A Dream that never came (Sequel #4)

Chapter 4

Perfume

Kaagad kong tumayo para sana sundan siya pero pinigilan ako ni Sov.

"Saan ka pupunta? Kararating ko lang," sabi niya sa akin. Bumaba ang tingin ko sa pagkakahawak niya sa braso ko.

"May pupuntahan lang," marahang sagot ko sa kanya kaya naman siya mismo ang bumitaw ng hawak sa akin.

Hindi ko na hinintay pa na magsalita siya ulit at kaagad akong bumaba sa may bench para tumakbo at sundan si Ahtisia. Nang isang beses na lumingon ako sa court ay nakita ko pa ang dismayadong tingin ni Isabella sa akin habang nakahalukipkip siya.

Pinagtaasan ko siya ng kilay. Inirapan niya lang ako bago dismayadong napailing at tumakbo palapit sa pinsan niya.

Hindi ko din alam kung saan ko pupuntahan si Ahtisia kaya naman nagbakasakali ako sa mga girls restroom, even sa labas ng locker room nila ay naghintay ako pero hindi ko na siya nakita.

I even send her a message para kamustahin siya pero wala naman akong kahit anong reply na natanggap mula sa kanya. Masyado siyang ma-ilap sa akin. Masyado siyang ma-ilap sa lahat. Konting konti na lang ay iisipin kong baka ayaw niya nang nilalapit-lapitan ko siya.

If that's the case pwede namang dumistansya na ako. Pero hangga't hindi ko naririnig ang mga salitang 'yon na galing mismo sa kanya...I'm still hoping that there's a chance na mas makilala ko pa siya. I want to be close to her, I want to know her more. There is something about her na gusto ko.

Huminto na ako sa paghahanap at paghihintay sa kanya ng ma-realize kong ayaw niyang magpahanap. Bagsak ang balikat ko ng bumalik ako sa open court. Tapos na ang volleyball class ng section nina Ahtisia kaya naman ang mga varsity player ng Volleyball team na lang ang nandoon.

Nag-uusap sina Sov at Isabela sa may bench nang lumapit ako sa kanilang dalawa.

"Andito na pala ang knight and shining armor ni Stan smith girl," nakangisi at mapanuyang sabi ni Isabella sa akin.

Pagod akong umupo sa tabi ni Sov.

"Hindi niyo dapat ginawa 'yon sa kanya. She's a freshman, naninibago pa," pangaral ko kay Isabela.

Natawa ito at uminom sa hawak niyang sports drink bago makahulugang tumingin kay Sov na wala namang imik.

"Hindi na siya highschool para bigyan pa ng special treatment. This is college," giit ni Isabela at nag-iwas na lang ng tingin sa akin na para bang she's indicating that she doesn't want to argue about this anymore.

"You like her?" tanong ni Sov sa akin nang lumingon siya.

Tipid akong tumango habang nakatingin sa court. "I like her," pag-amin ko.

Hindi na sumagot si Sov pero mas lalong napangisi si Isabela.

"You like her, everyone likes her...pati mga varsity players ng basketball team. Just because of her pretty face," mapanuyang sabi pa din niya.

"She's nice," laban ko pa.

"Nice my ass," ma-arteng sabi niya sa akin na may kasama pang-irap.

Padabog niyang sinarado ang sports drink niya bago siya tumakbo papunta sa gitna ng court para maki-sali sa practice ng mga ka-teammate niya.

"Mukha namang mabait. Liligawan mo na?" tanong ni Sov sa akin.

Kinakausap niya ako habang abala siya sa handouts na hawak niya.

Nagkibit balikat ako. "Ma-ilap. Parang ayaw sa akin," sabi ko pa sa kanya. Atleast she's about about it. Hindi kagaya ni Isabela na gusto atang tumanda akong binata.