•••
عند النخل ..
ذياب : والله يان فيها خير بزاود
زاهّد : ايي والله
ساري بسياق للحديث : ليش ما تاخذون الرطب والتمر ونبيع بسوق الخضار
فهاد : والله فكرة بعدين فيها دراهم
ذياب : شرايك يا زاهّد !
زاهّد : والله الي فكرة تم معكم
ساري : لا تنسون نصيبي من الدراهم تراني راعي الفكرة
زاهّد : ما عليك حقك بيجيك
ذياب : لما يجي حنيفه راح نقول له
•••
عند ملهم والشباب..الي هم مازن وغيّث الي لحقوه بعدين ..
ملهم : اركب على مهلك با غيّث
رفع غيّث ثوبه وعدل عصبته ومسك اللجام ..
غيّث : ماا عليك يبه
مازن : انتبه لا تهبدك ذا الحين على الارض ترى الخيل ما تمزح
غيَث : اكرمنا بسكوتك تكفى
وركب غيّث الخيل وبدت تمشي به ..
ملهم : هيا يا مازن دورك
مازن : لا صار لي شيء يا عم والله ما اعرف الا انت
ملهم : اركب بس اركب
وركب مازن الخيل وبدت تمشي بها ..
مازن : غيّث ابعد عني انت وخيلك
غيّث وهو يضرب اللجام ويتجه لاتجاه مازن : ليهه خايف؟
مازن : غيّث ما امزح ابعد
قاطعهم صوت هذّال من بعيد ..
هذّال : يا خونه انت وياه ركبتوا الخيل قبلي
غيّث : هيا شف لك خيل وتعال نتسابق
هذّال : تم
توجه هذّال لجوا الاسطبل ..
حنيفه : ما توقعتكم تعرفون للخيل
غيّث : احنا خيالة نعرف للخيل
مازن : تكلم عن نفسك
حنيفه : مازن خوفك راح يخلي الخيل تخاف اركد واهدا
غيّث : تكفى انا انتظر ذي اللحظة ابيها تهبده
قاطعهم دخول هذّال بالخيل والي كانت تمشي بسرعة..
مازن : هذّال وجع شوي شوي بغيت تصفق بنا
هذّال : تحرك يا مازن لا توقف بخيلك
غيّث بصوت عالي وهو يضرب بالجام لتتحرك الخيل بسرعة : يعجبنيييي
وصارت خيل غيّث تمشي وراء خيل هذّال ..
مازن : ماني متمني الموت مثلك
وصلوا زاهّد وذياب وفهاد وساري ..
انتبه ذياب لهذّال وهو يتحرك بالخيل بسرعة وبصوت عالي : حييي حييي
انتبه هذّال لذياب وابتسم ..
ساري : مازن ! وراك واقف تحرك وراهم
مازن : تعال اركبها انت مابي اموت اليوم
نزل مازن ومسك اللجام حنيفه ..
ساري : هاته اعلمك كيف تكون خيالّ ذا الحين
وفهاد : تعال صف جنبي يا مازن
مازن : وانت بعد ما تبي تركب
فهاد : ايوه
زاهّد : ولدي والله ساري
مازن : وانا جحدتني
وبدوا يضحكون ..
