တစ်စက္ကန့်
နှစ်စက္ကန့်
သုံးစက္ကန့်
နှစ်ယောက်သား ကျောက်ရုပ်ကြီးတွေလို စက္ကန့်ပိုင်းမျှ ငြိမ်သက်မိသွားကြကာ တစ်ယောက်ကို တစ်ယောက်မျက်လုံးအပြူးသား ကြည့်မိနေလျက်သား။ ပထမဆုံး သတိဝင်လာသူက သာမည။
"ဒီမှာ ဖုန်း ဖုန်းရှာတွေ့ပြီ "
ကုန်းရုန်းထလိုက်ပြီး ကိုနောင်းလျန် ကို မကြည့်ပဲ ဖုန်းကိုပြကာပြောလိုက်သည်။
"ဪ အင်း အင်း"
နှစ်ယောက်စလုံးက ရှိုးတိုးရှန်းတန့်။ နောင်းလျန်တစ်ယောက် နာကျင်နေသည်ကိုပါ မေ့သွားရသည်အထိ ထိုမတော်တဆဖြစ်ရပ်က ဖမ်းစားထားသလိုလို။
ရုတ်တရက် နားထဲ ကောင်မလေး၏ ကျိန်စာလိုလို စကားသံကို ပြန်လည်ကြားယောင်မိပြန်၏။
* အချင်းစာတန် ငါ့နောက်သို့ ဆုတ်လော့! *
ချင်းလိုပင် ပါးစပ်လှုပ်ရုံ ဆုတောင်းလိုက်ရသည်။
"ဖုန်းက Passcode ခံနေတယ်"
"ဪ အင်း
2580 "
သာမညက သူ့ကိုတစ်ချက်ကြည့်ကာ ဘာမှပြန်မပြောပဲ စားပွဲဘေးနား သွားထိုင်လေသည်။ သူစိမ်းတစ်ယောက်ကို Passcode ပြောပြလိုက်၍ အံ့ဩသွားသည်ထင်၏။
"ဒါနဲ့ ဒီကလေးမလေး ကဘယ်သူလဲ ဟင် ကိုနောင်းလျန်... ကျွန်တော်
မြင်ဖူးနေသလိုပဲ "
ဖုန်းကို သေချာကြည့်ရင်း သာမညက ဆိုသည်။ Wallpaper တင်ထားသည့် သူနှင့်သူငယ်ချင်းမလေး ငယ်စဥ်က အတူတူရိုက်ထားသည့်ပုံကို ပြောသည်နှင့်တူသည်။
"ဪ ငယ်သူငယ်ချင်း ပါ
အချစ်ရဆုံး သူငယ်ချင်း ဆိုပါတော့ "
"ဪ"
သာမည ပုံကို ထပ်ကြည့်မိသည်။ App တွေနှင့်မို့ သေချာစွာမမြင်ရသော်လည်း သူ့စိတ်ထဲ ရင်းနှီးနေသလိုပင်။ ထပ်ပြီးစပ်စုချင်ပါသော်လည်း မကောင်းတတ်၍ ဘာမှတက်မမေးဖြစ်တော့။ လုပ်စရာ ရှိသည်ကိုပဲ လုပ်ပေးလိုက်ရင်း...
"ရပြီ ကိုနောင်းလျန်"
ဖုန်းကို ခေါင်းအုံးဘေး ပြန်ချထားပေးလိုက်ကာ သူသည်လည်း ဂိမ်းဆော့နေလိုက်လေသည်။
YOU ARE READING
Wish You Were GAY
RomanceStraight ကောင်လေးနှစ်ယောက် ကျိန်စာတစ်ခုအောက်မှာ ကံကြမ္မာကြောင့် ဆုံဆည်းလာကြတဲ့အခါ... မတူညီတဲ့ ဘာသာရေးအယူအဆတွေ ၊ အစွန်းရောက်တဲ့ ယုံကြည်မှုတွေကြား ဘာတွေ ဘယ်လို ဆက်ဖြစ်လာကြမှာလဲ။
