غلطة عمري

البارت 14

البارت 14
#غلطة_عمري
همسه
طبينه للبيت جهال كومه بالبيت كلت. بكلبي روضه لو بيت هذا او ماطبينه على اليمنه مثل الاستقبال كولش جبيره بالطول بــَس ماطبينه لباب مفتوح وبيها ناس كال كرار هذا مضيف ابوي وكراج طويل مشينه باب لمطبخ مفتوح مبين مطبخ وباب ثانيه طبينه منه الصاله
كعدنه بالصاله شِفـٍـْْــٰٰتْ بنات طبن شابات اجتي سلمن علينه بس حسيتهن من ورا خشمهن مااعرف يجوز طبعهن هيج المهم هنا ثلاثه 2 اجني سلمن بس اكلني بعيونهن كال كرار هاي سجى وايه نسوان اخواني ووحده بقت واكفه. بالباب وتباوعلي من فوك ليجوه حته مااجتي يمنه
كرار كال هذيج شيماء مرت اخوي الجبير
كلبي عصرني منهن شو ماكو رحمه بوجوهن ثلاثتهن يباوعن بحقد بكلبي كلت شمسويتلهن اعرفهن يعرفني حته هيج يباوعلي بقينه كاعدين طبت ابنيه صغيره وجهه بشوش تضحك جابت دولكة مي وكلاص قدمتلنه كرار تلكاها حضنها يبوس بيها كال وهاي الفرحه مالتنه هاي اختي الوحيده فروحه كلها باعي فروحه هاي همسه زوجتي اجتي باوستني كالت الف مبروك يمكن الابنيه الوحيده حسيتها فرحانه بيه ومبتسمه كولت الكرار فروحه شكد عمرها كال 11 سنه
بقت كاعده يمنه طب ابوه واخوانه 3 كال اخواني سلمو عليج بالعرس بس ماتعرفيهم بقه يهمس وياي كال هذاك حسين الجبير وهذاك عباس الاصغر منه وهذاك سجاد الاصغر منه وبعدهم اني وبعد اخوي حيدر الصغير هسه يمكن نايم بعدين اعرفج عليه
ابوه كلش فرحان بينه خطيه كال لكرار بويه اصعدو الغرفتكم واخذو راحتكم واخلي الولد يصعدولكم الغراض
كرار/انـ شـاء الـلّه يابه يله همسه كومي نصعد
همسه/وكفت يمه همست بــَس جيبلي كنوش خطيه بقه. بالسياره وحده يخاف
كرار/خلي اصعدج وانزل اجيبه
لزمتها من ايدها وطلعنه من الصاله شيماء صارت بوجهنه سمعتها كالت الله لا يهنيكم كسرتو كلب اختي بــَس اني سمعتها همسه ماسمعتها لان جانت واكفه من جهني صارت غصه بكلبي كلت بكلبي احنه عايزين هم وتدعين علينه ونفس الوقت حسيت بتأنيب الضمير وبالي يم ساره شصار بحالها كلت بعدين اخابرها من اي تليفون بس اطمن عليها لان هي حاضرتني حته على الرقم
طلعت مفتاح الغرفه من جيبي لان ماخذه وياي فتحت الغرفه كلت الهمسه هذا الحمام بصف الغرفه صاير بين غرفتي وغرفه حيدر وهذنيج غرفه سجاد وغرفه فرح والجهال
همسه/طبينه للغرفه مبينه غرفه عرسان. كولش حلوه ومرتبه بقيت اباوع عليها
كرار/هااا عجبتج هاي اختاريتها على ذوقي وذوق ابوي
همسه/عاش ذوقكم كولش حلہـِوه ومرتبه كعدت على الشازلوني كوتله يله. جيب كنوش
كرار/ماشي رايح اجيبه
نزلت طلعت من باب المطبخ شِفـٍـْت نسوان اخواني كلهن ملتمات كلت اسمعن ثلاثتجن ادري بيجن مسويات حزب ومتحادات على مرتي بــَس وروح امي وروحها الغاليـه اذا وحده منجن تمسها بحجايه احسبن الله ماخلقجن وانتن تعرفن بخبالاتي الابنيه هستوها طابه للبيت وحالها من حالجن مااسمح لوحده منجن تاذي مرتي لو تقلل من شأنها هنا كلهن يخافن مني ومن عصبيتي من زمان لان اني اكثر واحد بأخواني عصبي ومن اعصب افقد يخافن بقن ساكتات وبس يباوعن
وجهت الكلام الشيماء كلت ام علاوي بطلي دعاويج لان انتن دعاويجن بالمكان
تذكرت ساره اختها من تدعي على امير بالموت وصدك مات درت وجهي وطلعت فتحت السياره اخذت السله البيها البزون وسجاد اجه يمي كال خويه اساعدك بالغراض اصعدهن وياك
كتله اي والله خويه ايدك وياي بس اصعد هاي واجي اساعدك
اخذت البزون وصعدت للغرفه لكيتها على كعدتها نازعه الحجاب وفاتحه شعرها مدنكه راسها وايدها على راسها مخيلتها
كلت همسه هذا بزونتج
همسه/رفعت راسي اخذته وراساً طلعته من السله حضنته
كلت الكرار تسلم
كرار/فتحت السبلت واباوع البزون بقت تلعب منا ومنا كلت بكلبي شنوو هاي راح تبقه ويانه بالغرفه اني اصلي وروحي تكش من الحيوانات
بس شكلها هــًـًســًه خاف يظل ابالها
كلت راح اصعد غراضج حته تبدلين
نزلت اني وسحاد صعدناهن كلهن يخليهن اباب الغرفه اخر شي نزلت بقت جنطه وحده اريد اصعدها طبيت للمطبخ وجانن ايه وسجى واكفات يم الطباخ ضهرهن صاير عليه يسولفن سمعتهن وحده تكول للثانيه شفتيها شكد حلوه تخبل وجسمها يموت هم حقه اشايف بساره جنها مسطره حقه يتخبل عليها وبسرعه تزوجها
كرار/سمعت حجيهن كلت بكلبي اذا هنا نسوان اخواني ضربن خيال عليها ﯙيـن اضمها من العيون خلن عينهن عليه واني كلشي مامستفاد بــَس الحسد
طلعت للسياره من فتت من يمهن فزن اخذت الجنطه وصعدت طبيت لكيتها مبدله لابسه دشداشه ودا تخلي مكياج واكفه كلتلها خلي نتغده واصعدي رتبي على راحتج
همسه/ماشي
كرار مراح البس حجاب مموجود احد مو
لان شِفـٍـْــٰٰتْ البنات كلهن بلا حجاب
كرار/بكلبي اتمناها تلبس حجاب بياض ركبتها يجذب لنضر ومااريد احد تصير عيونه عليها بس مااحب اضغط عليها براحتها
كلت براحتج لتلبسي اذا يجون خطار عود لبسي دشداشتها مخصره على جسمها بلعت ريكي كلتلها