The Villain Dressed As a Little Mermaid

Chapter 8

  သူ့မျက်နှာကအနည်းငယ် တုံ့ဆိုင်းသွားသော်လည်း သူအပြင်မှာရပ်နေသေးသည်။ သို့သော်သူ့ခန္ဓာကိုယ်က ပို၍ပို၍မသက်မသာဖြစ်လာခဲ့သည်။ လင်ရှီးလှည့်ကာအိမ်ထဲပြန်ဝင်လိုက်၏။

  သူအိမ်ထဲဝင်ပြီးတာနဲ့ ထပ်၍နှာချေပြန်သည်။ နှာချေပြီးသောအခါတွင် သူ့နှာခေါင်းကစတင်ယားယံလာ၏။ လင်ရှီးသူ့နှာခေါင်းကို နှစ်ကြိမ်ခန့်ပွတ်လိုက်ပြီးနောက် သူ့နှာခေါင်းတွအဖုလေးများပေါ်လာသည်။

  အဖုလေးတွေကိုထိလိုက်တဲ့အခါတွင် ထိုအဖုလေးများက ယားယံပြီးနာကျင်၏။ လင်ရှီးသူ့နှာခေါင်းကို မတော်တဆပွတ်မိမှာစိုးရိမ်နေမိသော်လည်း ဆက်လက်ကုတ်ချင်နေသေးသည်။

   သူ့အသားအရည်က နုနယ်လွန်းတယ်.....

  လင်ရှီးသန့်စင်ခန်းဆီသို့လျှောက်သွားလိုက်ပြီး သူ့နှာခေါင်း‌တွင်ပေါက်နေသော ဝက်ခြံအဖုလေးများကိုကြည့်ရန် မှန်ရှေ့တွင်ရပ်လိုက်၏။ ရလဒ်ကတော့ သူ့နှာခေါင်း‌တင်မဟုတ်ပဲ မျက်နှာတစ်ခုလုံးနီရဲလာသည်ကို လင်ရှီးတွေ့လိုက်ရ၏။

  ထိုအနီရောင်အဖုတွေက တဖြည်းဖြည်းများလာပြီး ထူထပ်လာသည်။ ကြောက်လန့်ခြင်းမရှိတတ်တဲ့ လင်ရှီးတောင်မှသူ့ခန္ဓာကိုယ်က အနီရောင်အဖုတွေကိုတွေ့ပြီး သူ့လက်များထုံကျင်လာ၏

  ဒီလိုမတွေးတာပဲကောင်းပါတယ်။ ထိုအချိန်မှာပဲ လင်ရှီးသူ့လက်များ စတင်ယားယံလာတာက်ုခံစားမိလိုက်သည်။

  လင်ရှီးခေါင်းကိုအလျှင်အမြန်ငုံ့ကြည့်လိုက်၏။ သူ့လက်အနောက်ဘက် အရေပြားကချောမွတ်ပြီးသန့်ရှင်းနေသည်။ လင်ရှီးလက်ဖဝါးများကို အပေါ်အောက်ပွတ်လိုက်ပြီး ထိုဒဏ်ကြောင့် သူ့မျက်ဆံများတဖြည်းဖြည်း ကျယ်လာခဲ့သည်။ သူ့လက်မောင်းတွင်လည်း အနီစက်များပေါ်ပေါက်လာ၏။ 

    သူ့မျက်လုံးများကိုဖြည်းညှင်းစွာမော့၍မျက်စိတစ်မှိတ်အတွင်းအနီစက်နှင့်ဝက်ခြံများဖုံးလွှမ်းနေသောသူ့မျက်နှာကိုမှန်ထဲတွင်ကြည့်လိုက်သည်။ လင်ရှီးသူ့မျက်နှာတွင်ဘာတွေဖြစ်သွားလဲဆိုသည်ကိုမသိလိုက်ပေ။