غلطة عمري

البارت12

البارت 12
#غلطة_عمري
همسه
مشت السياره واني صافنه على الجامه بدايه الفجر والشوارع فارغه
كرار/من البارحه مانمتي
همسه/فزيت على صوته درت وجهي عليه
لا مانمت
كرار/اذا نعسانه نامي ارجعلج الكشن تريدين
همسه/بعد شويه مااكدر انام هسه
كرار/تمام
انشالله قبل لا التحق آٍجُـي اخذج نشتري الذهب والنيشان
همسه/بس اني كولشي مااريد لاذهب ولانيشان ولامخليه هالشي ابالي اصلاً
كرار/شنوالسالفه قابل ماخذج فصليه لا تتجهزين حالج حال اي عروسه

حته على نزلتي الثانيه اخذج كبل من بيتكم للفندق هنا ابغداد وثاني يوم نروح للبيت
همسه/جريت نفس كرار زواجنه بس كدام الناس عفيه مثل مااتفقنه مااريد اضلمك ويايه لان ادري بيك تحب ساره واني حب امير عايش ويايه لحد هسه احبه وعايشه بذكرياته ماايدك تنضلم فتره ونتطلك حته تاخذ الي تحبها
كرار/مثل ماتريدين بس كدام الناس اني اصلاً مالي نفس بيج لان صديقي نفسه بيج ومهما يكون انتي تبقين حبيبة امير ولو ما امير جان ماصار هذا الزواج من الاساس
بس اذا طلكتج وين تروحين ماشفتي ابوج يكلج حته زعلانه متجيني اشمرج بالشارع
همسه/ايي ماارجعله بعد اصلاً عندي راتبي واكدر اعيش وحدي وادرس
كرار/هــًـًســًه الله كريم
همسه/زين بالنسبه الدراستي شلون
كرار/عوفيها هسه الدراسه مؤقت خلي نفتهم وضعنه شنو
وهم مااكدر اخليج تدرسين لان المدرسه لاعداديه بعيده علينه واذا اني بالدوام منو يوديج ويجيبج فـ اصبرلي شويه وخلي ارتب وضعنه
همسه/ضجت حيل اهم شي دراستي بس اني مجبوره اقبل بلامر الواقع اذا عائلتي خسرتها حته اختي الوحيده خابرتني تعاركت وياي شلون كاسره كلمه بابا واني بعد لااختج ولااعرفج بقت على دراستي اصلاً احلامي وطموحاتي ومستقبلي وفرحتي كلهن اندفنن وي امير بقبره
كتله ماشي
فتحت الجنطه مالتي طلعت تيشيرت امير وبقيت حاضنته وصافنه على الطريق
اتخايله دا ينتضرني وراح اشوفه اتذكرت من اجه جابلي البزونه ومن يمشي ورايه يوصلني للمدرسه ومن اطلع هم ومن التقينه بالمول واعترفلي بحبه واخر ليله اجه بيها يمي الليله الي كلبت گـِْـِْلِْ حياتي ذكريات امير كلهن كدامي مثل الشريط سرحانه بذكرياته
كرار/شفتها حاضنه تيشيرت امير وصافنه رايحه. بغير عالم ردت اكسر صفنتها. حجيت وياها
همسه جوعانه اجيبلج شي تاكلينه
بس ولاكأنها تسمعني همسه همسه وياي انتي
همسه/فزيت ها كرار شكلت
كرار/وين جنتي سرحانه
همسه/سرحانه بعالمي الثاني بذكرياتي
شنو جنت تمول منتبهت اسفه
كرار/جوعانه اجيبلج شي تاكلينه
همسه/مالي نفس مااريد شي بس بعد شكد ونوصل
كرار/شويه مابقه شي
همسه/تمام نعست راح انام شويه بين مانوصل
رجعت راسي على الكشن وخليت تيشيرت امير على خشمي وغمضت. عيوني
كرار/باوعت عليها جوه عًـٍُُيُِِِِوـنُها زراك قوي ووجهه اصفر وذبلان حيل كلت الله يساعدها ويصبرها انشالله مامو حبيبه اهل درجه تحب حبيبها
وصلنه للمقبره طبكت السياره وكعدتها
همسه همسه وصلنه لامير يله اكعدي
شفتها فزت وراساً كالت هاا امير وينه وين امير
كلتلها وصلنه للمقبره يله عيوني انزلي
همسه/فركت وجهي بيدي والله عبالي يكولي هذا امير نسيت نفسي جايه لقبره للقبر بــَس مو اله شخصياً اشوفه خليت التيشيرت على الكشن ونزلت طبينه للمقبره. مال الشهداء امشي قبل كرار هو ورايه يمشي اباوع منا ومنا وصارت عيوني على صورته كأنما دا يباوع عليه ويبتسم وكعت مقابيل القبر
همسه/حبيبي امير اني اجيت جنت تنتضرني مو مشتاقلي صار هواي مجايتك دنكت حضنت القبر لان القبر ناصي مو عالي قريب على مستوى الكاع حضنته وابجي واحجي وياه واعبرله عن اشتياقي وكأنما كاعد كدامي واحجي وياه
