنه وطلع يتصل

ـ ها نمر شنو ردت

ـ عوف الاريده بل اول كلي امك شلون صارت

ـ الحمدلله احسن من قبل

ـ صدك ادم ما طول وامك بخير رايد منك خدمه ما انساهه

ـ كول اذا اكدر تتدلل

ـ تذكر البنيه يسر

ـ قصدك الطلعت افراج

ـ اي هي

ـ شبيهه

ـ بس بل بدايه اريد احجايه رجال تساعدني

ـ لك لتمسلت اكيد احجايه رجال بس كول شتريد

ـ اريد تجيب والدتك والمحروسه زوجتك حته اخطب... اي اي لتصفن بوجهي تدري امي حالفه متخطبلي غير بت اختهته واني اعتبرهه اختي واكيد من اخطب واتزوج راح تصير امام الامر الواقع

ـ تدلل بس مو هسه لان عندي ظرف بل بيت وحاير بشغله واخذهه حجايه رجال مني يصير التريده بس مو هسه

ـ ليش احسك ممقتنع؟.. تره هل مره اني احجي صدك مو فتره واعوفهه

ـ تره اغاتهه وبت عائله كضيت فتره وياهه وعفتهه تريد اصدكك هاي الماعدهه اصل تاخذهه وام جهالك تصير....هاا شو سكتت

ـ ادم اني اريدهه طبت بعقلي

ـ هه تره بعقول كل المركز طبت وبل اخص فريق التحقيق مالتنه

ـ ادددم شبيك

ـ لتصيح انت ااعز من اخ ما اقبلك تزوج وحده خريجت سجون وبعدين تره مبينه نهايتهه بينهه وبين الملاهي شعره

ـ ااادم اني اذا معتبر نفسك اخ من صدك تساعدني..... وخلي بالك اني اذا تزوجتهه بل علن او بل سر هذي تبقه قناعتني.. اودعناكم