كسر القوارير

الفصل التاسع

كن على ثقه بان ما يخبئه الله لك هو الاجمل.💔💔

ومره صار اجتماع اولياء الامور ومن كلت لست ماريا تحضر قبلت بس

ماريا، ماما يسر باجر حيجون عمال تصليح للميتم ولازم اكون موجوده بس اكيد حسأل عنج غير يوم

يسر، اكتفيت بهز راسي بدون جواب

.........
اصعب لحضه من تدري بان انت عندك عائله عايشه وتطلب من الغربه تحضر بمكان اهلك واصعب من كل هذا من تشوف كل الي وياك جاي احد من اهلهم سواء عم عمه خال خاله وانت مكطوع من شجره

كل يوم يزداد كرهي لصالح وبيبي ولكل واحد بيهم ويزاد نفوري من كل الطلاب الي وياي بل مدرسه لان جنت احسدهم بداخلي

طلعت من المدرسة قبل ليبدي الاجتماع رجعت اركض وعثرت وكعت عله وجهي رفعت راسي والشهكه تارسه روحي ودموعي عله خدي

مسحت دموعي بردن القميص وكملت مشي بس بعد هل يوم انكسرت انكسار طفله كل احلامهه ان تعيش حيات عاديه بس يكون عدهه عائله تحبهه شكد جنت ما احجي وجامده هسه صرت اضعاف

عجيبه الدنيا الي تحدد عواطف الكبار وتغيررهه وركضت حته عل اطفال وسلبت بسمتهم💔💔

ثاني يوم من داومت اجه المدير والمعلم ويا وكاموا يغيرون بترتيب كعدتنه

المدير، استاذ من عندك اهدء شي بهذه الشعبه

المعلم، بعد ما تجول بنضره عله كل الطلاب الموجودين، يسر صالح اهدء شي عندي بل صف

المدير، كلش زين خليهه يم وليد تعرف البارحه اهله اقترحو يخلو يم اهدء طالب بلكت يتغير

المعلم، يسر تعالي اكعدي اول رحله يم وليد
وانت ابني غيوثي تعال اكعد يم اختك حته تساعدون

كمت وكعدت يم وليد ههههه اول مكعدت خزرني
قابلته بنفس ملامحي الجامده

المعلم، وليد دير بالك تسوي مشاكل ويه يسر لان حتتعاقب

وليد، نعم استاذ

الي افتهمته بعدين ان اكو طبيب نفسي والد احد التلاميذ اقترح على مدير المدرسة ان يخلي كل طالب ذو تصرفات غريبه يخلي يكعد مع الطالب الي تصرفاته نقيضه لتصرفات الاخر بهذه الطريقه ممكن ان نحد من بعض التصرفات الغير مرغوبه ونقللهه..

من اول ساعات بده تنمر وليد وازعاجه ومن شافني ما ابدي اي رده فعل تجاهه زاد تنمره وصل بي الحال كل شويه ساحل شعري

لان هو يريد ليث ابن خاله ويا ولان ميكدر يحاجي المعلم طلع حركت كلبه بيه

يمكن من اول يوم وليد اثر على تصرفاتي

طبعا من اول اسبوع ويه وليد تحجبت حته احافظ عله شعري من وليد لان كلما ينزعج مني يسحله

هههه خلو وليد يكعد يم يسر حته يتغير بس شكله هو حيغيرهه☺️

وليد، يسر اكتبيلي واجب القراءه خوش

يسر،...

وليد، شبيج خرسه متحجين

يسر، ما اكتب

ااخ شعري وخر

وليد، تكتبين لو لا

يسر، اي اكتبه انطيني دفترك واني حكتب وباجر اجيبه

وليد، من البدايه صيري حبابه هيج

المعلم، يله يسر كاتبه؟

عاشت ايدج شنو هذا الخط الحلو

وانت وليد كتبت؟

وليد، اي استاذ هذا والله تعبت بي

المعلم، لك شنووو هذا وين عقلك وليد ليش كاتب درس مما خذي شبيك انت وهذا مو خطك من و كتبلك لحظه وحده يسر ليش تكتبيله هذا خطج

يسر،...

المعلم، يسررر روحي للمدير

يسر ، وليد يجر شعري اذا ما اكتبله

المعلم، لك شنو هل وكاحه مترهملك جاره

عقابك تكتب الدرس 10 مرات حته تبطل سوالفك

هههه بيومهه من خلص الدوام وليد انطاني كتله من هاي التمام

وليد، هاي حته تبطلين تصيرين ذكيه براسي عيديهه الا اسحل حجابج واكص شعرج

يسر، بعد ما اعيدهه

....
ماريا، يسر وين حجابج ماما وليش شعرج منفوش شبيج ليش عيونج حمر

يسر احجي لتسكتين

يسر، ست..... وسولفت كلشي

ماريا، ماما شوفي حبيبتي اني حسولف وادري بيج ذكيه وحتستوعبين الي اكوله تمام

يسر، حركت راسي بمعنى اي

ماريا، شوفي ماما الحياة كلش صعبه وتحتاج واحد قوي حته يكدر يعيش.. لازم كل واحد ياذينه نوكفه عند حده وادري بيج ذكيه وتاخذين حقج بس لازم بطريقه صحيحه ولتسكتين عن حقج ولتسوين شي متريدينه تمام لان متسكتين العالم تتماده تمام حبيبتي
وبل نسبه لوليد اني باجر اروح للمدرسه واشوفلج حل ويا

.
.

.
.
وللحكايه بقيه