بالمشب -
ملهّم : ها يا ذياب عسى قرت عيونك بشوفت ولدك
ذياب : ايي والله
زاهد : الله يحفظه لك ياا ذياب
ذياب : اللهم امينن
زاهّد : اجل بهالمناسبة فوق الذبيحة ذبيحتين لعيون هذال ،مازن
مازن : سم يبه
زاهّد : قم انت ولد عمك ولا تبقي احد بالقرية ولا تعلمه الليلة العزيمة بمجلس ذياب ولا تنسى جيرانا
ذياب : وشوله يا زاهد ذبيحة تكفي
زاهّد : لا خلها ثلاث ذبايح يا ذياب وكلها من عند الحلال
ذياب : يا رجال الله ما اكثر من الغنم بسوق بعدين ماهي حلوه بحقك
زاهّد : ذياب اخوك الكبيرة وكلمته الي تمشي الذبايح من عندي ،ساري قم لعند الحلال وهات لنا ثلاث ذبايح
ساري : ابششر
ذياب : زاهّد ياخوك كذا تحرجنا
زاهّد : حلال اخوك مافيه احراج
فهاد : ساري اساعدك بشيء
ساري : انتظرك من اليوم تقول
فهاد : تم معك
ساري : اجل هيا
•••
طلعوا مازن وغيّث من المشب ..
غيّث : واضح بيكون يوم كرف
مازن : توك تستوعب
طلع لهم هذال الي كان طالع من قسم الحريم وهو لابس ثوبه وعاصب عصبته ..
مازن : ما شاء الله ما عرفتك انت نفسه الي جبناه من العسكرية
غيّث : اخس ياا والله وطالع مزيونن
هذّال : امنعوناا خلاص بعدين اعرف اني مزيون
مازن : خف عليينا يا الزين المهم تخاوي
هذّال : وينن ؟
غيّث : عمي زاهّد ارسلنا نقول لجيران ان اليوم العشاء عند عمي ذياب
هذّال : والله مابي اخرب كشختي
مازن : هذال لا تخليني اقوم عليك انت وكشختك
هذّال : مازن الحين ثوبك ليه وصخ
مازن : لا شيخخ قمت تفلسف علي
غيّث : خلاص تعوذوا من ابليس ،مازن خلنا نروح العصر بياذن الحين
مازن : اخلص واجيك يا هذال اعلمك كيف ثوبي وصخ
هذّال بضحكة : احتريك ومجهز لك ثوب جديد
غيّث وهو يمسك يد مازن ويحاول يسحبه : ماا عليكك منه يا مازن
•••
عند الحريم - كانوا البناتت جالسين بعييد عن الحريم الكبار وحولهم القهوة ..
الجازي : ايوه مافي شيء تسونه غير القهوة
مزون : اشغل السماعة ؟
العنود : تكفيننن امنعينا
جمان : بتجلسين كذا عنود
العنود : احس راسي مصدع وكله من الجازي ورزان
رزان : قلت لك مالي دخل
الجازي : رزان من الي قام يتكلم
العنود : خلاص اصه اصه
قاطعهم صوت ذياب وهو داخل مع الباب واعطى ظهره لصالة ..
ذياب : السلام عليكم
ردوا كلهم ومن ضمنهم نسوان اخوانه : وعليكم السلام
ذياب : جاي اسلم على بناتخي
فزت رزان وجمان وتوجهوا لذياب ..
ذياب : ياا هلا والله بزينهه
رزان وهي تبوس راسه : هلا فيكك يا عم علومك
ذياب : بخيير جعلك بخير يا عيون عمك ،ماشاءالله والله وكبرتي يا رزان
رزان : اغطي على الجازي صح
الجازي بصوت عالي لانه كانت جالسة بعيد عنهم: يبههه بنتك ترانيي
ذياب بضحكة : كلكم مزاين