كرار/شفتها دنكت على القبر وحضنته وجان اكو شباب كاعدين يم قبل مسافه عنه ورانه ماردت احد يشوفها وكفت بضهرها حته اغطيها ومحد يلمحها بقت تبجي وتحجي وياه وتتغزل بي وتعبر عن اشتياقها وحزنها بغيابه لحد ماشبعت بجي رفعت نفسها وكعدت يمه بقت تقره قران اني دنكت بست صورته
حبيبي خويي اني وفيت بوعدي ونفذت وصيتك هسه نام. ارتاح ووعد اخلي همسه بعيوني ومااخلي احد يضرها او يأذيها هاي امانتك يمي اطمن وارتاح ضلعي بقيت ابجي حبيبي اموري والله مشتاقلك والله محتاجك عندي هموم بحياتي ماحملتهن ومحتاج اسولفلك وتنصحني وتساعدني فراكك هد حيلي شوكت اجي يمك وارتاح واخلص ادعيلي التقي بيك حبيبي خويي
بقينه كاعدين يمه شِفـــٰٰتْ المقبره فرغت كلت الهمسه لتتخركين ابقي هنا بين مااروح اقره الفاتحه الجماعتي
كمت فريت جماعتي قبر قبر وقريتلهم الفاتحه. بكل جيه اجيها اتخايل نفسي يجي يومي واصير وياهم حالي من حالهم
ودعنه امير وطلعنه رحت القبر امي كلت الهمسه تعالي نزلي ويايه
نزلنه اني وهمسه قرينه الفاتحه وكعدت يم قبر امي اسولف وياها
يمه حبيبه مو جانت امنيتج تشوفيني عريس يمه ابشرج خطبت وهاي خطيبتي جبته وياي يمه جاي تشوفينه مو يمه اتمنه موجوده. بعرسي وتنحنيني بيدج وتلبسين قاط عرسي بيدج وتفرشيلي غرفتي بيدج يمه الطيبه الحنينه فدووه اروحلج ادعيلي الله يريح بالي ويزيح الهموم من كلبي شايل هموم الجبل ما يتحملها والله يمه ادعيلي غسلت قبرها وصعدنه بالسياره
كلت الهمسه انتي هم زايره الامام علي لو لا
همسه/لا بس الامام الكاظم زايرته اكثر من مره
كرار/هسه ازورج لعد
همسه/مااكدر ازور عادي ازور من بره بدون ماادخل
كرار/باوعت عليها عقدت حواجبي وليش متدخلين اذا علمود العبايه عًـًـًآدًيً بلباب يبيعون هذني مال الصلاة اخذلج واحد
همسه/مو علمود العبايه بس مااكدر عندي عذر ودنكت راسي
كرار/وصلت الفكره كلتلها هاا مْـإأڜْـي
طبكت السياره بالكراج ونزلنه كعدتها بمكان مقابيل الامام كلتلها لتتحركين ابقي بمكانج بس ازور واصلي واطلع مااتاخر
همسه/مْـإأڜْـي
طب كرار وبقيت كاعده اباوع على الناس هواي ناس كاعدين اباوع الجنايز گـِْـِْلِْ شويه مطوبين وحده بقيت صافنه ً أگـِْۈۈل اكيد هاي كل جنازه وراها قصه وراها احلام وراها ذكريات وراها اعزاز عافهم. بالدنيه تخايلت امير هم هيج جابو وزوروه شي اكيد
شِفـٍـْت كرار اجه كال ها خوما اتاخرت كتله لا اصلاً ماحسيت بالوقت جنت اباوع
كرار/كعدت يمها على شنو تباوعين
همسه/على الجنايز كومه وحده ورا الثانيه
كرار/ايي هي اخر مكان يجيبونه لهنا يزورونه وياخذونه لمؤاه. الاخير القبره
همسه/امير هم جبتو طوبتو زورتو مو
كرار/اي طبعاً زورناه بــَس اني لا طبيت وياه بالزياره ولا صليت عليه وياهم
همسه/ليش
كرار/لان جنت. مغسله بيدي ميصير بعد الزمن اله اسبح ياله حته ميصير اطب ازور بقيت هناك كاعد انتضرهن مقابيل الباب يطلعونه
همسه/صدووك يعني انت غسلته مو اكو شخص نعين يغسله
كرار/لا اني غسلته ماخليت احد يغسله بس الولد جفنه هو
همسه/زين ومكان الصواب شلون كدرت تغسله
كرار/اااااااه اسكتي بوقتها كلبي حسيته ميت. خلينه كطن بمكان الصواب
همسه/شكم طلقه جانن
كرار/ثلاث طلقات
همسه/وبقن بصدره لو طلعوهن بالمستشفى
كرار/لا طلعوهن وخيطو المكان
همسه/اكيد بوقتها تأذه حيل
كرار/الصواب بدايته حار يصير ميحس بي وهو راساً اغمى عليه وبالمستشفى مالحك يصحى راساً مات من ورا النزيف هواي نزف دم
همسه/ﭐﯗﯝﯝﯝﯝﯝﯝڦ😔 مجرد اتخايل الموقف كلبي يمردني يااا ربي
كرار/وامو شي ثاني هم شفته بالتغسيل
همسه/شنوو هو
كرار/ اثار خراميشج بضهره جان الاثر بعده موجود
همسه/دنكت راسي بدون مااحجي شي يبست بدمي صدوك بوقتها خرطت ضهره بأضافيري كال حته دم طلع من ضهري
كرار/شفتها استحت ودنكت. كلتلها محتاجه حمام قبل لانطلع اذا تريدين منا الحمامات
همسه/اي اريد اروح
كرار/يله كومي اوديج
وصلتها للحمامات كلتلها طبي انتضرج هنا