غلطة عمري

البارت 13

البارت 13
#غلطة_عمري
كرار
سديت الباب وراهم وطبيت آخـۅيھ قبل لا نصعد جابلنه عشه من مطعم كعدت يم همسه كاعده على الجربايه
كومي هموسه بدلي ملابسج حته نتعشه
همسه/مدنكه راسي ودموعي تصب جنت اخطط لهذا اليوم وي امير كومه شكد حلمنه بهذا اليوم والدنيه كلبت حياتي كلها وين جنت متوقعه اعيش هذا اليوم ووي منو وي اقرب صديق لامير
كرار/سمعتها تناشغ عرفتها دا تبجي وكفت كدامها  ورفعت البرنص من وجهه ونزعته من راسها رفعت راسها بيدي عًـٍُُيونها حمر
كرار/جريت حسره كلتلها شبيج يماي عيوني ليش تبجين
همسه/بقيت اباوع عليه بدون مااحجي بس ابجي
كرار/تذكرتي امير مو ادري جنتي منتضره هذا اليوم وي حبيبج امير
همسه/بجيت بصوت وكلت ليش اني ناسيته حته اتذكرته
حياتي كلها انكلبت تخطيطاتي واحلامي وطموحاتي ومستقبلي وحته اهلي بليله ويوم اتغير كولشي هم حبيبي راح وعافني للابد وهم اهلي تخلو عني احس روحي وحيده صرت
لزمت ايده مابقالي بهالدنيه بس انت هم راح يجي يوم وتتخلى عني
كرار/ اطلع مو زلمه اذا تخليت عنج انتي مو وحيده اني يمج وسندج وبضهرج نسيتي احنه تعاهدنه عهد الاصدقاء والاصدقاء الاوفياء ميفرقهم بس الموت
همسه/بس انت شنو ذنبك حبيبتك شنو ذنبها خطيه الله يعلم هسه شلون حالها والله مااتمنيت  اخرب حياة احد  واتمنه تصير من قسمتك لذالك مراح نطول سويه بــَس حته بو تطلكنه نبقه اصدقاء ونبقه على العهد
كرار/الله كريم خليها للوكت
هسه كااافي فدووه اروحلج كافي يماي عيوني كومي غسلي وبدلي وتعالي تعشي
همسه/ماشي كمت فتحت الجنطه وصيت لميعه ترتبها اليه لكيت مخليه سيت ابيض وملابس ارجع بيهن ومكياج وحذاء وجنطه اني وصيتها تخليلي تراك بس شو ماكو ياااربي شراح البس خرررب بيج لميعه هاي دكه تسويها بيه اني الغبيه شّــْْكو اعتمد عليها يرررربي هسه شسوي البس هذا  كدام كرار عزززا لو اموات ابقه ابدلتي أحـسًٓـن
كعدت على الجربايه
كرار/شنو مراح تبدلين
همسه/ماعندي ملابس
كرار/شلون يعني
همسه/لميعه ممخليتلي شي البس تراكسود دشداشه بــَس هذا الي مشلح
كرار/باوعت على. الجنطه شِفـٍـْْــٰٰتْ السيت الابيض الي اختاريته اني
كلتلها البسي وابسي فوكاه روبه مو وياه روب
همسه/وهذا هم محسوب روب كوله شفاف وين يستر
اخر شي قررت البسه والبس فوكاه البرنص اخذته وطبيت للحمام نزعت البرنص علكته وفتحت الطرحه بثت البدله قياطين مضبوبه حيل حاولت كومه حته بس افتحها ماسيطرت فتحت لباب وصحت كرار تكدر تجي تساعدني
كرار/نزعت سترتي ورباطي بقيت. بالبنطرون والقميص اني هم نسيت اجيب ملابس وياي انسطرت شلون راحت من بالي ياربي
سمعت همسه صاحتني كلتلها ها شفتها بس بالبدله ومخليه ايدها على صدرها مغطيته كالت بس البدله مدت اسيطر عليها افتحها اليه
اندارت انطتني ضهرها صار بوجهي وشم فراشه مكانه كلش يجذب بين. ركبتها وكتفها وهي بشرتها بيضه حيل والوشم اسود يجذب النضر بقيت اباوع عليه وعلى بياضها
كالت القيطان من جوه معكود افتحه
صحيت على صوتها كلتلها اي مديت فتحت القيطات ورخيته وصله جواه انفتحت وبيت ضهرها كله احس نفسي دخت بقيت انعل الشيطان بداخلي وصوره امير ابالي وبعيوني مخليها كالت تسلم اشكرك اندارت وصارت عيوني على زندها شِفـٍـْْــٰٰتْ الوشم الي بالصورن بتليفون امير نفسه ايي هو نفسه البي حرفها وحرفه يعني هذيج الصوره جانت صورة  زندها واني عبالي صوره عاديه
كلتلها تدللين
عفتها وطلعت خليت ايدي على راسي وكعدت على الجربايه افكر لهل درجه تحب امير وراحت وشمت حرفه على زندها وهمه جانو بــَس علاقه
شفتها طلعت لابسه الثوب والروب وفوكاهن. برنص كعدت على الجربايه تفتح الماشات مال تسريحه كل ما ترفع ايدها تريد تفتح شعرها يوكع البرنص وتنزلها حسيته اتقيدت وكفت وراها كلتلها لترفعين ايدج اني افتح شعرج مديت ايدي اتلمس بشعرها واسحب الماشات كومه ماشات مخليلها بقيت اسكب بيهن واخليهن. بيدها لحد ما انفتح شعرها گـِْـِْلِه كلتها خلي نشوف خاف باقيه ماشه منا منا.
