البارت6
من قصة القسوة لا تنسى
بقلمي انا.... latifa el
كسيرة بيهم لعنوان لي عطات ليها كنزة اتلاقاو فيه
بقاو غادين وهما اسمعو شي كلاكصيونة ديال شي لوطو
دار طل الشيفور من الزاج وهو القاها كنزة
الشيقور مدام سارة راه هاديك مدام كنزة
سارة....اه وخا دير ليها اشرة تسبقنا وحنا نتبعوها
داكشي لي دار سبقاتهم كنزة وهما تبعوها حتى وصلو لصالون
هبطات سارة كولها منفخة كتشوف فالصالون وتمات داخلة وكنزة حداها
دخلو لداخل وهما اوقفو الخدمات لي تماك عرفوها شي شخصيا مهمة
جيهان لي كانت ياله خرجات من الحمام غسلات يديها من الماصك لي دارت لواحد الكليانة وهي تشوف ديك الجوقة دخلات عند هند للببرو ديالها
جيهان......سناء شكون هادوك
سناء.....مانعرف اختي بحالي بحالك
جيهان....اوا لعجب
مشات كتكمل لديك لمرة لي كانت كتقاد ليها
....في البيرو لداخل
هند كالسة كترحب فيهم
هند....مرحبا مرحبا لالة كنزة
كنزة....اوا يا حبيبة حنا جينا اليومة بعروستنا لصالونكم وبغينا هاديك البنت اه شنو سميتها اه اه تفكرت جيهان تقاد ليها وهي لي تكون مسؤولة عليها
هند....وفين هي لعروسة
كنزة....هاهي سارة
هند.....اه مشرفين
كنزة....المهم بغيناها تقاد ليها كولشي وبغيناها تمشي معانا هاد 3 ايام ديال العرس الى كان ممكن
سارة....لا غادي تمشي بززز والي وشكون اقاد ليا انا فعرسي
هند شافت فيها كطلع فيها وتهبط وهي تدوي فخاطرها.....الى سمعات ليك والله لامشات معاك هي معكسة ونتي زيدي عليها اوووف
هند ببتسامة صفرة.....المهم والثمن
سارة....نعطيك لي بغتي
هند عجبتها هاد الهمزة وهي تحمر فنفخ عليهم....المهم كي كتعرفو بالي هاد البنت لي ختاريتو راه من احسن لبنات لي كيخدمو عندي هنا ومدام نتوما بغيتوها تمشي معاكم هادشي راه كيكلف عليا خسائر انا المهم التمن خاصو اكون شوية زين
سارة....شحال بغتي
هند حطا يديها على فمها.....امممم مليون وتمشي معاكم 3 يام
سارة خشات يديها فصاكها جبدات منو شيك كتبات فيه مليون وحطاتو ليها على الطابلة....هاهو وفين هي دبا
هند.....والمهم انا نهدر معاها هو لول عاد نجيبها ليكم
سارة رجعات كلسات...اوك
ناضت هند خرجات عند جيهان كتقلب عليها حتى شافتها كتقاد لواحد لمرة وقفات عليها
هند.....جيهان اجي
جسهان طلعات فيها عنسها....راه مشغولة دبا كنقاد لمرة منخليهاش فنص
هند ....وغير اجي
جيهان.....ستناي اهند راه قربت
مشات وقفات حداها هند كتستناها وجيهان كتقاد لديك لمرة حتى سلات ليها
لمرة.....شكرا
جيهان....مرحبا امدام
دارت عند هند.....اش بغتي
هند....احي العفريتة عندنا واحد الهمزة سانك سانك
جيهان صغرات فيها عنيها حست عارفاها كتموت على لفلوس ومالي كادير ليها هاد الشدة كتعرفها تصيفتها لشي بلاصة
جيهان....اش كاين
هند....ناري اختي سعداتك انا بعدة معجبة بيك بزاف
جيهان....وصافي اهند دوي
هند.....غادي تمشي مع واحد البنت عرفتي والله الى خانزة فلوس غادي دير العرس وغادي تمشي معاها تقاديها
جيهان......هند
هند....وصافي احبيبة انا عارفة بالي اخر مرا مشيتي عند دوك الناس وقع ليك مشكيل ولكن تيقي بيا هاد المرة مغادي اوقع والو عافك وافق
جيهان....اوك وشحال نبقة تماك تاني
هند.....ثلات ايام
جيهان تنهدات.....اوووق اهند والله الى كتورطيني وكتمشي وخا اوك قولي ليها امتى وراضي عليا
هند جراتها من يديها...ياله ياله نتي تفاهمي معاهم نيت
دخلاتها للمكتب
جيهان دخلات وهي تشوف فسارة لقاتها كالسة
سارة كتشوف فيها كطلع وتهبط فيها.....واش هادي هي البنت لي قولتي ليا اكنزة
كنزة ناضت سلمات على جيهان....اه هادي هي
سارة طلعاتها مع داك لبس لي لابس جيهان ( فستان طويل جاها نص تحت الركبة وصمطة على خصرها وفولار مقاد بطاريقة زوينة ومكياج خفيف)اممممم اوك
جيهان طلعات فيها عنيها......واش نتي هي لعروسة
سارة ناضت....اه واش معجبتكش
جيهان خنزرات فهند لي فهماتها وهي تغمز ليها
هند كتهدر غير بينها وبين جيهان.....لميمة مترضيش عليها سكتي عافك
جيهان خنزرات فيها بمعنة الى بقات هكا نهرس ليها كولشي فوق راسها ونمشي فحالي
سارة....اوا ياله قادو ليا دوش وديرو ليا داكشي زين وحيدو ليا زغب بغيت حبيبي اتبهر فيا
خرجات وتبعوها لاخرين دخلوها لفين اديرو ليها لاسيغ هاد لبلاصة مخصوصة بلعريسات
YOU ARE READING
القسوة لا تنسى
Mystery / Thrillerستخبرك الأيام وسيثبت لك الزمان كم كان قلبى وفيآ لك وكم خسرت بعدى بإتقان خسرت قلب إنسانة احبتك واختارت حبك بدلآ من النسيآن اختارت الألم والندم والحرمان لن تأتى إمرأة بعدى تحبك بهذا إلإدمان ستندم على عشرتى وستتألم حيث لاينفع الندم ولا الاحزان وس...
