يا ويـل قلبـيّ من دلٌـع كامـلْ الـزيـنّ

Part 18

لُطفاً ڤوت قبل القراءه 🥺💗
————————

( صباح يوم جديد )
قعدت الـزيـنّ من النوم وما شافت سلطـان يمها وعرفت انه راح لصلاة الفجر ، فركت عيونها بانزعاج  وقامت من السرير وتوجهت للحمام ( يكون القارئ) وخذت لها حمام دافي كونه الجو برا بارد ، طلعت من الحمام ولبست لها لبس جديد وجلست امام المرايه تمشط شعرها ، دخل عليها سلطـان وتوجهه لدولابه .
سلطـان ببرود : صباح الخير .
الـزيـنّ بخجل : صباح النور .
وكملت الـزيـنّ تمشيط شعرها طلع سلطان من الغرفه وطلعت بعده الـزيـنّ وتوجهت للمطبخ ، جهزت الفطور والشاهـي لهم وجلست بالعريش تنتظره وكانت حاطه على كتوفها شال لاجل يحميها من البرد ، طلع سلطان من غرفته وشعره مبلل كونه للتو تروش ، تقدم منها وجلس .
الـزيـنّ : سلطـان ليه ما نشفت شعرك الحين تمرض الجو بارد .
سلطـان ببرود : ما عليك ماراح يصير شين .
الـزيـنّ تنهدت بغضب كونه دايم يكون بارد وما يهتم وما ياخذ كلامها بجديه .
الـزيـنّ: طيب اييب لك بشتك تلبسه الجو بارد .
سلطـان ناظر لها : لا ماله داعي .
زفرت الـزيـنّ الهوا بقله حيله وطلع من فمها الهوا الابيض الي يدل على بروده الجو ، انتبهت الـزيـنّ للهوا الي يخرج من فمها وكررت الحركه بفرح كونها تحب هذا الشي ، ناظر لها سلطـان باستغراب لانها كأنها طفله تحب هذا الشي .
سلطـان : وش تسوين .
الـزيـنّ بفرح : قعد اطلع ضباب ابيض من فمي .
سلطـان ابتسم بجانبيه : شنهو طفله انتي ؟ .
الـزيـنّ عقدت حواجبها : ايه طفله ترا بيني وبينك ٨ سنين احم احم  .
سلطـان هز راسه بقله حيله من الطفله الي امامه وكمل فطوره .
——————
( العصر )
كان سلطـان قاعد بالحوش ومجهز نفسه لعرس اخته وولد عمه وينتظر الـزيـنّ بفارغ الصبر كونها طولت بتجهيز نفسها .
ناظرت الـزيـنّ لنفسها بالمرايه برضا تام على شكلها ، واخيرا طلعت الـزيـنّ من الغرفه وهي لابسه ثوب حلو وكشخه وذرب لونه ازرق ضيق من منطقه الخصر ومنسدل من تحت وكان فوقه قماش اسود شفاف زاد الفستان ذرابه وكانت لابسه عقد ذهب يزين رقبتها وكان شعرها الاسود الطويل منسدل على ظهرها وكان شكلها حلو بشكل ما يوصف .
اما سلطـان الي كان يراقبها بكافه تفاصيلها لين ما وصلت عنده .
الـزيـنّ بخجل : ها نمشي ؟ .
سلطان : مم ... هلا يالله  بس ليه حاطه كحله ؟ .
الـزيـنّ ناظرت له بصدمه : عادي يعني انا رايحه عرس اكيد راح احط .
وبسرعه سلطان غير ملامحه لملامح البرود وهز راسه للايجابيه ، لبست الـزيـنّ عباتها وبرقعها وطلعت ورا سلطـان وركبوا سيارتهم ، وصلو لوجهتهم الي هو بيت خالد .
سلطـان : يالله انزلي .
الـزيـنّ : طيب ..ما تنزل تسلم على اختك؟.
سلطـان ببرود : لا شوين ايي اسلم عليها الحين لازم اروح عند عبدالعزيز .
الـزيـنّ هزت راسها بالايجاب ونزلت اما سلطـان ضل ينتظر لها لين ما دخلت داخل البيت وبعدها حرك بسيارته ، دخلت الـزيـنّ داخل والي فتحت لها عبير سلمت عليها .
الـزيـنّ : عمه وين البنات ؟.
عبير : روحي لهم يا بعديّ بغرفه نوف .
الـزيـنّ هزت راسها بالايجاب وتوجهت لغرفه نوف ، دخلت عليهم وسلمت .
الـزيـنّ رمت عباتها  : ها يبنات وديتن الدبش؟ .
الكـادي: ايه وديناه من الظهر .. الا وش هالكشخه الحلوه ؟ .
