•••
بصالة ..
مزون الي كانت تشيل الدلال والعنود الي كانت تساعدها..
الجازي الي كانت داخله للصالة بمفارشهم : يان كان ذا اليوم طول
ورزان وراها بالمفارش : صدق والله طوييل
جمان : تو الليل خلوناا نجلس
الجازي : جمان تدرينن متى صاحين احنا من الفجر وانا بالمطبخ
رزان : واحنا تونا جاين من سفر تبطين اجلس معكم برقد
رتبوا المفارش وصفوها جنب وكل وحده تسطحتت ..
جمان : بناتت والله نفسي ببراد شاهي
مزون : صاحيه انتي ؟ اقول ارقديي
الجازي : الله يرزقني روقانك يا جمان
العنود : خلاص اصه ارقدوا بكرهه نصلح لنا براد شاهي يا جمان الحين ارقدي
جمان : مافيني نوم ،رزان ؟
كانت معطيتهم ظهرها وغاطه بنوم ..
الجازي : رزان رقدت
جمان : يالليل طيب اسمعوا خلونا نسوالف لينن ننام
صمتت ..
جمان : بنات ؟ نمتوا
تاففت جمان وحطت راسها على الوسائدة وغطت نفسها بالمفرش لعلها تنام ..
•••
بمكانن بعييد عنن ازعاج أهل الديرة مكان معزول ..والقمر الي توسط السما والهواء الي يرد الروح
وشبة النار الي كانت تضيئ المكان وكانوا الشباب مجتمعين حولها وعمر الي كان يضبط الدلة
غسان : منن زمان عن جلساتنا وجمعتنا حول الشبة
مازن : اهه رجعناا لذكرياتتنا بهالمكان
عمر. : مو اي مكان ذا مكان يخليك تنعزل عن الناس وتصفي افكارك وتدور لها حلول
غيّث : والله يان قهوتك ياا عمر كايفه
عمر : جعلها عافية
انتبه مازن الي لهذّال الي كان يطالع النار وبيده فنجال ويهوجس ..
ابتسم مازن لانه يعرف هذّال اذا سكت يجول بخاطره بيت شعر : هذّال شطرا لك
هذّال الي كان يطالع النار وهي ترمد : ترا الوصل مثله مثل شبة النار لبطى عليه الليل صارت رماده
عمر : واشقتنا لهذّال وهذرتهه الي تجي فجاة
مازن : ماهي هذرته هذا احساس شويعر
هذّال : صح
غسان : اذا كان احساس من الي تطلبه الوصل
ابتسم هذّال : للي عشقتها من الصغر للي حبها غلبني
مازن : كنتت عارف ياا هذّال طايح بالغرام بس ما انت ناوي تقول
عمر : منهي الي خلتك تهذري كذا
هذّال : شتبي فيها ؟
عمر : بقول لها ترفق عليك شوي
وصاروا يضحكونن وضحك معهم هذّال ..
رفع هذّال جواله وهو يطالع الساعة : متى ناوين نسري الوقت تأخر
عمر : تو الليل خلوها نسمر شوي
غيّث : الساعة ١ وتقول خلنا نسمر اقول خلنا نسوي هيا
عمر : انت يا مخرب الجلسات اكرمنا بسكوتك
مازن : لا صدق تاخرنا خلونا نسري
غسان : هياا اجل خلونا نظف العفش
•••
وصلوا لبيت ذياب ..
هذّال : يلا ودعتكم الله
عمر غسان : ودعانكم الله
غيّث : بكرهه العصر خلونا نجتمع
عمر : زينن طلع منك هالكلام
غيّث : عمر من اليوم ساكت لك لا تخيلين اقوم عليك
عمر : يلا تعال ما اقول لك لا
مسكه مازن : خلاص غيّث انزل
غسان : تمم بكره العصر واحنا عندكم
مازن : ننتظركم
