غلطة عمري

البارت 23

#غلطة_عمري
همسه
كعدت على صوت المنبه كعدت لكيت نفسي نايمه بحضن كرار
كعدته كرار كوري كوري يله اكعد
كرار/اممممممم بعدني نعسان وسحبتها لحضني خلينه بعد شويه انام
همسه/سحبني لحضنه كلت بكلبي شو كمت تتماده ولك كوري
دفرته على بطنه راساً عاط ااااااخ ولج
كتله يله كوم
كرار/ايي كمت شلون بيج والله سكطتيني لبارحه عضيتيني لهسه يوجعني مكان العضه وليوم دفرتيني ادري شمتزوج اني هم سنفور وهم بي بله
همسه/اني سنفور مو
كرار/هههههههههه لا يابووو اني والله اني بس اسكتي
كمت سبحت وصليت وبدلت طلعنه اني وهمسه وكنوش
توجهنه البغداد الطريق كله قلقان وخايف خاف ابوها ياخذها مني لنوب اني حته محكمه معاقد عليها ماعندي شي قوي امنعه بي اما همسه عكسي كلش فرحانه ومبتسمه صارلها 5 اشهر يمي تعلمت عليها حيل تعلقت بيها لدرجه مو طبيعيه حبيتها بجنون
وصلنه لبيتهم نزلنه دا اريد ادك لباب وهمسه دفرت لباب وطبت تصيح يااهل البيت اني اجيت اجوي اخوانها الصغار اثنين يركضون عليها نزلت حضنتهم وتبوس بيهم
طلعو ابوها ومرت ابوها
همسه/بـٍْْـٍْ؏ـٍْْد ما تلكوني عمر وطه ابوس بيهم مشتاقتلهم. كوومه شِفـٍـْْــٰٰتْ بابا طلع وكفت كدامه صار كومه مشايفته مشتاقتله دمعت عيوني راساً حضني ويبوس بيه
همسه/بابا حبيبي مشتاقتلك والله
بابا/عيوني بنيتي ابويه انتي نور البيت والله
رحت سلمت على لميعه همست باذنها لموووع مشتاقتلج بشري خوما هم حامل
ضلت تضحك كفختني على راسي ولش البرشه والله البيت وحشه. بدونج لا موحامل قفلت بعد
بابا/استقبل كرار سلم عليه كله تفضل
طبينه كلنه للصاله
كاعده يم بابا حاضني كال بنتي طمنيني عليج على وضعج ليش ماكملتي دراستج سالت بالمدرسه مالتج عبالي مسويه نقل كالو اوراقها موجوده
بنتي مو تدرين اهم شي دراستج
همسه/بقيت ساكته مااعرف شاكوله
طوبت جنطتي صعدت الغرفتي بدلت وخليت كنوش بالغرفه افتر بغرفتي مشتاقتلها ياااااربي
صار وقت الغده تغدينه سويه كرار كلي رايح لبيت اهل امير اشوفهم فد ساعتين واطلع للبيت بابا كله وين رايح كله بيت صديقي امرلهم
كله وتعال ارجع هنا بات يمنه
كرار/باوعت على همسه وابتسمت كتله انشالله عمي
همسه/وصلته للباب كوتله شو كيفت من بابا كال بات يمنه
كرار/ولج صار شكد مشايفج غير طاك كلبي عليج

همسه/راح كرار وصعدت لغرفتي نضفتها وخليت فرشه جديده اووووف شكد مشتاقتلها
دك تليفوني كرار جاوبته كال اني بالباب نزلت فتحت اله الباب تعشينه سويه بليل لميعه كالت افرشلكم بالصاله. لو وين تنامون بغرفتج فوك
همسه/لا بغرفتي آنام
صعدت للغرفه وكرار ويايه
طبينه وسديت الباب كوتله خلي اجيب فراش لان الجربايه نفر واحد
رحت جبت فراش ومخده وبطانيه فرشتهم بالكاع الكرار
كوتله اخذ راحتك.
نزع ملابسه بقه بالشورت والفانيله
تمددت بفراشي كولي الله يااا دفوو فراشي
كرار /رفعت حاجبي الي يسمعج يكول يوميه منيمج على الكاشي
همسه/ضحكت لاوالله بس احب جربايتي حييل
كرار/كمت من الفراش وكعدت يمها همسه شكد راح تبقين هنا
همسه/ماادري صار هواي مشايفه اهلي خليني اشبع منهم
كرار/ماشي اباوع عليها نايمه على الجربايه تذكرت لبارحه نايمه للصبح بحضني وراح تبقه هنا ماادري شكد خاف تتاخر ولنوب اشتاقلها بلازيد دنكت راسي عليها همست باذنها هموسه خليني انام يمج خاف تتاخرين واشتاقلج
همسه/هزيت راسي اي وتدنيت شويه
كرار/تمددت يمها صرت لزك وياها لان الجربايه صغيره. اخذت راسها على صدري وحضنها جسمها لزك بجسمي متغطين بالحاف اثنينه حسيت نار اشتعلت بيه مااتحمل بعد كلبتها ونمت فوكاها باوعت لعيونها همست وياها
همسه انطيني حقي الشرعي ولو لمره صار 5 اشهر متزوجين واتحسر عليج تعبت ارحميني يابنت الناس بعد مااتحمل انتي مرتي وحلالي
همسه/حسيت كرار جسمه نار صار وعيونه فد نوب ذبلت
هزيت راسي ايي
كرار/من هزت راسها حسيت مثل السجين ووكالوله افراج راساًخليت شفتي على شفتها ورحنه بغير عالم بقيت بقوتي ابوس شفتها عطشان اريد ارتوي اول مره ابوسها من حلكها اوووييلي على طعم شفتها فقدت عليها شمرت اللحاف لان حسيت جسمي نار صارنزعتها كل ملابسها ودخت ابياضها نمت فوكاها بستها من كل مكان وهي ذايبه بين ايدي هستوني ردت اخذها وسمعت الكلام الي كالته باذني وكانما واحد ضربني على راسي وكلي اصحى من احلامك

