مـن نـسل المتحولين ( مكتمله)

"لمه الصحاب 1"

انصدم سيف من صوتها لأول مره يكون غنائها عذب وجدها تضرب كفها في كف أيوب الذي قال ببسمة
_ اتحسنتي أوي يا بطله..

_ اتحسنت.. أنا مش فاهم حاجه
أستغرب سيف كثيراً فنظر له أيوب و قال ببسمة

_ أنت عارف يا صاحبي إني صوتي حلو في الغناء و كسبت قبل كده في The voice رغد قالتلي أنها بتحب تغني بس صوتها نشاذ

قاطعته رغد وهي تقول
_ ينصر دينك يا جدع... يخربيت الفضايح

تابع أيوب وهو مبتسم
_ المهم و قفنا عند أنها صوتها نشاذ.. نكمل طلبت مني اعلمها تغني كويس بقى وكده و الحمدلله اتعدلت في الغنا

_ ممم بقى كل ده بيحصل من ورايا
قالتها چانا وهي ترفع حاجبها فانظر لها سيف و أردف
_ شايفه ياختي و لا أنا أعرف .... تلاقيهم قالولي تحصيل حاصل ليس إلا

نظر سهيل لهم وهو يمسك يد نادين و أردف
_ شايفين أنا وهي سالكين و مش بنخبي حاجه خالص إحنا بس بنعمل تيك توك من وراكم

_ جــاك جــالوص طين تيك توك يا سهيل تــيك توك

صاحت بهم رغد بصدمه فضحك الجميع على أسلوبها وهي تعنفهم ، نظر لها سيف ببسمة عاشقه ولهاء لتلك المجنونه أما سهيل أمسك هاتفه وقال بفخر

_ أنا وهي عندنا ٣,٠٠٠٠٠٠ مليون Followers و اكتر اتنين محبوبين على تيك توك بنعمل تيك توك أجنبي مش المصري إللي كله حاجات متخلفه لا يعقلها الزعامه عادل شكل لأ حتى بصوا

أراهم فيديو له هو و نادين يرقصون بحركات متشابهه و بتحريك اليد و الوجه فقط على أغنيه
(          )

أعجبوا بالفيديو أنه جيد حقا فنظرت چانا إلي نادين ثم غمزت لها وقالت بمرح

_ في أغنيه إسمها ( Bad lair ) كاذب سيء المهم الفيديو على الاغنيه دي بيكون عباره عن إن واحد بيبقى ماشي مع بنت و يحبها و فجاه يشوفها بتحب أو ماشيه أو تحضن واحد تاني غيره أي رأيك فكره حلوه ليكم يعني

_ أيوه مش فاهم أنا إللي بيحب نادين هجيب واحد تاني إزاي يعني أعمل المشهد ده لوحده وده لوحده

تساءل سهيل باستغراب فانظرت چانا لرغد لكي تكمل المناغشة معهم فقالت بمرح

_ لأ طبعاً لازم يكون واقعي أي رأيك مثلا تجيب واحد يعمل معاكم الفيديو و يحضنها و بعدين أنت تشوفوا ه‍تبقى جامده

اشتعل وجه سهيل من مجرد تخيله ثم صاح في وجههم
_ ما تلم منك ليه ولاياتكم قال حد يحضنها قال" صمت وهو يسحب نادين لكي تقف بجواره ثم ضمها لصدره و تابع ببسمة" مُزتي محدش يقرب منها غيري

_ يا سيــدي يا سيــدي

تفوهت رغد بجنون وهي تنظر إلى نادين التي طوقت يدها حول بطنه قطع هذا الموقف الرومانسي الرائع سُعال سيف و إمساكه برقبته بألم واضح ثم قال بهدوء