الساعة 8:00 الصبح - بالمطبخ
مزون : عمتي ذوقي من حشوة الفطاير حلوه ولا ازيد عليها بهارات
تقدمت غزيل واخذت بالملعقة من الحشوة : الله يا مزون من يومكك تعرفين تضبطينن الحشوات
مزون : هذا اختصاصي
العنود : وانا اشوف فهاد ما عاد طلب مني اسوي له فطاير
مزون : معلش اخذتت مكانك
العنود : حلالك
قاطعهم دخول الجازي ..
الجازي : احد شاف المبخرة
العنود : الجازي انتي متسبح بالغبار وجاي ولا شهرجتك
الجازي : ما فهمتت
مزون : شوفي شكلك ملابسك وشعرك غبار
نزلت الجازي نظرها لملابسها : ايي هذا كله المجلس الي يشوفه يقول ما قد احد نظفه
غزيل : انا بجي بساعدك ونترك الطبيخات هم الي يستلمون الطبخ
الجازي : لا يمه انتي ارتاحي اساسا خلصت باقي اشغل البخور يغير شوي من ريحة الغبار ثم اطقها ترويشه
قاطعهم صوتت بوري السيارة والي خلاهم كلهم يفزون..
العنود بابتسامة : هذا صوت سيارة عمي ملهم
الجازي : اخيرًا وصلوا
مزون : ما شاء الله شكلهم محركين من الفجر
غزيل : هذا الشوق ما يسوي
وبدتت تتعالا اصوات الترحيب من ذياب وفهاد ..
هنا توجهت العنود والجازي وراهم مزون لشباك الي كان يطل على مجلس الرجال والمشب
وكانوا يشوفون كيف ذياب يرحب بالملهم ..
قاطعهم صوتت ذيك المره الي دخلت عليهم ..
محيله بابتسامة : يا أهل البيت
غزيل بنفس ذيك الابتسامة : ياا مرحبااا ياا مرحبااا
محيله : الله يبقيهاا
غزيل : علومك يا مره
محيله : بصحة الحمدلله انتي علومك
غزيل : يا بنات باخذ عمتك وبروح لصاله هاتو القهوة
العنود : ابشريي يمه
وطلعوا .. جت رزان من وراء محيله وهنا صرخوا البنات
العنود الجازي : رزان
رزان بنفس صراخهم : بناتتتت
توجهت رزان لهم بنية تضمهم ..
العنود : لا تقربين لي يدي كلها عجينه
الجازي : وانا كلي غبار
رزان : شفي اشكالكم كذا تخرعون وحده كنها طالعه من القبر والثانية يده عجين
توجهت الجازي لرزان وضمتها : اجل انا شكل وحده طالع من القبر
رزان بصراخ : الجازي يا حيوانهه ابعدي
الجازي : ما كان لي نية اني اضمك الا لما اتروش بس تغير الوضع
هنا تقدمت العنود ومسحت يدينها بثوب رزان ..
شهقت رزان : العنود وجعع !!
ضحكت العنود ..
مزون : يا بنات خلاص ورانا شغل وللحين ما خلصنا نصه حتى
العنود : صحح لازم اخلص عجن وباقي الحلا وما زينا كشنة الذبيحة ولا القدور
الجازي : رايحه اتروش ثم اجي اساعدكم
رزان : وانا بعد بس اغير ملابسي
العنود بضحكة : ها عجلوا
