مـن نـسل المتحولين ( مكتمله)

"خلصت الحكايه "

...........................

كانت رغد تكوي ملابس سيف و تضع المتسخة في المغسله وجدت علبه قطنيه في جيبه غريبه إلي حدا ما
ليست كتلك التي تضع بها المجوهرات نظرت للعلبه باستغراب ثم اخذتها متجهه للأسف حيث يجلس زوجها و أيوب و سهيل

_ مش عارف والله يا سهيل يعني أنا بقيت حاسس إن الظابط ده استغلالي

كانت تلك جمله سيف المُمدد على الكنبه ناظرا لسهيل الذي أخرج من فمه صوت استنكاري و أردف بجدية

_ حاسس مش متأكد ده الاستغلال بعينه بس نقول إيه بقى شغلنا...بص أيوب مرتاح إزاي آه مهندس عايزه يشيل هم

سخر من بسمة صديقه الغبي الذي كان ينظر للتلفاز ثم تذمر مدافعاً عن نفسه من حديث سهيل

_ أنا نفسي أشتغل معاكم ده انتوا تخطيتوا ال Soper hero  من كل افلام marvel البت چانا كل شويه تقولي عيشنا و شوفنا الراجل مهندس و الست بطله خارقه...بس برضوا المهندس شغلانه حلوه يعني و ليا فوايد

_ و إيه الفوايد بقى يا بشمهندس.... إزاي تبني عماره من ثلاث أدوار في أربع أسابيع

سخر منه سهيل فانظر له أيوب و هو يكاد ينفجر و أردف
_ على فكره بقى لما يبقى عندنا ولاد ولادي ه‍يقولوا بابا مهندس إنما انتوا ولادكم ه‍يقولوا إيه....بابي سوبر هيرو

_ بابي..

قالها سيف بتقزز من حديث أيوب الذي أبتسم و أردف بفخر
_ مهندس بقى و كده...كان نفسي أبقى رجل أعمال بس مافيش في البلد دي حد بيشتغل بشهادته

في تلك اللحظه ه‍جمت نادين فوق زوجها و هي تصرخ بغضب
_ مين  يــاسمين يا سهيل بص ه‍تفضل تقولي بت واحد زميلي مش ه‍صدقك ما أنت مش بتكلم عيله زمايلك كلهم في الثلاثين يعني لو ربنا نفخ في صورتهم و بقى عندهم عيال ه‍يبقوا بالمبرز يا سهيل

نظر سهيل لأيوب و سيف لينقذه أحدهم من هذا المأزق لكن كان رد سيف النظر للتلفاز و كأنه لم يسمع شيء أما أيوب أبتسم بسخرية و أردف وهو يضع البنزين على النار
_ شوفتي يا نادين اهوه مافيش مهندس يعمل كده أخص أخص يا سهيل سوءت سمعه الرجاله... أنا لو منك اجرجره على محكمه الاسره و اخلعه آه والله

صمت وهو يبتسم على اشتعال وجه سهيل بالغضب أبتسم و تابع

_ جرجريه على محكمه الاسره هو و ست ياسمين إللي بيكلمها دي

_ ياسمين دي صحبتي يا نودي و كلمتها من تلفونه لأن تلفوني كان فاصل و كنت هاخد بتاع أيوب ما لقتهوش
مش كده يا سهيل

كانت تلك كلمات چانا المنقذه على رأي سهيل الذي نظر لها ثم حول نظره لنادين و قال
_ أيوه صح...شوفتي الظلم يا چانا دي بتشكك في أخلاقي أنا جوزك بقالنا سنين سوا تيجي دلوقتي تشكي فيا