A Dream that never came (Sequel #4)

Chapter 11

"Pag may gusto kang kainin text me...dadalhan kita," sabi ko sa kanya kahit hindi ako sigurado kung ayos lang sa kanya na pumunta ako sa kanila.

Muli siyang tumango sa akin at ngumiti. Kumaway pa siya sa akin bago ko tuluyang isinara ang pintuan para maka-alis na sila.

Bumusina si Kuya Wil sa akin bago tuluyang umandar ang sasakyan palayo. Napabuntong hininga ako bago ako naglakad papunta sa susunod kong klase. Hindi na tama ang nangyayari, kailangan kong kausapin sina Isabela tungkol dito.

Matapos ang sumunod kong klase ay kaagad ko siyang sinadya sa court kasama ang mga kaibigan niya.

"Yung spike..." natatawang sabi niya sa mga ito.

Naputol ang pag-uusap nila nang makita nila ang paglapit ko.

"Let's talk," sabi ko sa kanya.

Sumimangot siya at umirap pa.

"Hindi ako magso-sorry sa katangahan ng girlfriend mo," sabi niya kaya naman na-ikuyom ko ang kamao ko.

"Isabela," madiing tawag ko sa kanya kaya naman napa-ayos siya ng upo.

Mas lalong natahimik ang mga kasama niya bago sila nag-paalam na iiwan kaming dalawa.

"What? Aawayin mo ako dahil sa nangyari? Kasalanan ko bang lampa siya?"

"You did that on purpose. Aminin mo na, wag na tayong maglokohan dito," sabi ko sa kanya.

"Purpose? Siya ang humabol sa bola. Ni wala nga siyang katabi nung natumba siya," giit ni Isabela sa akin.

"She's your target."

Mapanuyang ngumisi ito. "Hindi na ako mag-e-explaine, Hunter. Wala ka namang ibang paniniwalaan kundi ang babaeng 'yon," sabi pa niya at tangkang tatalikuran ako ng hawakan ko siya sa braso.

Hindi mahigpit 'yon. Sapat lang para hindi siya maka-alis sa harapan ko.

"Nagkakaganyan ka dahil sa babae?" gulat na tanong niya sa akin at padabog na binawi ang kamay niya sa pagkakahawak ko.

Mariin akong napapikit. "Sorry..." sambit ko para sa paghawak ko sa braso niya.

But I'm not sorry dahil galit ako sa kanya at sa ginawa niya sa girlfriend ko.

"Mas kilala mo kami kesa sa kanya. Tapos ganyan ka?" giit pa niya sa akin.

Gusto kong sabihin na tama siya, mas kilala ko siya kaya naman sigurado ako sa sinasabi ko. She wants to get even kay Ahtisia. Hindi ko alam kung anong problema, hindi naman siya ganito sa mga nagustuhan ko dati o sa mga na-link sa akin.

Maybe because she saw how serious I am kay Ahtisia.

"Hindi ako masaya sa nangyayari. Sa tingin mo ba gusto ko to take sides? Pareho kayong importante sa akin, kaibigan ko kayo ni Sov...Girlfriend ko si Ahtisia," pag-papaintindi ko sa kanya.

Ngumisi si Isabela. "You know what...it's better kung magkanya-kanya na tayo. Just don't crawl back to us saying na tama kami sa accussations namin sa girlfriend mong sugar baby..." sabi pa niya kaya naman mariin akong napamura.

"We're done protecting you, Hunter. You did this to yourself...bahala ka na," she said bago marahas na inayos ang mga gamit niya para tuluyang maka-alis sa harapan ko.

"Hindi ganyan si Ahtisia. You'll see..." sabi ko sa kanya pero tinawanan niya lang ako.

Pagod akong napa-upo sa bleacher at napahilamos sa mukha ko. Mariin akong napa-iling at halos mapamura. Sumama ang tingin ko sa kung saan hanggang sa makita ko si Sov. Papunta sana siya sa gawi namin hanggang sa tumalikod na lang siya at umalis.