كسر القوارير

الفصل الرابع عشر

السعيد من جعل قلبه يفرغ من حقد وكره الاخرين... 💔💔

يسر، هذه السنه شكد ما اكول عنهه سنه تعيسه هم قليل بحقهه

من جهه بابا ومن جهه لازم اطلع من الميتم...اااه لهذه الدنيا

رقيه، يسر تره احسن حل ان تروحين لبيت غزل ويه البنات

يسر، اني نفس رأيي بس بيت غزل كلش بعيد على المدرسه وبعدين امتحانات نصف السنه بعد اسبوع فاكيد ماكو نقل

رقيه، انتي بشنو تفكرين

يسر، ست ماريا اقترحت ابقه وياهه بل بيت فتره لحدما يرجع ابنهه من الخاج

رقيه، بكيفج حياتي بس حشتاقلج والله انتي الي مصبرتني اذا رحتي شحيصير بحالي

يسر، تتعودين مثل ماتعودنه عل اسوء

...............
مشكلت الدنيا ان أغلق احد ابوبها صدفه فانها سستعمد على اغلاق جميع ابوابهه لتطيح ببني البشر💔💔💔.... لكن انظر ☝هنالك رب يسمع ويرى وقدر الارزاق فل حمد له على ما انعم♥♥♥

مرر الاسبوع بسرعه البرق وخلال هذا الاسبوح انتقلت للعيش بيت الست ماريا

كان بيت هادئ بكل معنى الكلمه
واثاثه حلووو انطتني غرفه يمكن غرفه ابنهه المسافر لان ديكور الغرفه هيج يوحي

اكو هواي كتب فلسفه على اجتماع على سياسه على ادب بل رفوف مال الغرفه

رغم عندي امتحانات بس جنت افرغ روحي بل ليل حته اقره يمكن ساعات مطالعه الكتب اكثر من ساعات دراستي لمتحاناتي لان جنت اخاف اروح لبيت غزل وبعدني ممكملتهم

مرت الامتحانات بخير ولان تحضيري جان يومي وراجعت للامتحان جانت اجوبتي ممتازه

ست ماريا تواجدهه قليل بل بيت لان تقضي نهارهه بين مؤسسه الي هي تشتغل بيهه وبين الميتم

كانت ترجع المغرب بهذا الوقت اكون محضره العشاء فاشوف على وجهه معالم الراحه...

ماريا، يسوره تدرين من اجيتي ححستيني ان اني كنت عايشه بوحده ممستشعرتهه من قبل بس بل ليل.... بس هسه ما اعرف ليش وحته واني بل دوام اشتاق للبيت واشتياقي لابني ذكرتيني بجو ودفوا العائله...

اتمنى تبقين يمي هذي السنه...

يسر،ابنج اخاف يجي خلال هاي الفتره

ماريا، ما اتوقع وحتلو اجه واليسوع انتي بنتي الي ما ولدتهه من اول يوم اجيتي للميتم حسيت في وجهك البريء شي جذبني الك حسيتك تذكرين بوحده من اعزاز قلبي الي اختفو..
شنو هسه تكولين حتبقين وياي... اكدر اعتبر ابتسامتك قبول صح ✅

يسر، صح

مرت الايام واني بيت الست ماريا كنت كلش مرتاحه... وقت فراغي مخلصتو بين المطالعه بل كتب وبين الدراسه والطبخ....

مرت الايام وجان شهر الواحد والجو بارد كعدت الصبح احس روحي مكسره وحرارتي مرتفعه بس لازم اداوم لان عندي امتحان وما اريد ااجل
ماريا،ماماتي يله تعالي اكل...شبيج يسر شو احسج مو عله بعظج

يسر،ما ادري ايجوز لانو سبحت بل ليل ونسيت انشف شعري

ماريا،ليش يا ماما احسن هسه انتي مريضه غير تنتبهين وتنشفي

حبيبتي لتداومين اليوم لان ايضل بالي يمج
يسر،لا لا ما اريد ااجل ومابيه شي هسه اصير زينه
ظلت الست ماريا تحاول تقنعني ابقه بس اكيد راسي اليابس يسوي بس اليريده...

طلعت الست ماريا قبلي لدوامهه واني اطلع وراهه بنصف ساعه لان المدرسه كلش قريبه على بيت الست ماريا طلعت للمدرسه كاي يوم عادي ومن رجعت جنت كلش تعبانه ونعسانه فمنتبهت لاي شي كبل رحت للغرفه فتحت الباب نزعت الحجاب ودرت وجهي

لكيت رجل ضخم نايم على السرير وصافن عليه وعاقد حواجبه

ارتبكتت وحته الشال نسيت وين شمرته
اشو هذا كام وكال

ادريس، منو انتي وشنو تسوين هنا

حاولت ابين عكس الخوف الي بداخلي

يسر بنتر، انت الي منو وشتسوي بغرفتي منو سمحلك تدخل للبيت اصلا

ادربس، هههي شنو انتي شاربه شي شنو غرفتج باباتي هذا بيتي وهاي غرفتي

يسر،غررفتك؟؟؟؟
انت ادريس؟

ادريس، اي وما جاوبتي انتي منو وشعندج هنا

يسر، ها

ادريس، شهل فهاوه والتحول قبل شويه تاكلين بشر من العصبيه والنتر هسه متسمعين

يسر تهز راسهه وكأنما تحاول تستوعب الموقف

يسر، هاا اني... خل ست ماريا تشرحلك
ورحت للباب حته اطلع لان حيت باحراج وستحيت اكله ست ماري جابتني ...كلش حست باحساس مقرف
ما احس الا يعت ايدي وهو عصبي وعاقد حاجبه

ادريس، هو شنو الي امي تشرحلي وشنو هل استخفاف وقلت الادب اديرين وجهج وتمشين ماعندج ذره تربيه بس اكيد العتب عله اهلج الما عرفو يربوج

يسر... حسيته طعني بسكين بقلبي فقدت اعصابي لان مس وجع روحي بدون احساس ضربته كف وكلت

انت واحد حقير وبلا اخلاق

ما احس غير رفع ايد وحده وخلاهه على ركبتي حسيت النفس كوه اخذه رغم حاولت اوخر ايده بس المرض مسيطر وفرق الحجم اكيد لان اني اوصل لصدره
بعدهه وخر ايده بس حسيت بدوخه قويه وكمت ما اشوف

.
.
.
.
.

و للحكايه يقيه....