البارت 17
#غلطة_عمري
كرار
كومي عيوني غسلي وصلي وربي يبرد كلبج وكلبي انشالله
كلت/همسه بخصوص الي شفتي البارحه والله هي الي تقربت عليه
بعدني ممكمل كلامي وراساً كامت من الجربايه وهي تحجي وياي
همسه/كررررررار الي صار شي ميخصني هاي حياتك الخاصه وانت ممجبور تبررلي اصلاً ولاابالي هاي الشغله اساساً اني هسه الشي الوحيد الي ابالي اريدك تاخذني للنجف ازور امير وبس كلبي طك عليه
كرار/حجت وياي بعصبيه عرفت اني ولا شي عدها وولامهتمه توقعتها ممكن تغار بس طلعت غلطان كلت بكلبي اصحى كرار همسه مو زوجتك الحقيقه ولا ممكن بيوم راح تنسى امير وتكون زوجه الك اصحى ولتحلم على الفاضي بقت تفتر بالغرفه ولازمه راسها لابسه تراكسود اسود برموده وضاب على جسمها بقيت صافن على تقسيم جسمها وبياضها وبلحضه بقيت اقارن بينها وبين ساره فرق من السمه للكاع همسه جمال وعيون تجنن وشعر اشكر وبياض موطبيعي وجسمها يكطع اما ساره كلشي ماكو بس طول وضعف ممسوحه من الجهتين
كلت هموسه ورا السبعه اخذج للنجف اكعدي يم قبر حبيبج واشبعي بجي وسولفي الي بكلبج اهم شي ترتاحين ابقي يمه شكد ماتريدين لحد ماتحسين بروحج ارتاحيتي كليلي وارجعج
همسه/مااشي تسلم رحت اخذت كنوش بحضني ابوس بي
كرار/لهل درجه تحبين البزون تبوسين بي
همسه/هذا هديه امير شلون مااحبه
كرار/ يله ننزل نتريك
همسه/عفيه مالي نفس انزل جوه خليني هنا كاعده حته مااشتهي اكل
كرار/براحتج عفتها ونزلت لكيت اهلي بعدهم ممتريكين بس ملتمين كاعدين كلت صباح الخير وكعدت
جابو صينيه لريوك ابوي كال وين مريتك بويه ماتجي تتريك كتله بويه شويه مالها خلك راسها يوجعها
كال سلامتها بويه صعدلها ريوك لاتبقه البت جوعانه
كرار/سويت لفه وانطيتها الفرح كلتلها حبيبتي وديها الهمسه
همسه/كاعده افتر بالغرفه فتحت الشبابيك تتشمس ضايجه وروحي طالعه من عيني احس نفسي بالمكان الغلط اني مااكدر اعيش هنا تذكرت بيتنه وغرفتي اتصلت على اختي متحاوب زعلانه عليه حته بعرسي مخابرتني
اتصلت على لميعه كولتلها بابا شلونه كالت زين كولتلها ماجاب طاريي ما سأل عليه
كالت الله يهدي وي الايام هنا عرفت يعني حته ممكلف نفسه ويسال عليه سديت الخط دخلت فروحه بيدها لفه كالت هاي كرار دزها كال خلي تتريك اخذتها منها طلعت حليب بقيت اكل كالت راح اتريك واصعد يمج كولتلها هلا بيج حبيبتي
كملت ريوك اخذت ملابس دشداشه قصيره وطبيت للحمام سبحت وطلعت صار بوجهي حيدر هستوه كاعد من النوم دار وجهه ومشى بس كال صباح الخير خيتي وجان التليفون على اذنه يخابر كوتله صباح النور
تذكرت كلمه خيتي جان كرار شكد يكولها اليه شو من تزوجنه وبطل يكولها
طبيت للغرفه كعدت امشط شعري طب كرار
كرار/ها هموسه سبحتي حمام الهنى
همسه/ابتسمت بوجهه كوتله شكرا
كرار/اخذت المشط من ايدها كلتلها امشطلج
همسه/بكيفك
كرار/بقيت امشطلها شعرها ولابسه دشداشه طلع من وراه الوشم مال الفراشه مبين بقيت دايخ بيها احس روحي اريدها نسيت روحي ودخت بيها كلت هي حلالي دنكت ردت ابوسها من ركبتها تقربت بينه شعرايه وحسيتها فزت راساً كالت كررررار شدا تسوي انت
همسه/كراريمشطلي لنوب خله شعري صفح حسيت بي تقرب على ركبتي ونفسه صار قريب عليه صرت اسمع صوت نفسه عالي باذني حرارته على ركبتي عرفت راد يبوسني راساً كمت كوتله شدا تسوي
كرار/صحيت على نفسي قبضت ايدي حيل كلت شسووويت اني شبيه اول تالي اخلي عواطفي تتحكم بيه
بقيت ساكت وافرك بوجهي
همسه/كررررارلتنسى نفسك وياي رجاءاً احنه اصدقاء وبس لتتخطى حدود الصداقه وحته لو بين. عقد هالشي مؤقت اثننيه نعرف كولش زين انت بكلبك منو واني بكلبي منو وجاءاً لتتخطى هالحدود لبارحه تبوس بيها واليوم تريد تبوسني اليه اني مْْـو ساره افهم اني همسه لتشوفني مثل متشوفها
