يا ويـل قلبـيّ من دلٌـع كامـلْ الـزيـنّ

Part 6

<لطفاً لايك وڤوت قبل القراءه💞🥺>

الكـادي طالعت لها بأندهاش :منه ؟ ليش شسبب؟
الـزيـنّ رفعت راسها : انتي تسمعين اخته نوف شتقول عنه ؟ انه بارد وبعض المرات عصبي ونادر ما يشوفون ابتسامته وكافي انه ضخم أصير نمله يمه انا (جنبه).
الكـادي ضحكت وبشده : ضخم؟(واكملت ضحك)
الـزيـنّ ابتسمت معاها : وشفيك تضحكين وانا صادقه ضخم صحيح انا طولي زين وحلو بس هو عملاق الصراحه .
الكـادي هدت شوي من الضحك واكملت :الله  يلعن ابليسك ضحكتني ، وبعدين انتي بس انتبهتي على هذا الكلام ليش ما سمعتي نوف لما قالت انه طيب وما يحرمهم من شي ومدلعها لانها اخته الوحيده وانه ما يقصر على عايلته بشي ؟
الـزيـنّ  استحت وقالت: الا سمعت ، انزين الكـادي بقولك شين بس يويلك مني اذا قلتي لابوي او احد غيره والله اشويك بالنار .
الكـادي : بسم الله شنو فيه قولي قولي ما عليك .
الـزيـنّ بتوتر: تذكرين لما رحنا انا ونوف للسوق وبعدها ردينا بيتنا ونوف راحت لحالها لان اخوها تأخر عليها .
الكـادي بأستغراب : اي اذكر ليش شنو صار؟
الـزيـنّ بلعت ريقها واكملت : وبعدين دق الباب وقلنا اكيد هذي نوف وطلع اخوها .
الكـادي : ايي ادري بهذا خلصينا شنو الموضوع؟
الـزيـنّ بتوتر ملحوظ جداً: انتي تدرين ان عادتي اي احد يدق باب بيتنا نكون عارفين منو وانا افتح الباب كله واوقف قدامه .
الكـادي فتحت عيونها على اكملها وقالت بصدمه : لا تقولين ان الي افكر فيه صحيح .
الـزيـنّ هزت راسها بالايجاب
الكـادي : يوييلييي شافك كلك؟؟
الـزيـنّ هزت راسها بنعم
الكـادي : يمااا صدق انك غبيه وانتي ليه فتحتي الباب على كبره ما تنتبهين؟ والله يويلك لو ابوي درا الله ستر بس
الـزيـنّ : لا انشالله ماراح يدري اذا محد قاله شين وبعدين انا شدراني وترا بس انتي الي تدرين بالموضوع الكـادي مو تقولين لاحد زين !؟