دخل ملهم للمجلس ..
ملهم : اتصلت على واحد ويبي يشتري نخلتين ١٠٠ الف
فز ذياب : ومين الي سمح لك
ملهم : زي ما قلت لكم لي حق وحقي اسوي فيه الي ابي
زاهّد : مالك حق هذا حق ابوي يا ملهم
ملهم : حق ابوي صار حقنا ولو انا ماني محتاج ما راح امسها
فهاد : استنوا نتفاهم
ذياب بصوت عالي : قاله لك زاهّد مالك حق ولا واذا لسمتها لا اكسر يدك
ساري : استنى يا عم بالهداوء نتفاهم
زاهّد : قلنا نتفاهم معه ما يفهم الا يبي يسوي الا براسه وويخسي ماهو هو الي يمشي كلمته على اخوه الكبير
ملهم : ببيعها واخذ حقها ومال احد دخل فيني
ذياب : تعقب ثم تعقب
ملهم : ما يعقب الا انت يا ذيابب
قاطعهم دخول الشباب ..
هذّال : شصاير
ذياب : عمك الا يسوي الي براسه قلت بيستحي على وجه بس الظاهر مابه سحى
ملهم : حقي وما بستحي اني اخذه
مازن : هدوا شوي سمع من كل الاطراف
ملهم : ما راح اسمع شيء حقي وباخذه
زاهّد : باقي تقول حقك ملهم استح على وجهك
ملهم : ياا اخذها ياا نقطعها ولا عاد لي اخوان
ذياب : ابركها من ساعة
هذّال : تعوذوا من ابليس شلي تقطعونها ،يبه خله يبيعها هذا حقه
ذياب : هذّال !! ملهم ماله حق بالنخل وانتهى النقاش
التفت هذّال لملهم : اسمع يعم تنازل لين يهدا الوضع شوي
ملهم : قلتت ماني متنازل عن حقي
مازن : يبهه هذا حق عمي من جدي مالكم حق توقفون ضده
زاهّد : مازنن قلتها وارجع اقولها ماله حق ،الا اذا ما يعز ابوه ويعز الي كان يحبه ابوه وياخذه ويبيع عشان شوية دراهم هذا الي ما يستحي ولا لابوه معزه عنده
ملهم بحدة صوت : اجل ما عاد لي اخوان ولا عاد ابي حاجة منكم تارك لكم حقي وتارك لكم اخوكم الصغير ذاك
طلع ملهم وتركهم ..
ذياب : ابركها من ساعة
زاهّد : انتت الي تبي كذا يا ملهم
التفت غيّث لهم بنظرات الحقد : هذا الي تبونه خسرتوا اخوكم الصغير عشان نخل تركه لكم جدي
ذياب : اطلع وراء ابوك ولا تخليني اشىف وجهك مثل ابوك
صرخ هذّال : يبهه تراك تعديتت حدودك هذا يبقى اخوك وولد اخوك مالك اي حق تطررده من مزرعة ابوه
غيّث : خله يا هذّال الظاهر انه يبي يتمتع بالحلال لحاله
وطلع غيّث ..
مازن : عجبكم الحين عساكم انبسطتوا
وطلع مازن وراء غيّث .. وطلع هذّال وراهم
فهاد : الي طلبه عمي نخلتين ليسدد دينه من اصل ممر كله نخل ما بيضر لو اعطيتوه
ساري : كيف هان عليكم اخوكم الصغير واهو محتاج محتاج لو ماهو محتاج قلنا يمكن توقفون ضده
زاهّد : خلاصص طفشتت من سماع كلمة محتاج حتى لو يحتاج هذا نخل ابوه ولا هو نخله
ذياب : فهاد ساري بتقلون كلمة طيبه اجلسوا بتقعدون تنقون فوق راسي اذلفوا برى
وسكتوا فهاد وساري ورجعوا جلسوا ..
حنيفه : خسرتوا اخ عشان النخل ياا ذياب انت وزاهّد
