La Carlota 1: Reaching the Sun

12 ~ OVERNIGHT

CHAPTER TWELVE

NAPUNO ng tawanan at kwentuhan ang mahabang lamesa. They are having their dinner. Lahat sila ay nakaligo sa dagat. Everyone is having fun. Naipakilala na siya kanina kaya medyo nakikitawa na rin siya sa mga ito. Hindi na awkward.

She's sitting beside Grego. Ang mga mata ng mga kasama nila ay madalas na napupunta sa kanilang dalawa. Tapos ay tutuksuhin sila. Nangingiti siya at nahihiya rin. Ang katabi niya naman ay tatawa lang.

"Saan kayo pupunta, Trevor?" tanong ni Glenda sa lalaking tumayo.

"Maninigarilyo lang," sagot naman ni Trevor, sabay sumulyap kay Chantria. "Mabilis lang ako."

Pasimpleng siniko ni Yusef si Chantria at may ibinulong.

Wala siyang ideya kung ano ang mayroon sa dalawa pero kanina niya pa napapansin ang mga nakaw na tinginan.

"Pakitawag ang isang waiter, Trevor. Let's order something to drink," sabi ni Yusef bago umalis si Trevor at ang isa pang kasamang lalaki.

"Pwede ba kayong uminom?" natatawang tanong ni Glenda.

"Cocktails will do," Chantria said.

"Isang bucket na light beer lang sa amin. Uuwi pa kami."

Bahagya siyang lumapit kay Grego para bumulong. "I-inom ka rin ba?"

Nang ibaling nito ang tingin sa kanya ay inatras niya ang ulo bago pa magtama nang hindi inaasahan ang mga labi nila.

"Pwede ba?"

"Oo naman," kunot noo na agap niya. "Pero hindi ako iinom ng alak. Juice lang ang sa akin."

"Kaunti lang ang iinumin ko."

Marahan siyang tumango at ibinalik ang atensyon sa mga kasama na nakangisi sa kanilang dalawa ni Grego.

"Parang nilalanggam ako rito..." parinig no'ng isa na binuntutan ng tawa ng iba.

Uminit ang pisngi niya dahil alam niyang para sa kanilang dalawa 'yon.

"Juice lang ang kay Charlotta," Grego said that made his friends gave them a teasing look again.

"Bakit? Ayaw mo bang uminom ng alak si Charlotta? Kahit isang shot lang?"

"Bawal pa sa kanya. Saka na pag eighteen na."

"Naku! Ang higpit pala ni Grego. Hindi kami sanay!"

Nagtawanan ulit ang mga ito. Naninibago yata.

Wala pang alak na lumalapat sa bibig niya. Gusto niya rin sanang matikman o maranasan man lang pero alam niyang hindi pa pwede. Ayaw niyang abusuhin ang pagpayag sa kanya ng lola Salma niyang mag overnight.

Lumapit sa kanila ang waiter na kausap kaninang hapon ni Grego. May dalang tray, ball pen at maliit na papel.

"Hi, Silvano!" Yusef greeted cutely.

Maliit na ngiti ang ginawad ng lalaki. "O-order daw kayo ng alak?"

"Yes. One bucket of beer for them..." Yusef motioned Glenda's group. "Mine is Negroni. How 'bout you, Chantria?"

"One Pina colada, please."

"Virgin?" Silvano asked.

"I'm not a kid, Silvano. I'll go with alcohol."

"Alright..." he scribbled on his paper. Then looked at Grego after.

"Bloody mary," Grego muttered with a husk.

Nang ibaling naman sa kanya ni Silvano ang tingin. Umupo siya ng tuwid.

"Pineapple smoothies ang sa akin."