القسوة لا تنسى

البارت80

البارت80
من قصة القسوة لا تنسى
بقلمي انا.... latifa el

وصلات لدار من بعد مدة ديال طريق هبطات من اللوطو ودخلو لداخل شادة فيد ولدها
هو مشا كيجري لبيتو ابدل عليه وهي مشات توجد لعشا من بعد ما وجداتو بلخف غير شي حاجة خفيفة عيطات على اجاويد تعشاو ومشاو انعسو وهي كتطلب الله مايوقع والو لمجيد حيت حاسة بتأنيب الضمير وكتقول بالي هي سباب فهادشي لي هي فيه

صبح صباح جديد بأحداث جديدة
حلات عنيها شافت فولدها لقاتو ناعس شاف فالساعة لقاتها 11 دصباح ناضت دخلات لدوش دوشات عليها وخرجات لبسات عليها سروال جينس مع قميجة طويلة حد الركبة ودارت معاها شالها ودارت فوق منو مونطو ودارت كاشكول اليوم صبح الحال مضبب وبحالة غادي طيح شتا  شافت فولدها باستو وخرجات سدات عليها الباب من بعد نا خدات صاكها وركبات اللوجو ديال مجيد وكسيرات لسبيطار

#في سبيطار

حال عنيه كيشوف فسقف مكونسونتري معاه مكيحركش عنيه لأي جيها غير فسقف  حتى سمع الباب تحل حول عنيه من سقف مسال البيت لباب وهو اشوفها واقفة وكتشوف فيه مدار حتى ردت فعل غير كيشوف

قربات عندو كتشوف فيه
جيهان كلسات حداه وكطلع فيه وتهبط وهو غير كيشوف فيها
جيهان....مجيد باش كتحس دبا واش بخير 
مجيد كيشوف فيها وهو انتر يدو من بين يديها وشاف فجيها خرا
جيهان تصدمات بقات غير كتشوف
جيهان ناضت دارت عندو جيها خرا....مجيد مالك شوف فيا
مجيد  بغا انوض يكلس وهو اشد على راسو ضارو جيهت لغراز
مجيد......سيري بعدي مني خلني عليك بالتساع
جيهان....مجيد اش هاد الهدرة كتقول
مجيد....كي كاسمع بعدي مني سيري عندو عاد دبا جاية عندي دبا سيري ليه
جيهان كتشوف فيه ممتيقاش اش كيقول واش حيت شاف دوك تصاور وبدا كيعاملها بهاد المعاملة
جيهان شدات ليه فيدو وكتبكي ....مجيد شوف فيا راه هادوك تصور ماشي ديال دبا راه كانو عندو شحال هادي  والله تيق فيا راه هو بغا اشوهني وضمر السمعة ديالي
مجيد خنزر فيها.....انا شفتك بعنيا معاه غير كوني هانيا سيري بعدي مني انا كنكرهك اجيهان كنكرهك

جيهان ناضت خرجات من تماك كتبكي معوداتش دارت عندو خارجة من صبيطار كاع