الـزيـنّ ابتسمت وفرت بملابسها : صدق حلو ؟! .
امل : طالعه تهبلين مشالله .
الـزيـنّ : ياقلـبيّ مشكوره .
الـزيـنّ توجهت لنوف : ها يا بعديّ جاهزه احط لك المكياج .
نوف : اي يالله بس تكفين حطي لي خفيف ما ابي اكثّر .
الزين : ابشري .
وبعدها الـزيـنّ قامت تحط لنوف المكياج .
الـزيـنّ وهي تحط مكياج لنوف: يا بنات وين ثوب العروس بخرتوه ؟ .
امل : اي بخرناه وعطرناه .
الـزيـنّ : طيب .. يلا بسرعه اكشخوا وخلصوا عشان تستقبلون الحريم.
الكـادي : ابشري .
——————
( بعد صلاة المغرب )
كان الحوش امتلا بالحريم والكـادي وامل وعبير يستقبلونهم ، اما الـزيـنّ كانت جالسه عند نوف وتساعدها بتجهيز نفسها .
الـزيـنّ بضحك : نوف اشوفك مو متوتره .
نـوف التفتت لها : ايه يا قلبي ترا انا مو نفسك وترتينا معك بيوم عرسك .
الـزيـنّ : عشتوو ..  اكيد كنت راح اتوتر يعني اخوك كنت ما اعرفه ولا شايفته .
نوف وهي تناظر نفسها بالمرايه : احم احم طبعاً مالا داعي اتكلم عن عبدالعزيز اني اعرفه من قبل صح ؟ .
الـزيـنّ ضحكت : ايه صادقه مالا داعي تتكلمين عن حبيب القلب . (وضحكت)
نوف خجلت : الـزيـنّ وشفيك صرتي الكـادي الثانيه ؟.
الـزيـنّ وهي تحاول تكتم ضحكتها : خلاص يا بعديّ .. المهم يلا جاهزه ؟ .
نوف : ايه .
الـزيـنّ : يالله ربع ساعه وتطلعين ، انا بروح اسلم على الحريم وايي طيب ؟ .
نوف : خوذي راحتك يا عمري .
طلعت الـزيـنّ من الغرفه وسلمت على الحريم الي موجودين بالحوش ، وبعدها ردت عند نوف .
——————
(بيت عبدالعزيز )
كانوا عبدالله وخالد وسلطان وعبدالعزيز بالمجلس تبخروا وتعطلوا ولبسوا عبدالعزيز بشته .
خالد : يالله نروح يا ولديّ للمجلس ؟ .
عبدالعزيز : يالله ياعم مشينا .
وطلعوا كلهم برا البيت وتوجهوا لمجلس القبيله ، دخلو المجلس وسلموا على الرجال الموجودين وتلقى عبدالعزيز التهاني والتبريكات من جميع الحظور وبعدها جلسوا وتقهوو .
——————
دخلت عبير على نوف .
عبير : مشالله مشالله يا بعديّ طالعه تهبلين .
نوف : صدق يما ؟.
عبير دمعت : ايه صدق .
نوف حظنت امها : يوهه يما تكفين لا تبكيني معك .
عبير وخرت عنها : خلاص ماني باكيه .
الـزيـنّ : خلاص عاد لا تبكون .. يالله يا نوف جاهزه تطلعين ؟ .
نوف طالعت نفسها بالمرايه : ايه يلا .
وكانت نوف لابسه لبس العروس الابيض وكان بسيط وحلو وفيه نفسه خفيفه من تحت وكانت ناقشه ايدينها ورجولها وكانت لابسه قلاده ذهب وتزين اصابعها بخواتم ذهب وتاركه شعرها منسدل على ظهرها .
طلعت نوف من الغرفه وهي تمشي بشويش ووراها الـزيـنّ وعبير ، اول ما طلعت بدت هلاهيل الحريم لها وبدت الفرقه بدق طبولها تستقبل نوف ، واخيرا وصلت نوف لكرسي العروس الي متوسط الحوش وجلست عليه ، بدت الفرقه بدق طبولها وسط رقص بعض البنات وهلاهيل الحريم .
عبير : الـزيـنّ ابيك ترقصين معي بعد هذي الاغنيه.
الـزيـنّ بهمس : بس مو عيب ياعمه ؟ .
عبير استغربت : ومن وشو عيب ؟ .
الـزيـنّ خجلت : لاني توني ماصارلي يومين معرسه .
عبير ابتسمت لها : لا يا بعديّ مو عيب .. شنهو يعني ما اقدر ارقص مع حرمه ولدي ؟ .
الـزيـنّ ردت لها الابتسامه : الا تقدين .
عبير : ايل يلا قومي معي .
الـزيـنّ قامت معاها بعد ما بدوا الفرقه بدق طبولها باغنيه جديده .