همسه/لمسات كرار وحركاته عينن نفس الي صار بينه آٌنـي وامير وبنفس المكان هم نفس الغرفه ونفس الجربايه مغمضه عيوني والي سواه ويايه نفسه بالضبط سواه امير بلحضتها جانت هذيج الليله بــَس ابالي لدرجه نسيت نفسي بيا زمان اني وويه منو رجع بيه الوقت لقبل 9 اشهر وامير ويايه واني بعدني باكر وهنا صار لازم امنعه مياخذ عذريتي صرخت باذنه اميرررر لاااا اميررر لااا وخر مني الشي الي لازم اكوله قبل9 اشهر ولساني انعكد هــًـًســًه كلته
كرار/فزيت على صوتها والصدمه الي انصدمتها ابد مو قليله نايم وي مرتي ومن اريد اخذها تصرخ باذني باسم حبيبها الي يصير صديقي راساً ابتعدت منها ولبست ملابسي
همسه/كرار كام من يمي واني فتحت عيوني ورجعت الوعي انتبهت هذا كرار مو امير عزززاااا شسويت اني خليت ايدي على وجهي وبقيت ابجي بقوه متغطيه بالحاف لان كولشي ملابسه كعدت وغطيت نفسي
كولت كرار اني اسفه والله اسفه شسويت والله مو بوعيي شفته كاعد بالكاع يدخن جكاره وعيونه بالكاع ابد مارفعها عليه ولا حجه وياي سحبت ثوبي لبسته وحده ونزلت كعدت كدامه ابجي واحجي وياه
كرار اسفه والله مو متقصده بــَس هذيج الليله صارت ابالي لان بنفس المكان صارت وبوقتها ماكدرت امنع امير تخايلت الزمن رجع بيه واني عايشه هذيج الليله نفسها وردت امنعه لامير والله هَََـٰـّذْٓا قصدي مو قصدي تخايلتك امير كرار بس باوع عليه الله يخليك لتزعل مني بس ماادري شصار بيه ماادري والله
كرار/احس رجولتي انكسرت وخيبه امل موطبيعيه انكسرت حيل بقيت انتضر الفجر يطلع حته ارجع للبيت بقيت كاعد وهمسه يمي تحجي وياي بس بالي كله مو يمها مرتي بالفراش وتتخايلني حبيها ولنوب اقرب انسان اليه حته لو ميت بس غيرتي متسمحلي  لنوب تذكرت زواجنه اصلاًغلط واتفاق استر عليها وبس  وسترت عليها وخلاص
بقيت كاعد على اعصابي منتضر الفجر شوكت يطلع بــَس طلع خيط الفجر كمت بدلت ملابسي واخذت سويج السياره
همسه بعدها كاعده منايمه باوعـت عليها كلتلها سويلي طريق اطلع
همسه/كرار لتروح الله يخليك ممرتاحه ابقه بعد وقت اصلاً
كرار/همسه سويلي طريق ارجع
همسه/كمت وكفت كدامه وحضنته حيل خليت ايدي على خصره وحضنته كرار دير بالك على نفسك واني اسفه والله مو قصدي افكر بغيرك بالفراش بس هذيج الصدمه بعدها براسي ونفس الاحداث صارت بالضبط ومتندمه لان بوقتها مامنعته لان هاي صارت غلطة عمري الي راح تبقه طول عٍـمري ويايه
كرار/باوعـت لعيونها وكلت بكل اسف واني شنو ذنبي ادفع شبابي ورجولتي وصبري  ثمن لغلطة عمرج
عفتها وطلعت شغلت سيارتي وطلعت رجعت للبيت وصلت الكل نايم بعده طبيت الغرفتي حسيت الغرفه وحشه حيل بدون همسه حته الغرفه تخنكني بدونها من بـٍْْـٍْ؏ـٍْْد 5 اشهر راح آنام بالغرفه وحدي تمددت على الجربايه حضنت مخدتها واشم بعطرها تخايلت شكلها وجسمها كله صار كدام عيني حضنت المخده واشم بعطرها لحد ما غفيت
............
الكاتبه ام زيزو