غلطة عمري

البارت 27

البارت 27
#غلطة_عمري
كرار
صدمة عمري همسه وي علي ويم قبر امير
زين همسه وعلي شنو علاقتهم وشلون همه وحدهم سويه بالنجف وشنو نوع العلاقه الي بينهم لدرجه يكلها يله عيني تاخرنه معقوله علي وهمسه متزوجين وهي طلبت منه ميعزمني اييي اكيد ماكو غيرها علي متزوج همسه بدي اصرخ بوجهه واكلها ليششش هيج سويتي بيه شلون نطاج كلبج تتزوجين بعدي واني لحد هــًـًســًه ممتزوج وعايش بذكراج ولنوب منو علي اخو امير يعني مكفيناج اني وامير لنوب علي اخو امير ويصير صديقي هم

همسه/علي مشه ومشيت وراه كرار شكد متغير لحيته صاير بيها شيب متناثر ياااربي شراح يفكر هسه من شافني اني وعلي امشي والتفت عليه واكف وصافن عليه اتمنه اروح اركض واحضنه واكوله ماعندي شي وي علي مجرد زميل ويايه احس جسمي كله يرجف
علي/همسه شفتي هذا الولد الي هــًـًســًه يم قبر امير
همسه/شبيه
علي/هذا شايل وفه مستحيل صديق مثله وفي لصديقه
يصير صديق امير من الطفوله اسمه كرار شي اكيد امير جايبلج طاريه
همسه/اي هواي جان يسولفلي عليه وعلى علاقتهم
علي/كرار ذهب لو شايفته شسوه على جنازه امير بقه حاضن التابوت الطريق كله وهو الي غسله هو امير وكع بحضنه من اتصوب وابد ماعاف امير كل فتره يجي يزوره ويجينه للبيت هم
همسه/خطيه ربي يصبره هو متزوج لولا
علي/لابعده ممتزوج
همسه/حسيت مي بارد نزل على كلبي بس لازم اوضحله العلاقه الي بيني وبين علي هسه صار لازم احصل رقمه تذكرت من علي كله نتخابر يـعـنـي رقمه بتليفون علي بقيت افكر بيا طويقه احصل رقمه وصلنه للسياره اكو بعد كم واحد مجاي كولت
علي ممكن تنطيني تليفونك اخــٌابر  على البيت لان تليفوني مابي رصيد
علي/ايي تدللين طلع تليفونه فتح الرمز وانطاه اليه اخذته ومشيت على صفحه طبيت على الارقام كتبت بالبحث اسم كرار هواي طلعولي باسم كرار اكثر من 10 اسامي بس قريت كرار كربلاء رفعته هو هذا اخذت الرقم سيفته بتليفوني ورجعت التليفون العلي كوتله شكراً دااريد اتصل وهمه انصلو عليه
رجعنه لبغداد والطريق كله افكر بكرار ابد مراح من بالي وصلت للبيت
طبيت تلكوني اخواني جنت جايبتلهم ويايه حلويات وملاعيب نطيتهم وصعدت لغرفتي بدلت ملابسي وتمددت على الجربايه طلعت الرقم ودست اتصال واحس كلبي وجسمي يرجفن

