القسوة لا تنسى

البارت83

البارت83
من قصة القسوة لا تنسى
بقلمي انا.... latifa el

دخلات لداخل كلسو في الصالون وهي مزال حانية راسها وحشمانة من باها تنهدات وهو اشد ليها في يديها
ميمون.....بنتي كي بقتي مزيانة دبا
جيهان هزات عنيها فيه وهزات راسها باه...اه ابابا
ميمون......اوا نوضي ابنتي لحبيبة هانتي سيري لبيت لاخر قاديه وقادي حوايجك وحويج ولدك فلبلكار وسيري دسري لينا شي غديوة راه قتلني الجوع وانا مزال غادي نمشي للخدمة راه خالتك فاظمة مزال مجات(مراتو)
جيهان....اه وخا ابابا
ناضت دخلات لبيت كان بيت متوسط الحجم فين نامسية وبلاكار لاسق فالحيط مشات حلاتو ورتبات فيه دوك لحوايج حتى سلات خملات داك البيت كامل عاد هزات بيجامة لبساتها ومشات لكوزينة كتوجد طجين بالحوت ومشات بدلات حتى لاجاويد وقدات ليه شعرو عاد دات طاجين لصالون لقات باها كالس كيتفرج فالاخبار حطات الطابلة وناض هو كلس وجر حداه حفيدو كيبوس فيه
ميمون......شنو قولتي ليا سميتك
اجاويد بتاسم.....واش كتنسة اجدي هههه
وحط يديو على فمو كيضحك
ميمون بدا كيهرو.....اخلي ليا زين ومعرفتش سميتو مبغاتش تدخل ليا فراسي
اجاودي ضحك.....وراه بابا لي دارها ليا هههه
ميمون عقد غوباشتو وشاف فجيهان لقاها غير كتشوف فيه وهي تحني راسها وهز الخبز وبدا كياكل
اجاودي حتى هو سكت وبدا كياكل معاهم وجيهان كتنقي ليه الحوت من الشوك وحتى ميمون كيعاونها نساجمو فالطابلة وهما اسمعو الدقان
ميمون..... خليك انا نفتح
ناض هو للباب فتح الباب كانت فاظمة ومونية
مونية باست ليه راسو وفاظمة دخلات.....سلام وعليكم اش هاد ريحة زوينة واش درتي الطاجين
دخلات لصالون تابعة الريحة ديال الطاجين وهي توقف فالباب مالي شافتها كالسة وكتاكل وكتهدر مع ولدها
اجاويد......ماما شكون هاديك
جيهان دورات راسها للباس وهي تشوف فاظمة واقفة وكتوشف فيهم وهي توقف وكتشوف فيهم
فاظمة .....شنو كديري فداري ياهاد قليلت لحية ها
مشات تمشي عندها وهو اوقفها صوت ميمون....فاظمة
فاظمة شافت فيه.....كيفاش فاظمة اش كدير هادي هنا واش نسيتي اش دارت هادي لي كتحامي عليها دبا
ميمون......فاظمة هاديك راه كتبقة بنتي متنسايش
فاظمة شافت فيه وضربات رجليها مع لرض ومشات دخلات لبيتها وردخات الباب

ميمون تبع ليها العين حتى غبرات قدام عنيه وهو ارجع كلس بلاصتو وشاف فجيهان......كلسي ابنتي