كسر القوارير

الفصل السابع عشر

يقال اذا كان الكلام من فضه فل سكوت من ذهب.... لكنني حتى عندما اصمت تحدث لي مصيبه💔💔

ادريس، يسررر

مسك أيدي قوي وفرني عليه رفع ايده حته يضربني كف غمضت اعيوني بسرعه

ادريس، رحمتك يا رب اريد اعرف ليش بس وين الي زايحته الكاع يصير بطريقي

كال كلامه واني جنت بعدني مغمضه وبنفس الوقت متفاجئه بانو مضربني

اي ست يسر افتحي عيونج وكليلي ليش قله الادب الي عندج اني من احاجيج ليش متردين... اذا قصدج تجذبيني وتلفتين نضري بطريقتج كولي حته اعرف اتصرف عدل... كال كلامه بابتسامه جانبيه مستفزه

يسر، لا والله اني اني يعني كنت ناويه اعتذرلك قبل على سوء التصرف يعني ذاك اليوم بس مصارت فرصه ومجاوبتك قبل شويه لانو يعني اممم يعني
مجان عندي شي اكوله الك

هسه انت ليش فاتح عيونك هيج ومن ما احاجيك تضوج

ادريس، بابتسامه بسيطه... مجنت ادري يسر ام راس يابس وقليله الادب تخجل من تحجي وجهه يكلب احمر عبالك نفاخه حطكين من الأحمارر الي بوجهج

يمعوده شبيج صفنتي هههه والرب مستغرب ام راس اليابس طلعت تخجل

ههههه لا والحلو غيرت مودي والله عجيب هههه.... شبيج تباويلي بغرابه. خل اكلج اني مستغرب من نفسي لان اني طبيعتي هادء بس من اعصب ما ابرد بسهوله بس ما اعرف شنو صارلي من شفت ام راس اليابس عدهه مشاعر والاحله هههههه مشاعر خوف على خجل ههههه خرب شبيج لتصفنين وجهج حطك من الحمار ههه خل اوصلج بسرعه لان عندي شغل لازم ارجع

ادريس، يسر هسه هذا بيت ام نسرين اني حاجيتهه عليج المره ما عدهه اي اشكال يعني انتي حتسكنين بل طابق الثاني والايجار هي لو ما علاجهه مجان قبلت تاخذ منج لان من طرفي.... اريد اكلج قبل لتنزلين اني موجود دائما شوكت متحتاجيني....

يسر، شكرا متقصر واني اسفه على الازعاج الي سببته الك

ودعت ادريس ونزلت وبعد ترحيب ام نسرين صعدت للشقه مالتي هي شقه بسيطه وصغيره غرفه ومطبخ صاله وصحيات بس ترتبهه حلو

وكلت بل فتره الفاتت ست ماري تاثثهه مني وقبلت بس اصرت على ان تجيب هي الثلاجه وكتشفت ادريس بعدين هو الي مشتري تخم الصاله لان ست ماري كالت قبل لا اجي انو التخم من ام نسرين هي مخليته للمأجرين

مرت الايام وخلال هذه الفتره ادريس يتواصل وياي بل رسائل متتعده الشلونج وشخبارج ومحتاجه شي وكان جوابي على كد السؤال... رجعت للطبخ للناس
وام نسرين كالت حخفظلج الايجار شويه بس اطبخلهه بل مقابل وجبه غداء يوميه وافقت اكيد على عرضهه

ورجعت المدارس والسنه اني بل اعداديه ادريس اصر على ان يوديني ويرجعني للمدرسه بسيارته لان المدرسه كلش بعيده واني وحدي ما اكدر ااجر خط لان ما اعرف شنو ابو الخط خصوصا اني ساكنه وحدي