القسوة لا تنسى

البارت 30

البارت 30
من قصة القسوة لا تنسى
بقلمي انا.... latifa el

بقات واقفة شحال كتشوف اك المساج

##اوا الالة جيهان كي جاك الإختيبار ديال اليوم اه قبل ماننسا حمد الله على سلامت ولدك هاد المرة نجا منها المرة الجاية موحال ياله بيزو حوبي كنبغيك ##

جيهان حطات راسها على الحيط كتستنشق الهواء وكتخرجو حتى حسات براسها شوية وهي تسمع الباب كتتحل هنا الماء طاحو ليها فركابي كتشوف شكون غادي اخرج من دارها واش نفس الشخص لي كيصيفط ليها المسجات وهي براسها مكتعرفوش شكون هدا واش جا يأدي ليها ولدها مرا خرا بقات مبلوكية في بلاصتها حتى شافتو مايشوف فيها ووقف فالباب
مجد كيشوف فجيهان كيف صفارت والللون تخطف من وجها تحلفي قطرة ديال الدم مكاينة في وجها كتشوف فيه وعنيها خارجين
مجد غوت عليها.....فين كونتي نتي ها وفهاد الوقت
جيهان غير وقفة غايبة مكيناش فهاد العالم مجد مد يدو شدها من كتافها وجرها لداخل وسد الباب وهي عاد سرات معاها دفعاتو ومشات جيهت بيتها مشات عند اجاويد كتقلب عليه لقاتو مزال فين خلاتو مشات كلسات حداه وحطات يديها على جبهتو لقات الحرارة ديالو طبيعية وتحنات عندو باستو في جبهتا وقدات ليه غطاه وه تحس بيه جرها من كتافها بحوج موقفها انفاص معاه ومزير ليها على كتافها وعنيه حومر وباينين فيهم لعروقة
مجد......فين كونتي مالي وقع هادشي كامل لولدي ها فين كونتي واش نتي ام لي كتهمل ولدها لهاد الدرجة حتى كياكل سم ها دوي فين كونتي كوني على اكيد مو وقعات شي حاجة لولدي غادي نقتلك سمعتي نقتلك ونشرب من دمك وميسيق حد خبارك
جيهان بقات كتشوف فيه وهي دفعو عليها بجهد وهزات فيه صبعها
جيهان كتهدر بكل برودة.....اخر واحد لي اجي احاسبني على ولدي هو نت سمعتي انا مهملنش ولدي انا بالعكس ديما حضياه وبالي ديما معاه غير معرفتش شنو وقع فالمدرسة وشكون عطا ليه داكشي لي كلا وهادشي مغاديش اتكرر مرا خرا اما نت كونت اخر واحد لي كيعلم بولدو اش عندو ودبا جاي تتحاسب معاها فيه ها دوي
مجد عصباتو بداك صبع لي هازة ليه فوجهة وهو اشدو ليها ولواه ليها ورجع ليها يديها مورة ضهرها وطلعها عندو كتر ملصقها مع صدرو....اخر مرا تهز عليا صبعك ولا المرة جاية نقطعو ليك سمعتي
جيهان كتحاول تبعد ولكن هو مزيرها عندو كتر....ولتي اناني بزاف امجد طلق مني
مجد تحنا حدا ودنيها وهمس ليها.....وليتي انانية بزاف وخا هكاك زيانتي العفريتة

جيهان شعل فيها العافية بهاد الهدرة وهي تفلت يديها ودفعاتو بجهد......خرج عليا من داري اقليل لحيا خرج عليا ياله برا
مجد.....والى مبغيتش
جيهان......نعيط ليك للبوليس مالنا السيبة فلبلاد ولا شنو
مجد....متنسايش نتي لي وفقتي امتى ما بغيت نجي نشوف ولدي نجي ومدام ولدي انا مريض بغيت نبات معاه معندك حتى موشكيل ياك
وغمزها
جيهان حمرات فيه....شنو تبات معاه لا اسيدي سير لداك انا داري مكيباتوش فيها رجال وغراب عليا
مجد قرب ليها وهي لسقات مع الحيط كتشوف فيه كيقرب ليها بخطاوي خفاف وجاي قاصدعا
هزات صبعها....هيه بعد حسن ليك بعد لهيه متقربش ليا سمعتي
مجد وصل حداها ودار يديه فجيابو وطلع حاجب فصبعها وهي تهبطو بلهلا يطريه ليها
مجد شاف فيها وشاف فاجاويد.......وهداك الولد منين جاك مالي انا غريب عليك دوزتو لمك فبلوتوت ياك
جيهان تصمرات بقات غير كتشوف فيه وهي تدوز من جنب سلتات مشات حلات لبلكار جبدات منو بيجامة وتمات خارجة......بقا مع ولدك انا غادية لبيت اخر بصحتك

جيهان خرجات وهو تبع ليها العين وتنهد تنهيدة حارة وحط ابهامو على فمو وكيشوف فاجاويد......نت الوسيلة الوحيدة لي تخليها تهبط ريشها لرض