Revenge Ni Mr. Nerd

Chapter 9 : Almost

Fara's POV

Kanina pa sunod nang sunod si bakla sa dalawang tao na nakatalikod sa'min, na ang bilis maglakad. Bilang bestfriend niya sinuportahan ko siya kaya sumunod din ako sa kanya

"Sino ba kasi 'yan" bulong ko sa kanya habang pilit sinisiksik ang sarili ko sa karton

"Wag ka ngang gumalaw, baka mapansin nila tayo" palibhasa mas malaki ang karton niya, tig-isa kami ng karton na malalaki and we wear it, may maliit na butas para makahinga kami at makita namin yung sinusundan namin. Humihinto kami sa paglalakad kapag may tao baka sabihin pa nilang baliw kami. Nasa loob kami ng karton. Mga pakulo talaga ni bakla pwede naman na tumago kami sa mga poste o kahoy, pero ito ang pinili niya

"Bruha, pumasok sila sa coffee shop, lika" hinila naman niya at si ako naman nagpadala lang sa kanya. Ang mga nadadaanan naming mga tao napapatingin sa'min and they all have this weird expression kapag tinitignan kami. Nang nasa harap na kami ng pintuan tinignan lang kami ng guard na parang nakakita ng baliw. Hindi niya kami pinapasok

"Kuya, may sinusundan po kami" pagmamakaawa ni bakla, luluhod na sana siya nang tumigil siya at sabay kaming napatawa. Kaya pala, may pagkaengot din naman pala kami, hindi pa namin tinanggal ang karton. Napatingin kami kay kuyang guard na naguguluhan sa'min, kaya nagmamadali naming tinanggal ang karton saka itinabi sa pinakamalapit na basurahan. Sa sobrang laki ng karton 'di nagkasya. Bumalik naman kami kay guard

"Kuya papasukin niyo na po kami" sabay na sambit namin ni bakla at umikot-ikot sa harap ni kuyang guard na parang sinasabing 'wala na po ang karton, please' napatawa nalang si kuyang guard at pinapasok na kami. Humanap agad kami ng pwesto na malapit sa sinusundan namin lucky us, kunti lang ang tao.

"Jadyle, thank you ha, thanks for this" palapit nang palapit ang mga yabag ng paa. Lilingonin ko sana nang hawakan ni bakla ang kamay ko. Maya-maya pa'y dumaan na sila.

Tinignan ko si bakla "Kaya pala, sina Carla at Jadyle lang pala ang sinusundan natin kala ko pa naman kong sino" Tinaasan niya naman ako ng kilay

"Duh, kesa naman sa magmukmok lang tayo dun sa plaza. Ok na din 'to at least may pinagkakaabalahan tayo" Hindi ko talaga siya maintindihan minsan katulad ngayon. Dumating naman yung waiter na pinaghingan ni bakla ng tubig, at nilagay sa mesa pagkatapos ay umalis na. Hindi man lang siya umorder haha

"Bakla ang kuripot mo, kahit isang tinapay lang hindi mo 'ko malibre" malungkot kong sabi sa kanya

"Nako, wala akong dalang pera, kaya nga diba nag tubig lang tayo. Buti pwede dito mag standby" napatawa naman ako sa kanya. Ang kawawa niyang tignan lalo na yung sinabi niyang wala siyang dalang pera

"So, is this a date?" Napatingin naman kami ni bakla sa lamesang nasa harapan namin. Magkaharap sina Carla at Jadyle, kami naman ni bakla magkatabi kaya kitang-kita namin si Jadyle na nakaharap sa'min si Carla naman nakatalikod. Tinatakpan namin ang ilong at bibig namin ng menu kaya mata lang nakikita sa'min.

"C'mon sumagot ka naman" sabi ni Carla na ngayon ay nakahawak na sa kamay ni Jadyle na nakapatong sa ibabaw ng lamesa. Wala man lang siyang emosyon na pinapakita.