Against the Wind

CHAPTER 45

Bumuntonghinga siya. "If you insist. I'll just go to my room to freshen up."

Tinanguan ko siya at nagsimula nang magligpit saka hinugasan ang mga plato. Hindi mapuknit ang mga ngiti sa labi ko.

Pagkatapos kong maghugas ay tiningnan ko muna si Bambi sa kuwarto niya. Mukhang napagod na siya sa kalalaro kaya nakatihaya na siyang nakahiga. Hinaplos ko ang tiyan niya. Bumangon naman siya saka dinilaan ako sa pisngi.

"Good night, Bambi!"

Hinalikan ko siya saka lumabas na at pumasok sa kuwarto ko. Bago iyon ay sinilip ko muna si Puppy. Mukhang nasa shower na siya.

Pasado alas nueve pa lang ng gabi kaya medyo maaga pa para matulog. Isa pa ay hindi pa ako inaantok.

Pumasok muna ako sa banyo para magsipilyo at maghilamos. Pagkatapos ay nagpalit na ako ng damit pantulog. Naisipan kong i-text si Zia Lynn para kumustahin siya.

Umakyat ako sa kama saka pumailalim sa comforter pero naramdaman ko na lang na may kakaiba akong natapakan.

"Ahhh!"

Napatili ako nang makitang maraming ipis sa ilalim ng comforter.

"Puppy!"

Nanakbo ako palabas at dire-diretsong pumasok sa kuwarto ni Puppy. Nakasandal siya sa headboard ng kama niya at nagtitipa sa laptop niya.

"Puppy!"

Nagulat siya at agad na itinabi ang laptop sa side table. Tumalon ako payakap sa kanya.

"What happened?" nag-aalalang tanong niya.

"May... May mga ipis sa kama ko!" mangiyak-ngiyak kong saad.

Sa linis ng buong condo unit, paanong nakapasok ang mga ipis? At ang dami pa nila.

"What? Are you sure? How come?"

Umiling-iling ako. "Hindi ko alam, e. Pero ayaw kong matulog do'n. Ikaw na lang do'n. Palit tayo ng kuwarto."

"What?" hindi makapinawalang untag niya.

"You want me to sleep in your bed full of cockroaches?"

Napangiwi ako. "Hindi pala. Dito ka na."

"Right. I can't leave this room in this state anyway."

Ngumiti siya nang nakaloloko sabay tingin sa kabuoan ko. Napatingin din tuloy ako. Gano'n na lang ang panlalaki ng mga mata ko nang mapagtantong nakayapos pala ako sa kanya.

"So...Sorry!"

Mabilis akong kumalas ngunit agad niya akong pinigilan saka nahiga at niyakap din ako. Inilagay niya ulo ko sa dibdib niya.

"We can sleep this way."

Sinubukan kong umalis ngunit ipinulupot niya rin ang isa niyang kamay sa baywang ko.

"Stop moving."

"Pero-"

"It's you who started it. Don't start a fire if you can't take the heat. From now on, you should take responsibility for your every action. You got it?" maawtoridad na untag niya.

Wala sa sariling napatango ako. Bumaba ang mga labi niya saka hinalikan niya ako noo.

"Are you still mad at me?" masuyong tanong niya.

Ngumuso ako. "Konti na lang."

Hinalikan niya ako sa tungki. "Still mad?"

Tumango ako.

"Don't you know how much I've wanted to hold you like this?"

Napasinghap ako nang bigla niya akong inihiga saka kumaibabaw sa akin. Pinigilan niya ang kamay ko nang akmang babangon ako.