كرار/مسحت وجهي حيل بيدي صارت عيني للوشم الي بزندها وحرف امير دنكت راسي كلتلها همسه اني اسف اعذريني نسيت نفسي ونسيت اني منو وانتي منو طلعت من الغرفه رحت الحمام غسلت. وجهي بقيت اعض بيدي كلت شبيه شبيه ماكدرت اسيطر على روحي
طلعت صار حيدر بوجهي كال شبيك خويه شو مو على بعضك
كتله ماكو شي خويه مابيه شي نزلت جوه طلعت بالباب كاعد وافكر شلون. راح اخلصها والله تعبت اشوفها كدامي ومااكدر اتقربلها الى متى اووووف يا خويه ياامير شسويت بحالي
هــًـًســًه اني هم دم ولحم وهي كلشي بيها يجذب مشاعري تحركت اتجاهه شسوي صار كم يوم وماكدرت اقاومها
هــًـًســًه شراح تاخذ نضره عليه طبيت للبيت صعدت لكيتها متمدده على بطنها وتلعب بالتليفون رجلها كلهن. مبينات استغفرت ربي شلون بالشيطان الي يفتر فوك راسي
رحت فتحت الكنتور طلعت ملابس اليه
كلت راح اروح ازور تجين ويايه
همسه/لا مالي واهس اطلع
كرار/براحتج بدلت لبست قميص اسود وبنطرون اسود جاي اطلع صاحت ورايه خلي فرح تجي يمي
كلتلها ماشي
نزلت كلت الفروحه اصعدي يم همسه
ورحت زرت وبقيت اُدُعُيےّ تطلع مشاعر همسه مٰـ❧ـِّنِْٚ كلبي ومن بالي هاي حبيبت اخوي وصديقي وهي تحبه يااربي لتخليني بموقف اندم عليه خليها كدام عيني صديقه ميخالف ولااخسرها لان من اشوفها اتذكر امير
كملت زياره اخذت حلويات وياي ورجعت صعدت لكيتها نايمه خليتهن بالثلاجه
نزعت ملابسي وفرشت فراشي ونمت
همسه/كعدت. وقت غروب اليوم ابد مانزلت جوه كولت عيب من ابوه كمت شِفـٍـْْت كرار نايم كولت شوكت اجه رحت طلعت دشداشه بدلت ملابسي ونزلت باجر السبعه مالتي تصادف
كعدت بالهول والساحرات الثلاثه يفترن يمي
ماكو احد بس هنا والجهال وفرح
خليت رجل على رجل والعب بتليفوني
شيماء اجتي ماتكومين تخليت ايدج ويانه العيد على الابواب متشوفينه انضف وصايرين هوسه لو انتي معايشه بهذا البيت
بقيت العب بالتليفون ماشلت عيوني وحجيت بهدوء
سوري بعدني عروسه
شيماء/عشتووو ونقش الحنه على ايدج العروسه ثلاث ايام وتكون تشتغل
همسه/واني الله خالقني مو للشغل خالقني للدلال وللاناقه للاهتمام بنفسي اما شغل لبيت هذا مو اليه الامثالجن
سجى/وشنوو احنه خدامات عد حضرتج متساعدينه لو حضرتج اميره واحنه الجواري
همسه/ابتسمت اييي عفيه هاي انتي كولتيها بالسانج اميره اني اميره واذا انتم تشوفون نفسكم جواري هالشي راجع الكم
ايه/انتي هيي اشايفه نفسج عود جايه من بغداد ومحد بعينج شنوو
همسه/ضخكت وبغداد شعليها هسه
بقن يدردمن. واني ولايمي هادئه وكاعده
شيماء/عوفنها هي هاي مو مال شغل وسخه
همسه/يااا حبيبي كلمن يشوف الناس بعين طبعه
بكلبي دروحي مشطي شعرج اول مره عطوبج مثل عطوب اختج
كرار/نزلت جوه ع الدرج وسمعت صوتهن كلت بكلبي الله اليستر
نزلت لكيت همسه بالهول وهذنيج بالمطبخ كلمن لازم شغله. ويشتغلن
كعدت يمها كلتلها هااا عمزتلها شنو اخر المصايب
همسه/ماكو شي لتهتم سوالف نسوان.
كرار/الله اليستر شواشوفج هنا كاعده رجل على رجل وهنا بالمطبخ يعين منو هزم منو هالمره
همسه/ابتسمت مبينه السالفه منو الي انتصر الي متربع على العرش
كرار/امممممم مْْـو هي واضحه السالفه
اگـلج باجر السبعه راح يجون كرايبنه ترى عماتي وخالاتي ونسوان خالي وكلهم كالو نجي بالسبعه
همسه/اي هلابيهم
كرار/ادري هلابيهم غير تحضرين روحج چا هي سبعتي لو سبعتج تريدين اخذج باجر للصالون
همسه/لا ميخااج اني اعادل 100 صالون اني ارتب نفسي ويا مكثر الفساتين الي عندي
كرار/هااا خوش لعد
YOU ARE READING
غلطة عمري
Romanceتدور احداث القصه بين شابين اصدقاء منذ الطفوله ويشاء القدر. ويفرق بين الاصدقاء وحبيبة احد الشابين تصبح. زوجه لاقرب صديق لحبيبها
