المدينة - بيت ملهُم
الساعة 11:11 الليل .
كانت رزان حاطه سماعاتها وتسمع لمنشدها وجنبها كوب الشاهي وهي تقلب بروايتها الي كانت تقراها بالجوال..
قاطعها دخول غيث ..
غيث : رزان !!!
رزان : بسم الله الرحمن شفيكك !
غيث : عندي لك بشاره
رزان : ها بشر
غيث : راح نروح لديرهه
هنا ابعدت رزان السماعات عنها وفزت من السرير : احلف
غيث : ايي والله
رزان : متى طيب ؟
غيث : بعد الفجر على طول بنحرك
رزان : غيث صادق بكلامك ،لحظة ليش اسالك اروح اشوف ابوي
طلعت رزان وراها غيث
غيث : رزان الي يشوفك يقول اني اكبر كذاب
رزان : هذا انت
اول ما طلعت رزان من غرفته شافت ملهم ومحيله جالسين بصالة ..
رزان : صادق غيث ؟ رايحين لديره
ملهم : صح وانا ابوك
هنا ارتسمت الابتسامة على مبسم رزان : اخيرًا محتاج جو الديره وجو البنات
غيث : واناا بعد اقل شيء اشوف رجال اسوالف معهم بدال حبست البيت ذي
ملهم : حبست البيت احسن من السربته مع ناس ما تعرفهم
غيث : مين قال لك ما اعرفهم هم اخوياي يبه
ملهم : خلاص انتهى النقاش كل واحد يقوم ويجهز شنطته بعد الفجر بنسرح
رزان : عطني نص ساعة واكون جاهزة ونحرك من الحين
ملهم : كل ذا شوق وانا ابوك
محيله : ما الومها والله حتى اناا مشتاقه لديره وللعرب الي موجودين فيها
رزان : اهه يمه من قدك بترجع جلساتك مع عمتي غزيل وصالحه
محيله : ايي والله
ملهم : بتجلسون كذا كلام بدون فعل هيا كل واحد يجهز شنطته
وهنا كل واحد فز وتوجه لغرفته يتجهزون والشوق غامرهم ..
"طبعا ملهم يخاف بشكل مبالغ على عياله وزوجته لدرجة ما يخليهم يتعرفون على ناس كثيرر رزان مالها الا صديقة وحيده ولا تشوفها الا بالمدرسة واما غيث الي بالجامعة له اخويا بس ابوه يحرمه من الطلعة معهم اما محيله مانعه من انها تتعرف على الجيران"
•••
بالديرهه - بيت ذياب
ليلة قمرا والهوى الي يرد الروح
باسطين فرشة المتعارف عليها وحاطين براد الشاهي وجنب الحب
العنود : ايي شعندكم يا مزون جاينن اليوم ماهي عوايدكم تجونن قبل العيد بشهر
مزون : مادري عنن اخوك
الجازي : مزون تبي تعلميني انك ما تدرين ليش جايهه واحنا ما احنا بمناسبة ولا عيد
مزون : تبين الصدز ودي اقول لك بس اخوك بيصفقني
العنود : ابد في وجهي انتي اسدحي الموضوع بس
مزون : اخوك هذال
الجازي : ايوه شفيه
مزون : بكره العصر راح يطلع
العنود : من وينن
هنا استوعبتت الجازي وصرخت : راح يتخرج ؟
مزون : ايي ايي بيتخرج ،وانا اقول بيطلع
العنود : لحظة مزون
مزون : هاا
العنود : صدق الي تقولينهه
مزون : ايوهه
الجازي : وليش فهاد ما قال لنا
مزون : يقول مفاجة
العنود : وش ذي المفاجة بيجبون هذال واحنا ما سوينا له استقبال ولا شيء
مزون : وفي شيء بعد
الجازي : هاا والله يا كثر السوالف اسلمي
مزون : عمكم ملهم جاي، امس عمي ذياب اتصل عليه وقال ان هذال راح يطلع وقال عمكم ملهم انه راح يجي
ويشارك فرحتهم بتخرج هذال
