كسر القوارير

الفصل السابع

الحياة لعبه لا يربح بها غير الاذكياء.... 😉

رحت الغرفه الست ماريا وانفجرت بل بجي بشكل هستيري طبعا مجان تمثيل هو جان حركه كلب مو وجع الكف

ماريا، يا ستار يا رب شبيج بنتي شصاير شبيج لازمه خدج ليش احمر منو ضاربج

يسر،بشهكه رفاه

ماريا، بعصبيه  مصطنعه ررررفاه

رفاه، بارتباك ن نعم

ماريا، منو سمحلج تمدين ايدج عله يسر وحتلو مو عله يسر اني كم مره منبهتج متمدين ايج عله احد يله مدي اديج اثنينهم

لا خلي اديج عل وجه مو عل بطن

رفاه، بدموع ست والله ما اعيدهه لتضربيني بل عوده والله بارد الجو وتجع

ماريا، هذا درس حته متعيديهه واذا عديهه واليسوع يكون عقابج اشد

طبعا طريقه العقاب بل ميتم متنوعه مثلا اذا جان تقصير بل واجبات المدرسيه ننحرم من اكل وجبه غداء او عشاء واذا صارت عركه بين البنات يكون العقاب تنضيف الحمامات اسبوع كامل... بس اذا وحده  مدت ايدههه عله وحده وضربته فل عقاب يكون ضرب ظاهر اليد بل عوده وبعد اكو انواع العقابات جنه نشوفههه بل ميتم....
بس بصراحه لوما هاي القوانين والعقابات المطبقه عل كل جان الوضع حيخرج عن السيطره لان

من امن العقاب اساء الادب...

بصراحه من شفت ادموع رفاه حسيت الام خف هههه هذا جان احساسي من يرجع حقي....

ماريا، يله رفاه اعتذري من يسر بسرعه  لان مديتي ايدج عليهه وبعدهه تعالو فهموني ليش هيج تضربيهه شسوتلج

رفاه ويسر....

ماريا مو احاجيكم فهموني ليش تسكتون..

اوكي ابقو صافنين ولتحجون هسه اني اعرف

رفاه، ست والله اني معليه بيهه هيه متحترم وتغلط عليه كدام البنات وتخليهم ايضحكون عليه

يسر،بصدمه ست والله اتجذب بس لان رادت ارتب سريرهه واني اصلا محاجيتهه

ماريا، ولو ادري منو العايله بس حتأكد بس كونو عله ثقه التكذب حخليهه شهر كامل تنضف الحمامات
حته تبطلون هل كذب اني كم مره منبه ما اقبل بناتي يكذبون

ماريا، ام علللي

ام علي'عامله بل ميتم'، نعم ست ردتيني

ماريا، اي بلا زحمه صيحيلي رقيه و فاطمه ومنو الي بل غرفه وياهم صيحيهن

ماريا، بنات يله سولفو شلون تعاركن رفاه ويسر سولفولي كلشي

ماريا، رقيه انتي سولفي

رقيه، ست.... وسولفت كلشي

ماريا، بنات هل كلام صحيح

جاوبو شبيكم منين تخافون

غزل وفاطمه اي ست صحيح

ماريا،  رفاه اعتذري هسه و من اليوم تبدين  بتنضيف الحملمات كلهن

رفاه، بدموع واحراج من الفشله اسفه يسر

........
مرت ايامي بل ميتم عاديه كان دوري بل ميتم دور كمتفرج لسينما

لان ابد ما تدخل ويه اي احد
طبعا اني خلل فتره قصيره ورغم عمري الصغير كدره ازرع رهبه بكلوب البنات تجاهي مو لان اني وكحه ولسان لا
بس كل وحده جانت تسببلي مشكله جنت اخذ حقي منهه بهدوء وطبعا حق مضاعف ....

بل نسبه للمدرسه
اتسجلت بابتدائيه مختلطه وبل نسبه لحياتي بل مدرسه بل بدايه المعلمين عبالهم اني تلميذه كسلانه لان مجنت ارفع ايدي من يسألون من حافض الدرس لان جنت بداخلي كلش خجول
بس طبعا جنت اصدم المعلمين من اطلع حافظه الدروس

بصفي جانت اكو بنيه متكبره وكحه اسمهه ليلى كلش تكرهني وبصراحه جان شعور متبادل ويانه اخوهه التوم اسمه غيث جان عكس اخته تمامآ
بس المصيبه مو هنا المصيبه بابن خالهم وليد مو ولد شيطان 👿رجيم وكح ويضرب اي واحد يحاجي احجايه متعجبه وكسلان وهو اكبر واحد بل صف المفروض هو بل سادس بس هو ويانه بل ثالث بس ممبين علي لان هو ناعم بس مو كلش

فديوم من الايام جان اجتماع اولياء الامور علمود مستويات الطلبه

والي صار
.
.
.
.
وللحكايه بقيه
لتنسون التصويت ورداتي⭐🌺