كرار/كعدت يم قبر امير بقيت اسولف وياه خويه مرتي واخوك شيسون سويه ولك امير راح اتخبل علي وهمسه شجمعهم سويه اخوك تزوج مرتي مو امير ماادري شاكلك تزوج مرتي ماادري ٱڱڵـك تزوج حبيبتك
بقت لافكار تاكل براسي احس روحي امشي بلا وعي
رحت الامي كعدت يم قبرها
اجيتج يمه اجيتج يالحبيبه بقيت اسولف لامي واشكيلها همومي لحد ماتعبت رجعت. للبيت اول ماطبيت للهول لكيت رقيه بنت حيدر هستوها تمشي رادت تمد ايدها على الصوبه جانت شته ومشغلين صوبه بالهول بدايه2018
راساً صحت ديري بالج ركضت شلتها وحضنتها ياعمو جان راحت ايدج هسه بقيت ابوس بيدها هالطفله احبها حيل مولان بنت ساره بــَس لان بنت حيدر وحيدر اقرب واحد اليه من اخواني كعدتها بحضني العب وياها واحتي ساره تباوع علينه انطيتها بتها كلتلها انتبهي لبنتج جان راح ايدها بالصوبه اخذتها مني كالت يمه اسم الله بنيتي عفتها وصعدت للغرفه تمددت على جربايتي وعيوني بالسكف صافن گـِْـِْلِْ فكري بهمسه وعلي وشلون نجمعو وشنو العلاقه الي بينهم ورا شويه دك تليفوني باوعت رقم غريب جابوته
كرار/الووو
همسه/ماكدرت احجي مجرد سمعت صوته نزلت دموعي
كرار/الووو تفضلو منو وياي
همسه/ماي عيونك وياك
كرار/فزيت من مكاني صحت همسه هاي انتي
همسه/حجيت واني ابجي بحركه اييي اني همسه كرار اني همسه
كرار/همسه ليش تبجين شبيج صاير وياج شي احد ماذيج احجي
احس كلبي يريد يطلع من صدري واني اسمع صوتها
همسه/لامابيه شي والله انت شلونك طمني عنك
كرار/شلوني يعني شتتوقعين شلوني مثلاً
جريت نفس همسه شلون انجمعتو انتي وعلي احجي ولج من شفتكم ولحد الان عقل مابقه براسي والله ولج راح اتخبل همسه انتي وعلي تزوجتو مْْـو
همسه/لاااا كرار لاوالله هو اني بقه بالي يمك كولت راح يفتهم الموضوع غلط اسمعني علي طلع بالصدفه ويايه بالخط مالتي وعرف اني جنت حبيبت امير وبس والله علي مثل آخـۅيھ واليوم جنه جاين زياره ابو الخط جابنه وبعد ويانه طلاب وطالبات وحته وياهن امهاتهن واخواتهن مو وحدنه والله بس هو من اجه القبر امير كليث تعالي زوري عبالك اول مره ازور قبره. لامير
كرار/بقيت افرك براسي همسه يعني انتي وعلي مابينكم شي
همسه/لاوالله وغلاتك مابينه شي ابد لاوياه ولاويه غيره
كرار/زين ياخط هذا مال شنو
همسه/مال جامعه صرت بالجماعه سنه اوله
كرار/قانون مو
همسه/اي قانون
كرار/فرحتلج وصلتي الطموحج عفيه عليج كدرتي تحققين شي بغيابي اله اني حالتي بغيابج من سيئ الاسواء
همسه/كرار فدووه لتحجي هـًُّـيًُْـچ متعرف شصار بيه مل هالفتره تكأبت بابا بيوم الي طلكتني اخذ تليفوني ومنعني حته من الطلعه اخر شي كدرت اسوي دزيتلك مسج بـٍْْـٍْ؏ـٍْْد مااتصلت عليك الف مره ومغلق اخذ تليفوني مني ولحد ماطبيت للجامعه ياله سمحلي اشيل تليفون
كرار فروحه شلونها
كرار/فروحه شكد استفكدتج شكد تسالني عليج بقت هــًـًســًه صارت صف ثاني متوسط
همسه/يعمررري وساره شصار عدها
كرار/حيدر وساره صارت عدهم ابنيه رقيه عمرها فوك السنه
آْنَـتي شخبارج وشلونها الجامعه مالتج مرتاحه متونسه
همسه/الحمدالله زينه وانت معقوله بهالفتره كولها متزوجت
كرار/اريد اطلع قهر هالفتره كله اريد اضوكها نار كلبي
جاوبتها اي خطبت الحمدالله ومابقه شي واتزوج
ساره/حسيت انضربت على راسي لعد شلون علي كلي ممتزوج بس يجوز يقصد ممزوج مو ماخاطب
العبره خنكتني كوه طلع صوتي كلت الف مبروك تستاهل كلل خير
كرار/احسها مخنوكه كوه تحجي معقوله همسه تغار معقوله تحبني
كلت شكرا يوم الالج
همسه/شنووو يوم لالي
كرار/تتزوجين
همسه/اها ايي منو هاي خطيبتك كرايب غريبه
احجي وياه واحس نار مشتعله بكلبي كوه لازمه دمعتي
كرار/غريبه جوارينه بالفوع كعدو جديد شفتها وانعجبت بيها وخطبتها
همسه/شسمها وشكد عمرها
كرار/اسمها هديل وعمرها بكدج مواليد98
همسه/اهااا اي وشلون شكلها
كرار/حلووه كلش حلوه بيضه ونازكه وشكره وهادئه وناعمه جنها لعابه
همسه/حلوو وتحبها
كرار/شي اكيد غير مريتي هي واميره البنات
همسه/نزلت دمعتي لان هالكلام جان يكوله اليه مريتي واميره البنات وصار يكولهن لغيري ولنوب يحبها متحملت انفجرت بالبجي راساً سديت الخط
كرار/سمعتها بجت وانسد الخط فرحت حيل همسه تغار يعني تحبني څـــِوش لعبه لعبت عليها ايي همسه ابجي يامه ويامه بجيت عليج هاي مخدتي تشهد على دموعي
بس كلبي ماانطاني اعوفها رجعت اتصلت عليها
همسه/سديت الخط ودفنت راسي بالمخده وابجي كرار تخلى عني وراح خطب وحب وحده غيري واني حته بالنضره ماخنته دك تليفوني كرار
مسحت دموعي وحاولت ابين نفسي طبيعيه فتحت خط
همسه/الووو
كرار/وين رحتي
همسه/موجوده
كرار/اممممم اي هموسه ماسولفتيلي على حياتج على دراستج كليتج
همسه/كلشي ماشي تمام الحمدالله
كرار/ اكدر اشوفج
همسه/وين تشوفني مثلاً
كرار/بمكان اكدر اخذ راحتي بالحجي وياج
همسه/يعني وين
كرار/اذا دبرت مكان تجين ويايه
همسه/اعرف المكان شنو هو ووين ياله
كرار/شنو همسه صايره تخافين على روحج من كرار
همسه/طبعاً ابنيه شابه وي ولد شاب وخاطب ميصير يلتقون بأي مكان
كرار/ضحكت ولج هــًـًســًه شاب وشابه افتهمناها بس مال خاطب شعليها يعني اذا مو خاطب عادي كلشي متاح
همسه/يعني القصد ماريدك تخون خطيبتك وانت تحبها
كرار/لَيــِْش اخونها شبيج ترى كتلج بس اشوفج واحجي وياج ليش تفكيرج راح بعيد
همسه/غميت نفسي حسيت فشلت مااعرف شحجي
كتله ايي مو وحدنه والشيطان شاطر
كرار/هههههه ولج انتي يمي بغرفتي 5 اشهر وانام سويه بنفس الغرفه وكدام عيني وحلالي وماتقربتلج لنوب شتتوقعين اتقربلج بالحرام  
همسه/لعَـدْ والي سويته اخر مره شنوو
كرار/بس الي سويته بالحلال لان جنتي مرتي بعدني ممطلكج
همسه/وليش سويت هيج بوقتها
كرار/جريت نفس وذبيت حسره
جنت متأمل تصيرين حامل وترجعين اليه متشوفين حته ماخليتج تكومين راساً كلت هاي املي الاخير بس الله ما قسملنه
همسه/اهااا شلوون تفكير عندك
كرار/لو حبلانه بوقتها جان مورجعتيلي
همسه/وجان احتـمـاآل اكبر اسقطه للطفل
كرار/عقدت حواجبي وليش تسقطين طفلي
همسه/لان انت خاطب حته مااخرب حياتك
كرار/بس بوقتها ماجنت خاطب
همسه/هااا اي نسيت
وغميت روحي شبيه كل شويه افشل روحي
كرار/هموسه مااشتاقيتيلي
همسه/بقيت ساكته مااعرف شكوله اي مشتاقتلك ومتلهفه عليك وانصدمت بخطوبتك
كرار/هـْا هموسه يماي عيوني مااستاقيتيلي
همسه/من كال يماي عيوني متحملت طكيت بجي ايي كرار كلبي طك عليك والله اشتاقيتلك حيل اشتاقيتلك ومانسيتك ولا لحضه والله
كرار/يابعد عمرري ولج لاتبجين مو شلعتي الكلبي كاافي فدووه اسكتي
همسه/بيومها بقينه نحجي للصبح لحد ماطلع الصبح ثاني يوم جان عطله
بس خبر خطوبته بقت غصه بكلبي كل مااتذكر كرار خاطب كل ما اموت الف موته لهل درجه اغار عليه ومحاسه بروحي

