غلطة عمري

البارت 15

#غلطة_عمري
كرار
تمددت بالكاع نمت
كعدت وقت الغروب كمت باوعت على الجربايه همسه نايمه وكنوش يمها فارش روحه ونايم على الجربايه
كلت خرب حضك ياكرار مشمور بالكاع وكنوش مرتاح على الجربايه بعدني حته ممجرب النومه عليها يله الحمدالله والشكر على كل حال حته البزون مرتاح اكثر مني طلعت للحمام غسلت ورجعت لكيتها هستوها كاعده تفرك بوجهه
كرار/صح النوم يماي عيوني انشالله ارتاحيتي بالنومه
همسه/تسلم اي الحمدالله ارتاحيت
كرار/هااا وكنوش انشالله ارتاح خطيه نايم يمج يمكن مايكدر يفاركج
همسه/اخذت كنوش بحضني امسدله ايي طبعاً مينام اله يمي
كرار/هااا هو اني هم جبت الجربايه ام نفرين حته كنوش ياخذ راحته
بكلبي كلت ابويه دفع 15 ورقه علمود يجيبلي هاي الغرفه هسه لو يدري بابنه نايم بالكاع وكنوش على الجربايه اله يذبحني على القبله يطلع فلوس الغرفه من خشمي  شلت الفراش رجعته بمكانه والمخده بمكانها كلت راح اصلي وننزل جوه
رحت توضيت طبيت اصلي فرشت مصلايتي وصليت كملت كلت الهمسه شو مااشوفج تصلين كطعتيها مو
همسه/هو اني بلشت بيها حته اكطعها
كرار/لَيــِْش هموسه مو اتفقنه اتصلين يله شو كدامي روحي توضي وتعالي
همسه/بكلبي كبررر الطمني شكد عـيـب شتسوالي هــًـًســًه
كتله انـ شـاء الـلّه
رحت للحمام توضيت ورجعت لبست زار الصلاه
وكفت على المصلايه الي جان يصلي بيها سحب التربه يعرف بيه اني سنيه بس والله لو عايفها عادي اصلي مااهتم لهاي السالفه ابد
هو كاعد يمي يباوع عليه كملت صلاه
كرار/شحلاتج وانتي تصلين وعلي حلووه استمري لا تكطعيها
همسه/رفعت حاجبي يعني بس من اصلي حلوه
كرار/لا يمعوده بكل حالاتج حلوه يله ننزل هسه الكل ماخذه غيبتنه عبالهم مدري شجاي نسوي
همسه/بكلبي خلي يفكرون مثل ميحبون
كوتله انزل ابدل وانزل وراك
نزل كرار طلعت دشداشه كلوش  ومخصره. من فوك خليت مكياج تووب ولبست شحاطه كعب وعفت شعري مفتوح ورشيت العطر ونزلت
كرار/اول مانزلت صارت بوجهي ساره جمدت بمكاني بلعت ريكي تخربطت احوالي من شفتها بقيت صافن بوجهه اشرتلها تعالي للترك
رحت وكفت شفتها اجتي كلبي ماردني مرد عليها
دنكت راسي كلتلها شلونج
ساره/زينه وكلش زينه الف مبرووك الزواج مبين عليك العرس وجهك مورد ومرتاح
كرار/جريت نفس ساره كلها شهرين بالزايد واخذج والله
ساره/شنو تاخذني الثانيه كل عقلك اني تزوج قبلي وبعدين تذكر تزوجني الثانيه اني اصير وي ضره لو أّمُِوت انت ورقه واحتركت مٰن حياتي اصلاً نسيتك ولا بعد احبك وعن قريب تسمع الاخبار الحلوه
كرار/متاكده بعد متحبيني
ساره/والله كرهتك وولا احبك وولا مهتمه لزواجك اصلاً اجيت حته اباركلك واشوف مرتك اتعرف عليها بالعافيه عليها اخذت فضلاتي
كرار/صارت عيوني بكصتي لزمتها من زندها حيل ولويت ايدها لجج منو فضلاتج اني فضلاتج حيوانه مو ادفنج هنا هواي تماديتي وكلت عاذرها لهنا وبس اني صوجي الي واكف احًـجي وياج
ساره/دوخر صاير رجال بس عليه
كرار/دا اطلع وسمعت حجيها درت وجهي جبتها براشدي اله فريت راسها بت القندره مو اشك حلكج بالنص منو الصاير رجال بــَس عليج مو عيديها واشوفج الرجال شيسوي اله اكسرلج ايدج ورجلج شكد جنت مقهور عليج بس هــًـًســًه الف الحمدالله من الله كشفج على حقيقتج لسانج الفالت هو اني تريدين الصدك من وفاة امير ضجت منج تذكرين دعاويج عليه لو نسيتي
ساره/ديله لو مهتم لامير صدك جان انتضرت ع لاقل للسنه مالته ياله تزوج مو مات منا صاحبت منا بفاتحته وانت تبصبص على النسوان رحت صاحبت راساً
كرار/جريت نفس وطلعت كلت اذا ابقه حجايه ثانيه يمكن اكتلها حلال
طلعت للهول لكيت همسه هستوها دا تنزل من الدرج وصوت الكعب مالتها وكفت يم الدرج ورافع راسي عليها فاتت ساره من يمي وهي رافعه راسها تباوع على همسه
تذكرت حجيها حيل غثني تعمدت اغثها كلت الهمسه هلا بأميرة البنات هلا بالجمال والنزاكه كلها هي ابتسمت بوجهي لان متفقين آٌنـي وياها خارج الغرفه نتصرف طبيعي كأي اثنين متزوجين ويحبون بعضهم