القسوة لا تنسى

البارت97

البارت97
من قصة القسوة لا تنسى
بقلمي انا.... Latifa el

بقا واقف وهو غير مكيزيد ازير على يديه كان غادي ادخل عندو افهم هادشي لي سمع من عندو ولكن فضل انه يسكت وزاد طلع للبيرو ديالو
دخل وهو اشوف اجاويد كالس على الكورس ديالو وكيدور بيه
اجاويد غير شافو ضحك.... عمي عندك الكورسي كيدور وعندو عجلات عجبني حتى انا فاش غادي. نكبر غادي نولي بحال ونكلس فبحال هاد الكورسي
مجيد مشا عو ديريكت شدو من يدو..... فين هي ماماك
اجاويد..... ماما راها عند جدي
مجيد..... ياله نمشيو

..... كانت غادية فالزنقة كي لهبيلة غادية وكتقلب بحال الحمقة
جيهان..... اجااااوويييد ولدي فينك
وقفات واحد لمرآة وهي كتهدر بهسترية..... واش مشفتيييييش ولدي صغير مزااال عندو 7 سنين واش مشتيهش
لمرآة.... لا مشتوش ابنتي
طلقات منها ومشات عند واحد الراجل.... واش مشتيش ولدي صاير مزاال صغير
الراجل... لا ابنتي مشفتوش
بقات غادية كتغوت بسميتو كي الحمقة حتى شافها باها كان كالس فالقهوة. وهو اجي عندها كيجري
ميمون... جيهان اش هاد الحالة مالكي
جيهان.... الى وقعات شيحاجة لولدي منسمحش ليكم سمعتوني منسمحش ليكم
تنترات من باها وباقت غادية كتقلب وتغوت حتة وصلات لراس الدرب وهي تشوفو جاي وفيديه واحد الميكة مشات عندو كتجري تلاحت عليه
جيهان.... ولدي اجاويد فين كونتي واش تقلقتي مني فاش قولت ليك خرج عليا
اجاويد شاف فيها.... ماما لا انا متقلقتش عليك غير كونت هنا وصافي خليتك بوحدك اماما واش غوت عليك تاني جدي داكشي علاش كتبكي
جيهان هزات راسها بلا وهي كتبوس فيه.... لا لا اولدي متقولش هاد الهدرة
ميمون قرب ليه بغا اقيسو وهو ابعد. عليه اجاويد..... متقيصنيش نت خايب انا كنكرهك
ميمون حيد يديه من عليه وتم غادي راجع لدار مخليهم موراهم

كان واقف فاللوطو ديالو كيشوف فيهم من بعيد وكيشوف فجيهان لي ولات كي لهبيلة فاش ملقاتش ولدها

بقا واقف حتى شافهم رجعو لدار عاد كسيرة غادي. تيجاه الوجهة ديالو

بقا غادي مدة حتى وصل قدام واحد لكلنيك بقا واقف شحال متردد انه اهبط ولكن فلخر دارها فيد الله وهبط غادي داخل حتى وصل قدام واحد طبيب مخطص بامرض العقل  شاف فالساعة لقاها هي لوقيتة فاش دار معاه (حيت تاصل وخدا رونديفو)

دق جوج دقات ودخل شافو كالس فالمكتب ديالو غير شافو وهو اوقف مد لبه يدو وبتاسم..... شرفتينا اسي مجيد
مجيد بتاسم ليه..... منهار دفنوه مزاروه اسي الغالي
الغالي..... اوا راك عارف الخدمة
مجيد كلس..... اوا لباس عليك
الغالي.... بخير ونت
مجيد تنهد.... معرفتش
الغالي..... اش داكشي عاودتي لياوواش شاك بالي عندك رقاقة
مجيد.... داكشي لي سمعت من عند مجد
الغالي.... واش هو لي زرعها ليك
مجيد...... حتى نشوفو واش بصح بعد ة
الغالي ناض وقف.....  ياله معايا
خرجو من داك البيت ودخلو فواحد البيت فين كيفحص المرضة دخلو وتكاه على واحد النامسية وهز شي كابليات دارهم ليه على راسو وبرونشاهم مع واحد التلفازة
الغالي.... غمض عنيك
مجيد غمض عنيه وبقا كيفحص ليه وكل مرة ابدل ليه بلاصةوالكبليات لي فوق راسو حتى سالة ليه عاد حيد عليه داكشي

مجيد..... امدرة
الغالي..... مكاين لا فقدان الداكرة لا والو هادي رقاقة مزروعة
مجيد.... وكي ندير ليها اناني نحيدها
الغالي.... خاصك عمالية ضرورية والىةمحتيهاش وخدتي منها شي دقة راه يمكن تخسر حياتك
مجيد...... غدا واجد نت
الغالي.... انا دبا نيت واجد الى نت واجد
مجيد...... قول ليهم اوجدو غرفة العمليات