البارت11
من قصة القسوة لا تنسى
بقلمي انا.... latifa el
بقات كالسة معاه حتى شافتو بدا كيحل عويناتو وهي مزالة شادة ليه فيديداتو
جيهان....حبيبي لباس عليك كي كتحس براسم مزيان
لأجاويد.....خالتي جيهان فين حنا
شاف فيدو السيروم وهو يابدة يبكي.....خالتي فين حنا وشنو هادشي لي دايرين ليا فيدي كضرني حيديها ليا
جيهان باستو في شبحتو لي مدورة عليها الفاصمة....صافي حبيبي تهدن دبا اجي طبيب احيدها ليك مابقا ليه والو ويتسالة
أجاويد......لا لا بغيت تحيدوه ليا عافك قولها ليهم
جيهان....واخا صافي غير سوكت متبكيش غادي تتفتح ليك الجرحة
ضغطات على واحد زر لاصق فالحيط باش اجيو عندها الاطباء وهي تشوفهم جاين كيجريو
طبيبة...مدام مالو ياك لاباس
جيهان....عافك حيد ليه السيروم الله ارحم بيها الولدين
طبيب....ولكن
جيهان.....عافك شوف كي كيبكي
طبيب تنهد ومشا عندو حيد ليه السيروم ودار ليه الباندة في يدو
طبيب....كي راك دبا اولدي
أجاويد.....بخير غير كيضرني راسي شوية دبا
جيهان....واش يمكن ليا نخرجو دبا
طبيب....اه الالة دوزي معايا عمري ورقت الخروج ويمكن ليك تخرجيه
ناضت جيهان خرجات وهي شدة فيد أجاويد داها للإستقبال عطاتها ورقة ديال الخروج عمراتها
جيهان مدات ليها لفلوس خلصات المستشفى وخرجات من تماك
جيهان شافت فأجاويد كيترعد بالبرد
جيهان....حبيبي واش فيك البرد
أجاويد....اه اخالتي
جيهان بقات كدور فراسها لقات غير واحد المحال بعيد شوية فاتح مزالة وليل هادة تنهدات قطعو طريق وزادت دخلو لداخل كتقلب بين لحوايج واش تلقة ليه شي جكيط قدو
حتى لقات وحدة فاللون لكري خداتها ليه لبساتها ليه وخدات ليه شي حوايج اخرين جمعاتهم فواحد الصاك ومشات خلصات وزادت خارجة كتتطلب الله تلقة شي طاكسي توصلها لدار حتى دازت عليهم وحدة وقفاتها وركبو وعطاتو العنوان وزاد بيها
بقاو مدة غادين حتى وقفها قدام العمارة لي ساكنة فيها هبطو وخلسات مول الطاكسي وزادت داخلة بيه لداخل
أجاويد كيطلع عينو مع ديك العمارة....خالتي واش نتي هنا ساكنة
جيهان....اه احبيبي انا هنا ساكنة
دخلاتو لداخل ولخللت حتى هي توقف ليها عساس العمارة
العساس....اهلا جيهان لباس عليك
جيهان....اهلا عمي حسن كداير لابس واحدة لالة منانة لاباس عليها
حسن....لباس ابنيتي اسول فيك الخير شكون هاد التربية لي جبتي معاك
جيهان......أحاويد اعمي
حسن ....اوا الله يصلح
جيهان...امين
تمو طالعين فدروج حتى وصلو لدارها فتحات الباب ودخلو
أجاويد غير كيدور فعويناتو.....خالتي دارت صغيرة ولكن زيونة بزاف حسن من دارنا
جيهان هبطات عندو كتبوس فيه.....موااااح على زيد ديالي
أجاويد دخل لبيت جيهان كيشوف فيه وكيدور بعينه دار عندها لقاها كتبدل عليها......خالتي بيتك زوين واش حتى نتي كيعجبك لبيض حيت حتى بابا بيتو كامل بيض
جيهان سكتات ملقات ماتقول ليه وهي تبتاسم ومشات عندو....اجي نبدل لولدي حبيبي اجي دغيا
أجاويد مشا عندها وهي كتجبد فدوك لحوايج لي شدار ليه حيدات ليه ديك الجاكيط لي كان لابس وحيدات ليه دوك لاحوايج مسحات ليه عنقو مزيان ولبسات ليه حوايج داخلية ووحد البيجامة زرقة وحطات ليه بانطوفات زورق حتى هوما
جيهان....كي كتحس براسك دبا مزيان
أجاويد....بخير مشا ليا لحريق
جيهان باستو....اخليلي ليا البطال ديالي اجي نديرو نتعشاو كاع ناكلينا
مجاو الكوزينة دارت ماطيشة بالبيض دغيا وحطات فوق الطابلة وبقاو كياكلو
أجاويد كيشوف فماطيشة....شنو داكشي
جيهان....هادي مطيشة بالبيض
أجاويد....عمري كليتها انا كانت كدير ليا نرمين غير لباط ديما ديما الى فصباح
جيهان....وعلاش
أجاويد....حيت مكنحملهومش ومالي مكنبغيش ناكل كتنعسني بالجوع
جيهان تغرغرو عنيها على ولدها ولموعنات لي عاش فديك الدار كتر من موعناتها هي
جيهان شدات ليه فيدو....صافي احبيبي كول ومتفكر فوالو وخا وانا معاك دبا موستاحيل نخليهم يأديوك
أجاويد بتاسم ليها.......كنبغيك اخالتي جيهان
جيهان عنقاتو عندها.....حتى انا كنحماق عليك احبيبي
YOU ARE READING
القسوة لا تنسى
Mystery / Thrillerستخبرك الأيام وسيثبت لك الزمان كم كان قلبى وفيآ لك وكم خسرت بعدى بإتقان خسرت قلب إنسانة احبتك واختارت حبك بدلآ من النسيآن اختارت الألم والندم والحرمان لن تأتى إمرأة بعدى تحبك بهذا إلإدمان ستندم على عشرتى وستتألم حيث لاينفع الندم ولا الاحزان وس...