كرار/من شفتها وي علي وبقه التفكير ياكل بيه ومن خابرتني وضحتلي كلشي ارتاحيت بس من اتخايلها تروح للجامعه وشباب وياهم هوايه اموت بغيرتي بس مااكدر احجي لان حته مو على ذمتي هي هــًـًســًه بس ردتلي عافيتي من سمعت صوتها شكد بقينه نحجي ونسولف واحس نفسي بعدني مشبعان من صوتها كلبي طك عليها
ارتاحيت راحه نفسيه من رجعتلي همسه
اول مره آنام مرتاح من بعد غيابها
ثاني يوم كعدت قررت مااطلع للمحل بقيت بالبيت والفرحه والراحه مبينات عليه الكل يسالني ها وخير انشالله شو فرحان مااجاوبهم. بس ابتسم لو اكلهن صكارتجن الشبر ونص رجعتلي اله ينجلطن من راحت همسه والبيت هدوء مابي عركات والله اشتاقيت العركاتها وياهن وللسانها ولحركاتها ولسوالفها
بس قررت ً أگـِْۈۈل الفروحه صحت فرح تعالي فوك انطيج ملابس تغسليهن اليه صعدت وصعدت وراي كلتلها
فروحه راح اگـلج على شي بس مااريد احد يعرف بي
فرح/كول والله مااحجي لاحد
كرار/لبارحه خابرتني همسه
فرح/عليك الله همسه همسه نفسها
كرار/ضحكت ايي هي همسه نفسها
فرح/وين هي هسه وليش راحت گـِْـِْلِْ هالفتره غابت
كرار/صارت كليه مرحله اولى قانون ومجان عدها تليفون ولاتعرف رقمي ولبارحه حصلت على رقمي وخابرتني
فرح/هم سالتك عليه
كرار/اي طبعاً سالتي
فرح/عليك الله كرار رجعها وخلي تجي تعيش ويانه مثل ماجانت ويانه والله اشتاقيتلها
كرار/انـ شـاء الـلّه حّْــبّْہيبتي بس السالفه ينرايدلها وقت شويه والله كريم

