La Carlota 1: Reaching the Sun

6 ~ KISS

"Ayos lang ako. Minsan lang naman tayo mag outing e."

Pumasok siya sa cottage at naupo na roon. Asikasong asikaso naman siya ng tatlo. Hahainan siya ng pagkain at maiinom. Para tuloy silang magkakapatid.

"Si Grego pala 'yon. Sino kaya ang kasama niya?"

Naringgan niya ang isang grupo ng mga dalagita na dumaan. Naka swimsuit ang mga ito. Mukhang maliligo palang ngunit panay ang sulyap sa cottage kung nasaan ang pinag uusapan.

"Abangan natin kung sino ang kikitain niya. Kanina pa yata siya diyan."

"Lapitan kaya natin?" Naghagikhikan ang mga ito.

Iyon nga ginawa ng apat na babae. Sa palagay niya ay ka-escuela niya. Hindi lang siya masyado pamilyar.

"Hello, Kuya Grego! May hinihintay ka?"

"Mayro'n."

The girls giggled. "Girlfriend mo, Kuya?"

Grego laughed a bit and shook his head. For some reason, his eyes went on where she is. Charlotta quickly avoided his gaze and made herself busy with the chips in front of her.

Noong medyo kumalma ang sikat ng araw, nag desisyon na maligo ang tatlo. Siya naman ang naiwan para magbantay ng gamit nila.

Muli ay ibinalik niya ang tingin kay Grego. Nagtaka siya nang makita na may babae na itong kasama do'n. Nakatalikod sa kanya kaya hindi niya makita ang mukha. But based on the girl's built and the way she dressed, she looked like Chantria Alcander.

The girl is on her yellow floral dress and a sunglass on her head. Her long and shiny hair beautifully fell down her back. Her creamy skin emphasized because of her dress.

Ano ang ginagawa ni Chantria do'n? May lihim ba na pagkikita ang dalawa? Nanliligaw ba si Grego? Hindi ba at hindi ito nag gi-girlfriend ng mas bata rito? Did he change his preference?

Kung girlfriend man ni Grego si Chantria, ayos lang. Sobrang bagay naman ang mga ito. Parehong mayaman. Parehong kilala ang pamilya sa buong La Carlota. Walang tututol kung magkaroon man ng relasyon ang dalawa. Baka nga kahit ang pamilya ng mga ito ay susuporta.

Bumagsak ang balikat ni Charlotta. Bigla siyang nalungkot. Hindi naman siya umaasa para sa kanila ni Grego, pero nalulungkot talaga siya.

"Hi, Charlotta!" Chantria went to her and greeted her with a smile after awhile.

She forced a smile and greeted back. Nasa labas ito ng cottage at mainit doon kaya pinapasok niya.

"Pasok ka, Chantria. Mainit."

"Ah, hindi na. I came here to greet you. And also, please tell your grandmother that mommy is getting fine. Umayos din ang tulog niya tuwing gabi."

Natuwa siya sa balitang iyon. May magandang dulot ang ginawa ng lola Salma niya. Mabuti naman at medyo umayos ang mommy nito.

"Makakaasa kang sasabihin ko kay lola."

"Okay. Kapag tapos na kayo, punta ka sa amin ni Grego, ha?"

Malumanay siyang tumango at muling ngumiti. "Sige."

Chantria stared at her again before she bid a goodbye. Bumalik ito sa kung nasaan si Grego.

Alas kuwatro nang magpasiya silang mag pack up na. Umuwi ang tatlo at naiwan siya do'n. Alam naman ng mga ito na si Grego ang maghahatid sa kanya pabalik kaya hindi na nag alala.

Charlotta changed her clothes. She's wearing a denim shorts and peach blouse. Sa harap ng salamin ay napangiwi siya nang makita ang pamumula ng pisngi at ilong. Pati ang leeg ay gano'n din.