يا ويـل قلبـيّ من دلٌـع كامـلْ الـزيـنّ

Part 5

<لطفاً لايك قبل القراءه💞🥺>

قامت عبير ونوف وقامت معاهن الكـادي قالت الكـادي
الكـادي :ايّلسي يا خاله تو الناس
عبير : لا والله ما اقدر لازم اروّح اسوي العشا للشيخ
ابتسمت الكـادي: الله معك
التفتت عبير للزين وقالت
عبير : الـزيـنّ بنيتي انا ادري انك بنت اصيله وانشالله راح تفكرين بالموضوع زين ولا تنسين راح اييّكم بعد يومين وانشالله اسمع الخبر الي يفرحني .
ما قدرت الـزيـنّ ترد عليها فأكتفت انها تبتسم لها اطلعوا عبير ونوف من بيت ذياب ورافقتهم الكـادي للباب،بعد ما طلعوا جت الكـادي الـزيـنّ وقالت بدعشه واستغراب
الكـادي: سمعتي الي سمعته؟
الـزيـنّ بدهشه لا تقل عن دهشه الكـادي : سمعت سمعت .
الكـادي: الحين شلون بتوافقين؟
الـزيـنّ لحد الان مصدومه : الحين هي خطبتني ؟
الكـادي ناظرتها باستغراب وقالت:اي خطبتك
الـزيـنّ بصدمه : للشيخ سلطان !
الكـادي:ايي ويعني؟
الـزيـنّ بصدمه : شيخ قبيله علـيـان!!
الكـادي ضربت الـزيـنّ بكتفها : يابنت وشفيك انهبلتي؟
الـزيـنّ وعت على نفسها : لا لا مابي مابي ماراح اوافق .
الكـادي : لا تقررين بسرعه صلي صلاة استخارة والله يكتب الي فيه الخير ولا تنسين هو شيخ قبيله علـيـان ولا راح تحصلين افضل منه
الـزيـنّ: وشنو يعني اذا هو شيخ ؟تراه حاله حالنا كلنا بشر .
الكـادي: قلتي لي معلومه جديده تصدقين ما كنت ادري انه بشري !!!
ضحكت الـزيـنّ عليها
كملت الكـادي كلامها : انا اتوقع ان ابوي يوافق عليه .