خابرتها
همسه/كعدت على صوت التليفون كرار جاوبته
الووو
كرار/صباح  الـعّـُـّـسل
همسه/ابتسمت صار كومه مسامعه هالكلمه كوتله صباح الورد
كرار/فدووه لهل صوت اليرد الروح
همسه/شو تتغزل بيه ترى انت خاطب شنو نسيت نفسك
كرار/ضحكت ياطلابه الماتخلص هموسه شوكت اكدر اشوفج
همسه/باجر الاحد ماعندي محاضرات مهمه وبابا بالدوام اكدر اطلع من الدوام يعني
كرار/ماشي لعد بس خلي اشوفلي مكان. لان مااريد اسوفج بمكان عام

سديت الخط وخابرت على ولد صديقي من بغداد كتله اريدك تدبرلي مكان امين لباجر اشوف ابنيه صديقتي بي ومااكدر اخذها لمكان عام خاف احد من اهلها يشوفنه
كال تدلل سهله اشوفلك مكان واخابرك
للعصر خابرني كال دبر المكان فندق مال ابن عمي بفلان منطقه تروحله وكله من طرفي بدون مستمسكات راح ينطيك غرفه
كرار/اني رايدها ٱڵـڝُـًبح للضهر يعني ساعات بس
كال حبيبي لوعسى مـا تبات اطمن مكان امين
تشكرت منه
خابرت همسه كلتلها باجر من الصبح جايج دبرت مكان
همسه/ووين هَََـٰـّذْٓا المكان
كرار/مكان امين معليج بالباقي شبيج قابل ماعندج ثقه بيه لج همسه ترى اني كرار

ثاني يوم
همسه/رحت للجامعه كولت لابو الخط اليوم مااطلع وياكم لان نص الدوام وراح تجي عليه بنت خالتي اروح وياها للبيت
انتضرت كرار ساعه 9 خابرني كال اني اباب الجامعه
طلعت لكيت سيارته واكفه صعدت يمه باوعت عليه هلوو كرار شلونك
كرار/صفنت بعيونها يااابويه شكد مشتاقلهن العسليات بــَس لبساها ماعجبني انغثيت حيل بــَس مابينتلها شغلت السياره ورحت على عنوان الفندق قريت اسمه كلت هو هذا
همسه/شنووو جايبني بفندق گـِْـِْلِْ عقلك
كرار/همسه ترى بس اشوفج مااسويلج شي
كوه ياله قبلت تنزل
وكفتها ع صفحه طبيت للاستعلامات كلتلهم اني من طرف فلان خابر الموضف على ابو الفندق كله خلي يدخل انطي غرفه بدون متاخذ منه مستمسكات هذا من طرفي
كال تفضل انطاني مفتاح صحت همسه وطبينه صعدنه للغرفه فتحتها وطبينه صرنه اني وهمسه وحدنه بـٍعد غياب راح يصير قرابة السنتين
................
الكاتبه ام زيزو