يا ويـل قلبـيّ من دلٌـع كامـلْ الـزيـنّ

Part 31

عند أمل الي كانت الكـادي عندها بس .
لأن سالم قرر يسوي عرس الحريم بخيمه من كثر قرايبه الي راح يجون العرس والبيت ماراح يكفي ، لذلك بنا للحريم خيمه كبيره وعطا خبر لابو امل ، وعشان جذي امل قالت لنوف والزيـن يروحون للخيمه بدري عشان يستقبلون الضيوف ، وطلبت من الكـادي انها تقعد عندها وتعدل شكلها .
كانت امل من زمان خالصه من شكلها وجالسه تنتظر الوقت الصحيح لاجل تلبس ثوبها ، وكانت الكـادي جالسه عندها وترميها وتقهويها على ما يمر الوقت .
——— عند الـزيـنّ ونوف الي كانوا بالخيمه
كانوا داخل الخيمه ويناظرون بذهول لكبرها .
نوف وهي تناظر بدهشه : لهدرجه قرايبه كثير ؟ .
الـزيـنّ بدهشه لا تقل عن دهشتها : أتوقع ! .
نوف وعت على نفسها : يالله اسمعي كم يبتـي قهوه ؟ .
الـزيـنّ : ثلاث دلال .
نوف : ايه زين وانا يبت أثنين .
الـزيـنّ : حلو .
نوف راحت وجلست : تعالي نتقهوى على ما يصير المغرب .
——— بعد صلاة المغرب 
بدأو الحريم يوصلون شوي شوي وكانوا باستقبالهم نوف والزين ونوره الي جت عقب .
بعد مرور ربع ساعه ناظرت نوف للخيمه الي امتلأت بالحريم وهمست للزين : مشالله الخيمه صاكه ( ممتلئه ) .
الـزيـنّ : ايه مشالله شفت .
نوف ناظرت للطقاقات الي توهم وصلو : يالله بروح انا اجلس الطقاقات مكانهم  .
الـزيـنّ : طيب .
——— بعد مرور مده
كان الكل وصل وبدأو رقص على ما توصل العروس .
وكانت ام سالم الي واقفه وتراقص الحريم فرحانه بعرس ولدها .
بعد مرور نص ساعه وصلهم خبر ان العروس وصلت وبدأو الطقاقات يطقون بشويش ودخلت امل للخيمه وهي تمشي بشويش بثوبها الحلو وشكلها الجميل ، وكانوا نوف والكـادي يطوفون حوالينها عشان يعدلون ثوبها ولا شي .
قعدت العروس الكرسي المخصص لها وبدأو الحريم يرقصون قدامها فرحانين بعرسها هي وسالم .
وبعدها طبوا الكـادي ونوره بأغنيه خاصه لحبايب العروس أما الـزيـنّ ونوف اكتفوا بانهم يراقبونهم وهم واقفين .