غلطة عمري

البارت 25

البارت 25
#غلطة_عمري
همسه مااعرف ابابا يخابره بهالسرعه واصلا بعدني ماادري خابره
كاعده بالغرفه واجتي ذكريات كرار كلها ابالي طيبته حنيته تضحيته صبره عليه وفائه اليه تذكرت كلمه ماي عيوني وكلمه اميره البنات ومن يتغزل بيه ويصبرني على مشاكل نسوان اخوانه من يكولي يغارن منج واتذكرت كلمه مريتي وكلمه الشبر ونص هنا ابتسمت من يكولي ولج هالكدوتج شبر ونص وبيج گـِْـِْلِْ البله وتذكرت من يكولي الغرفه وحشه بدونج ومن كلي احبج معقوله لهل درجه كرار حبني واني محاسه بي واني عبالي جان يشوفني صديقه اله وبس جنت اكول مستحيل يحبني وهو يدري بيني وبين امير صديقه علاقه حب التفكير اخذني وماحسيت اله دموعي صبن كولت اريده الكرار احس نفسي اني هم حبيته شجابني اني هنا لَيــِْش اٍُِجٌِــيٍّتٍُْ اعرف ابابا عنده نوع من الطائفيه مثل هبه بالضبط واكيد مراح يسمحلي ابقه متزوجه من شخص من غير طائفه. ولنوب يداوم بالحشد اني شكد غبيه مافكرت بهالشي بابا من شوكت داير بال المستقبلي والدراستي شمعنه هسه فكر بيها وساندني وصار يفكر بمستقبلي  لزمت التليفون وتصلت على كرار مره مرتين لحد 10 مرات وميجاوب لنوب غلقه اتصلت رقم امير مسحته من جهازي جان اتصلت عليه بقيت ابجي للصبح حسيت اخذت قرار غلط وضلمته الكرار مهما يكون هذا ساعدني ووكف وياي ويستاهل اضحي اله  كرار يستاهل ماي العيون

كرار/حته الغرفه احسها تخنكني نزلت للمضيف لكيت ابوي ويمه جماعه سلمت وطبيت كعدت انتضرت الجماعه طلعو بقينه اني وابوي كعدت يمه كتله بويه اني باجر اطلك مرتي
ابوي بقه متفاجئ لَيــِْش بويه تطلكها شبيها البت شصاير
كرار/مابيها شي بس متوالمنه
ابوي/شلون يعني  ممتوالمين وانتم واحد يحب الثاني وعين الله عليكم شجتكم بويه وليش طلاك اسم الله
كرار/جريت نفس بويه لابنيه تريد تكمل كليه وتريد تعيش ابغداد وتريد تعيش مثل المجتمع مالتهم واني خليتها على راحتها باجر اروح لبيتهم اطلكها شرعاً
ابوي/جنك نفسك بمريتك تريد اني احًــجًِي وياها بالكت تتراجع 
كرار/لابويه حسمنه الموضوع بــَس فدووه مااريد احد من البيت هــًـًســًه يعرف حته اخواني بس كلت اكلك حته مااعوفك وراي
ابوي/الله كريم وليدي الله يسهل امرك
كرار/راح ابوي بقيت بالمضيف متمدد دك تليفوني همسه سويته صامت رجعت اتصلت هم صامت اخر شي غلقته ماريد اسمع صوتها اكيد راح تسمعني حجي يغث وبسرعه وتعال طلك باجر جايج ياهمسه باجر ينتهي كلشي
بقيت للصبح كاعد عيوني ماتاخذ نوم لحد ٱڵـڝُـًبح كمت بدلت وطلعت لبغداد
همسه/للصبح اتصل على كرار ومغلق  نزلت الصبح لكيت بابا يتريك كولت  بابا اني تراجعت عن قراري ماريد اتطلك مٰـن كرار
بابا/شنووو القرار اتخذتي وخلاص والولد اليوم يجي يطلك انسد الموضوع
همسه/شنووو يجي يطلك لَيــِْش خابرته شنوو
بابا/من لبارحه خابرته واليوم يجي ويطلك وكلمن يروح الطريقه عبالج اعوفج عدهم شكم ابنيه اني عندي حته اشمرج هيج شمره
همسه/بــَس بابا اني راضيه. بكرار وحته مستقبلي مو اهم منه مراح اتطلك
بابا/تزوجتي غصب عني وراح تتطلكين غصب عنج
بقيتي 5 اشهر وياه وجنت گـِْـِْلِْ ضني متتحملين العيشه وياهم وترجعيلي بــَس شفت ماوراج رجعه كلت ارجعج اني بطريقتي
همسه/يعني انت من دزيت عليه مجنت ناوي تشوفني وبس جنت ناوي تهجم بيتي مووو واني الغبيه كلت بابا اشتاقلي ويريد يشوفني ياريتك ممخابر ولاداز عليه ولا اني اجيت الك نسيت انت بعمرك مافكرت بيه ولاتحن عليه
عفته وصعدت حركت التليفون على كرار لك بس افتح تليفونك لتجي كرار مغلق
دزيت مسج
كرار دير بالك تجي بابا متقصد يجيبني لهنا حته يقرا براسي وصار وياي الاب الحنون الي يهتم المستقبلي والاحلامي وقنعني اتخذ قرار الطلاك كرار لتجي فدووه لتجي بس بابا يروح للدوام تعال اخذني ونعقد محكمه حته بعد ميكدر يمنعنه كرار اني اسـٍّفٍّــه على كولشي حجيته وكولته الك والله اكتشفت نفسي احبك مثل ماانت تحبني كوري يماي عيوني احبك والله حسيت بنفسي شكد احبك من ابتعدت عنك ياريتني مجايه لهنا وياريت بابا ممخابرك اتمنه تقرا رسالتي وتجاوبني
بقيت بالغرفه الوب طب بابا
كلي انطيني تليفونج سحبه من ايدي كال هذا قديم راح اجيبلج احدث تليفون نازل غلقه وخلاه بجيبه
همسه/بــَس تليفوني حديت مو قديم بابا انطيني تليفوني
دار وجهه وطلع قفل لباب
بقيت ابجي اني شسويت بنفسي اني ماعرف اتصرف دائماً العاطفه تاخذني وبعدين اتندم