بقيت اتلمس بفروه راسها بشعرها
همسه/اني طبيعتي الي يلعب بشعري ويتلمس جلد راسي راساً جسمي ينمل واحس روحي انعس واروح لغير عالم وكرار لمساته بيها رجوله وخشونه احس روحي ماعت كتله وخر ايدك ترى راح. اوكع دخت حيل
كرار/راساً سحبت ايدي كلتلها شبيج
همسه/لا بس اني بيه طبيعه اذا احد هيج يلعب بشعري ادوخ واروح لغير عالم غمضت عيوني حيل وكتله
برقتها بهذيج الليله يعني امير هـًُّـيًُْـچ بقه يلعب بشعري لخد ما دخت ماادري بروحي
كرار/بس اني مو قصدي العب بشعرج لو اسوي شي جاي اشوف اذا اكو بعد ماشات بشعرج
همسه/اعرف والله بس اني مجرد لمسات ايديك على شعري دخت. هسه المهم ماعندك دنبوس اخلي لهذا البرنص حته مينفتح بعد
كرار/وشسوي بالدنوس اني ماعندي
يله تعالي نتعشه
كعدنه بالكاع فرشت الاكل اكل وهي تقيدت حيل بملابسها متكدر تتحرك
كرار/هو مو جان مشدود بي شريط لعد شبي هسه
همسه/اي من داافتحه انكطه اذا لميعه شدته بكل قوتها عبالك اعدام خانكتني
كرار/وهسه شنو مراح تاكلين تضلين لازمته وكاعده تسمحيلي اوكلج
همسه/دنكت راسي وبكلبي والله جوعانه بس استحي كوتله لا مااريد اصلاً مااشتهي
ردت اكوم
كرار/ابقي بمكانج بقيت اسوي لفات صغار واخلي بيدها وهي تاكل كملنه العشه
كمت طبيت للحمام توضيت وصليت.
بقيت بقميصير والبنطرون تقيدت حيل واني عادي ابقه بالشورت والفانيله بس خاف هي تتقيد وتستحي مني
لان اني مااكدر انام اله هيج وهي لازم. تتعود على هذا الشي بس كلت خليني مو اول يوم
همسه/ملابسك تعقجن ليش متبدل
كرار/اني هم نسيت اجيب وياي ملابس
زين عادي ابقه بالفانيله والشورت لان والله متقيد بملابسي
همسه/عادي اخذ راحتك
كرار/طبيت بالحمام نزعت البنطرون والقميص علكتهم وسبحت وطلعت هسه احنه بشهر التاسع سنه2015
كعدت بالكاع ومنتجي على الجربايه ادخن جكاير كلت نامي اخذي راحتج منطيها ضهري
كلت بس شمريلي مخده من يمج
همسه/ليش راح تنام بالكاع
كرار/اي لعد وين انام قابل
همسه/بس حته الكاع ممفروشه وتتكسر تعال نام على الجربايه اني منعسانه اصلاً
كرار/اني بنص التربان بالصحراء نايم وحته بدون مخده هسه على الكاع مااكدر آنام اني متعود على كلشي روحي كلشي متحمله انطيني مخده
شمرت مخده خليت راسي عليها وغمضت عيوني اريد اغفه اجتي ذكريات امير كلهن كبالي وتخطيطاتنه ليوم عرسنه وشنسوي وهو يكلي اله اركص بنص الشارع واكطع السير بيوم عرسك وتذكرت ساره وشكد حلمت. ويايه لهذا اليوم هسه شنو وضعها وتدري الليله عرسي شصاير بيها خنكتني العبره كعدت ورثت جكاره بقيت ادخن سمعت صوت همسه كالت بعدك كاعد
كرار/اييي بعدني وانتي ليش مانمتي
همسه جنت موخره البرنص على صفحه لان تقيدت بي حيل باقيه بس بالثوب حته الروب نزعته لان بي شذر وشغل يضوج بالنوم متغطيه باللحاف والسبلت. مفتوح والغرفه بارده حيل من شِفـٍـْْــٰٰتْ كرار كاعد كعدت ورفعت اللحاف تغطيت بي حجيت وياه صوته مخنوك كوه يحجي واني اصلاً مخنوكه على امير كلت اكيد دا يفكر بحبيته مثل مااني افكر بحبيبي خطيه شنو ذنبه وذنبها اذا همه صار اسنين يحبون بعض اكيد مثلنه مخططين لهذا اليوم ومتاكده هو شكد يحبها
صحت كرار تعال هنا يمي
كرار/احس روحي اريد افضفض وارتاح كوه مسيطر على روحي اني كلبي ميت بس من توصل السالفه يم خويي وحبيبتي احس الدنيه كلها تخنكني
كمت كعدت بصفها بردان حيل الغرفه ثلج رفعت اللحاف وتغطيت بدون حته مااستأذن منها
بس مااباوع عليها ابد
رجعت راسي ليوره وغمضت عيوني اني وكاعد
همسه/اكيد دا تفكر بنفس الشي الي افكر بي اني
كرار/احجي وياها واني مغمض عيوني كلتلها انتي تفكرين بأمير ادري
همسه/وانت تفكر بساره
كرار/اي ماادري بوضعها حالياً شلونه اخر مره لبارحه شفتها ومنهاره وتبجي حيل كسرت كلبي بس شسوي كلتلها اخذج والله واحبج بس متسمع مني بقت تكلي انت جذاب وضحكت عليه وماحبيتني صار سنين تضحك عليه
حاولت افهمها اني احبها وماضحكت عليها بس هي صايره نار ومتتفاهم سمعتني اشكال الحجي وطلعت وبعد ماشفتها